ಕನ್ನಡ ಸೇನೆ ಕರ್ನಾಟಕ: ತಾಲೂಕು ಘಟಕದ ಪದಾಧಿಕಾರಿಗಳ ನೇಮಕ

ಸುರಪುರ: ನಗರದ ಟೇಲರ್ಸ್ ಮಂಜಿಲ್ ಅತಿಥಿಗೃಹದಲ್ಲಿ ಜರುಗಿದ ಕನ್ನಡ ಸೇನೆ ಕರ್ನಾಟಕ ಸಂಘಟನೆಯ ಸಭೆಯಲ್ಲಿ ತಾಲೂಕು ಘಟಕದ ನೂತನ ಪದಾಧಿಕಾರಿಗಳನ್ನು ಆಯ್ಕೆಗೊಳಿಸಲಾಯಿತು.

ತಾಲೂಕು ಘಟಕದ ಅಧ್ಯಕ್ಷ ಸಭೆಯ ಅಧ್ಯಕ್ಷತೆ ವಹಿಸಿದ್ದ ಮಲ್ಲು ಹೊಸಮನಿ ಮಾತನಾಡಿ ಕನ್ನಡ ಸೇನೆ ಕರ್ನಾಟಕ ಸಂಘಟನೆಯು ಕನ್ನಡ ಭಾಷೆ,ನೆಲ,ಜಲ ಸೇರಿದಂತೆ ನಾಡಿನ ಯಾವುದೇ ವಿಷಯಗಳಲ್ಲಿ ರಾಜ್ಯದ ಹಿತಕ್ಕೆ ಧಕ್ಕೆ ಬಂದಲ್ಲಿ ಸದಾ ಹೋರಾಟಕ್ಕೆ ಸಿದ್ಧವಾಗಿದ್ದು ಅಲ್ಲದೆ ತಾಲೂಕಿನ ಜನರ, ರೈತರ ಯಾವುದೇ ಸಮಸ್ಯೆಗಳಿರಲಿ ಅದಕ್ಕೆ ಸ್ಪಂದಿಸಿ ಜನರ ಸಂಕಷ್ಟದಲ್ಲಿ ಪಾಲ್ಗೊಂಡು ಜನಪರ ಹೋರಾಟದಲ್ಲಿ ತೊಡಗಿಸಿಕೊಂಡಿದ್ದು ಸಂಘಟನೆಯ ಪದಾಧಿಕಾರಿಗಳು ಸಂಘಟನೆಯ ತತ್ವ ಸಿದ್ಧಾಂತಕ್ಕೆ ಬದ್ಧರಾಗಿ ನಾಡಿನ ಹಿತ ಕಾಪಾಡುವ ಮೂಲಕ ರಾಜ್ಯದ ಶ್ರೇಯೋಭಿವೃದ್ಧಿಗಾಗಿ ಶ್ರಮಿಸಬೇಕು ಎಂದು ಕರೆ ನೀಡಿದರು.

ಸಭೆಯಲ್ಲಿ ಸಂಘಟನೆಯ ವಿವಿಧ ಪದಾಧಿಕಾರಿಗಳನ್ನು ಆಯ್ಕೆಗೊಳಿಸಲಾಯಿತು. ವಾಸು ಕೆಂಗೂರಿ(ಗೌರವಾಧ್ಯಕ್ಷ), ಹುಸನಪ್ಪ ಜೀವಣಗಿ(ಉಪಾಧ್ಯಕ್ಷ), ಭಾಗನಾಥ ಗುತ್ತೇದಾರ(ಪ್ರಧಾನ ಕಾರ್ಯದರ್ಶಿ), ರವಿಚಂದ್ರ ಠಾಣಾಗುಂದಿ(ಸಹ ಕಾರ್ಯದರ್ಶಿ), ಲಕ್ಷ್ಮೀಕಾಂತ ರೂಢಿಯಾರ(ಸಂಘಟನಾ ಕಾರ್ಯದರ್ಶಿ), ರಾಮಕೃಷ್ಣ ನಾಯಕ(ಸಂಚಾಲಕ), ವಿಜಯಕುಮಾರ ಬಡಿಗೇರ(ಖಜಾಂಚಿ) ಹಾಗೂ ಶಿವರಾಜ ಹುಲಕಲ್ (ಮಾಧ್ಯಮ ಪ್ರತಿನಿಧಿ)ಯನ್ನಾಗಿ ನೇಮಕಗೊಳಿಸಿ ನೇಮಕಾತಿ ಪತ್ರವನ್ನು ವಿತರಿಸಲಾಯಿತು.