ಸಮಾಜದಲ್ಲಿ ಶಿಕ್ಷಕರಿಗೆ ಸಿಗುವ ಗೌರವ ಸ್ಥಾನಮಾನ ಬೇರೆಯದ್ದು

ಸುರಪುರ: ತಾಲೂಕಿನ ಪೇಠ ಅಮ್ಮಾಪುರ ಗ್ರಾಮದ ಸಗರನಾಡು ಶಿಕ್ಷಣ ಸಂಸ್ಥೆಯ ಅನುದಾನಿತ ಪ್ರೌಢಶಾಲೆಯ ಮುಖ್ಯೋಪಾಧ್ಯಾಯ ಚಂದಪ್ಪ ಯಾದವ್ ಹಾಗೂ ಹಿರಿಯ ಪ್ರಾಥಮಿಕ ಶಾಲೆಯ ಹಿರಿಯ ಶಿಕ್ಷಕ ಜಕ್ಕಪ್ಪ ಬಂಕಲಗಾರವರ ವಯೋ ನಿವೃತ್ತಿ ಅಂಗವಾಗಿ ಬೀಳ್ಕೊಡುಗೆ ಸಮಾರಂಭ ನಡೆಸಲಾಯಿತು.

ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಗಳಾಗಿ ಆಗಮಿಸಿದ್ದ ಯಾದಗಿರಿ ಡಿಡಿಪಿಐ ಕಚೇರಿಯ ವಿಷಯ ಪರಿವೀಕ್ಷಕ ಬಿ.ವೆಂಕೋಬ ಅವರು ಮಾತನಾಡಿ ಶಿಕ್ಷಕ ವೃತ್ತಿ ತುಂಬಾ ಪವಿತ್ರ ಹಾಗೂ ಶ್ರೇಷ್ಠವಾದದ್ದು ಸಮಾಜದಲ್ಲಿ ಶಿಕ್ಷಕರಿಗೆ ಸಿಗುವ ಗೌರವ ಸ್ಥಾನಮಾನ ಬೇರೆ ಯಾವುದೇ ಹುದ್ದೆಯಲ್ಲಿ ಸಲ್ಲಿಸಿದವರಿಗೆ ಸಿಗುವದಿಲ್ಲ ಹೀಗಾಗಿ ಶಿಕ್ಷಕರಾದವರು ತಮ್ಮಲ್ಲಿರುವ ಜ್ಞಾನವನ್ನು ವಿದ್ಯಾರ್ಥಿಗಳಿಗೆ ಧಾರೆ ಎರೆಯುವ ಮೂಲಕ ಸಮರ್ಪಣ ಭಾವದಿಂದ ಸೇವೆ ಸಲ್ಲಿಸಿಬೇಕು ಎಂದು ಹೇಳಿದರು.

ಉತ್ತಮ ರೀತಿಯಲ್ಲಿ ಬೋಧಿಸಿದ ಶಿಕ್ಷಕರನ್ನು ವಿದ್ಯಾರ್ಥಿಗಳು ಎಂದಿಗೂ ಮರೆಯುವದಿಲ್ಲ ಅವರನ್ನು ಯಾವಾಗಲೂ ನೆನೆಸುತ್ತಾರೆ ಎಂದು ಅಭಿಪ್ರಾಯಪಟ್ಟ ಅವರು ಸಗರನಾಡು ಶಾಲೆಯಲ್ಲಿ ಮಖ್ಯೋಪಾಧ್ಯಾಯರಾಗಿ ವಯೋ ನಿವೃತ್ತಿ ಹೊಂದಿದ ಚಂದಪ್ಪ ಯಾದವ್ ಹಾಗೂ ಹಿರಿಯ ಶಿಕ್ಷಕ ಜಕ್ಕಪ್ಪ ಬಂಕಲಗಾ ಅವರು ಸಲ್ಲಿಸಿದ ಸುದೀರ್ಘ ಸೇವೆಯನ್ನು ಶ್ಲಾಘಿಸಿದ ಅವರು ನಿವೃತ್ತಿ ನಂತರವೂ ವಿದ್ಯಾರ್ಥಿಗಳಿಗೆ ಬೋಧನೆ ಹಾಗೂ ಶಿಕ್ಷಣ ಇಲಾಖೆಯ ಮತ್ತು ಸಾಮಾಜಿಕ ಕಾರ್ಯಗಳ ಸೇವೆಯಲ್ಲಿ ತೊಡಗಿಸಿಕೊಳ್ಳಬೇಕು ಎಂದು ಹೇಳಿದರು.

ಪ್ರದೀಪ ಪುರ್ಲೆ ಕಾರ್ಯಕ್ರಮ ಉದ್ಘಾಟಿಸಿದರು, ಕ.ಸಾ.ಪ ಅಧ್ಯಕ್ಷ ಶರಣಬಸಪ್ಪ ಯಾಳವಾರ, ವಾಗಣಗೇರಾದ ಬಸ್ಸಣ್ಣ ಶರಣರು, ಯುವ ಮುಖಂಡ ಮಹೇಶ ಯಾದವ್, ಸರಕಾರಿ ನೌಕರರ ಸಂಘದ ತಾಲೂಕು ಅಧ್ಯಕ್ಷ ಸಂಜೀವ ದರಬಾರಿ, ಪಿಡಿಓ ರಾಜಕುಮಾರ, ಸಾಯಬಣ್ಣ ಪುರ್ಲೆ, ದೊಡ್ಡ ಮಲ್ಲಿಕಾರ್ಜುನ ಹುದ್ದಾರ, ಕಾಂತೇಶ, ಅಪ್ಪಣ್ಣ ಕುಲಕರ್ಣಿ,ಧೀರೇಂದ್ರ ಕುಲಕರ್ಣಿ ಇತರರು ವೇದಿಕೆಯಲ್ಲಿ ಉಪಸ್ಥಿತರಿದ್ದರು.

ಈ ಸಂದರ್ಭದಲ್ಲಿ ನಿವೃತ್ತರಾದ ಚಂದಪ್ಪ ಯಾದವ್ ಹಾಗೂ ಜಕ್ಕಪ್ಪ ಬಂಕಲಗಾರವರನ್ನು ಶಾಲೆಯ ಹಾಗೂ ವಿವಿಧ ಶಾಲಾ-ಕಾಲೇಜುಗಳು, ಸಂಘ ಸಂಸ್ಥೆಗಳು ಮತ್ತು ಶಾಲೆಯ ಹಳೆಯ ವಿದ್ಯಾರ್ಥಿಗಳ ವತಿಯಿಂದ ಅದ್ದೂರಿಯಾಗಿ ಸನ್ಮಾನಿಸಲಾಯಿತು ನಂತರ ಹಳೆ ವಿದ್ಯಾರ್ಥಿಗಳು ವಯೋ ನಿವೃತ್ತಿ ಹೊಂದಿದ ಇಬ್ಬರು ಶಿಕ್ಷಕರನ್ನು ಸಾರೋಟ ರಥದಲ್ಲಿ ಕುಳ್ಳಿಸಿರಿ ಗ್ರಾಮದ ಬೀದಿಗಳಲ್ಲಿ ಅದ್ದೂರಿ ಮೆರವಣಿಗೆ ನೆರವೇರಿಸಿದರು, ಶಿಕ್ಷಕರಾದ ಬಸವಣ್ಣೆಪ್ಪ ಹಂಗರಗಿ ನಿರೂಪಿಸಿದರು ಗೋಪಣ್ಣ ಯಾದವ್ ಪ್ರಾಸ್ತಾವಿಕವಾಗಿ ಮಾತನಾಡಿದರು ಈರಣ್ಣ ವಂದಿಸಿದರು.