ವಿವೇಕ ವಾಣಿಗಳು ಸತ್ಯದ ಪ್ರತಿಬಿಂಬ: ಬಡಿಗೇರ

ಕಲಬುರಗಿ; ಪಾಶ್ಚಿಮಾತ್ಯ ರಾಷ್ಟ್ರಗಳಲ್ಲಿ ಭಾರತ ದೇಶದ ಮಾನವೀಯ ಮೌಲ್ಯಗಳನ್ನು ಪ್ರಸಾರ ಮಾಡಿರುವ ವೀರ ಸನ್ಯಾಸಿ ಸ್ವಾಮಿ ವಿವೇಕಾನಂದರ ವಾಣಿಗಳು ಸತ್ಯದ ಪ್ರತಿಬಿಂಬ ಆಗಿವೆ ಎಂದು ಕನ್ನಡ ಅಭಿವೃದ್ಧಿ ಪ್ರಾಧಿಕಾರದ ಮಾಜಿ ಸದಸ್ಯ ಸುರೇಶ ಬಡಿಗೇರ ಹೇಳಿದರು.

ನಗರದ ಶ್ರೀಮತಿ ಪಿಲ್ಲು ಹೋಮಿ ಇರಾನಿ ಪದವಿ ಮಹಾವಿದ್ಯಾಲಯದಲ್ಲಿ ಹಮ್ಮಿಕೊಂಡ ಸ್ವಾಮಿ ವಿವೇಕಾನಂದರ ಜನ್ಮ ದಿನಾಚರಣೆ ಕಾರ್ಯಕ್ರಮದಲ್ಲಿ ಉಪನ್ಯಾಸಕರಾಗಿ ಭಾಗವಹಿಸಿ ಮಾತನಾಡಿದರು.

ಸ್ವಾರ್ಥ ಎಂಬುದು ಅಧರ್ಮ, ನಿಸ್ವಾರ್ಥ ಎಂಬುದು ಧರ್ಮ ಎಂದು ಹೇಳಿದ ಸ್ವಾಮಿ ವಿವೇಕಾನಂದರಿಗೆ ಕರ್ನಾಟಕದ ಮೈಸೂರು ಮಹಾರಾಜರು ಧನ ಸಹಾಯ ಮಾಡಿ ಚಿಕಾಗೋ ನಗರಕ್ಕೆ ಹೋಗಲು ನೆರವಾಗಿದ್ದು ಇತಿಹಾಸ ಇದೆ ಎಂದು ಉದಾಹಣೆ ಸಮೇತ ವಿವರಿದರು.

ಕಾರ್ಯಕ್ರಮ ಉದ್ಘಾಟಿಸಿದ ಸಣ್ಣ ನೀರಾವರಿ ಇಲಾಖೆಯ ಅಧಿಕ್ಷಿಕ್ ಅಭಿಯಂತರರಾದ ಡಾ. ಸುರೇಶ ಶರ್ಮಾ ಅವರು ಮಾತನಾಡಿ, ಇಂದಿನ ಯುವಕರು ಸಿನೆಮಾ ತಾರೆಯರನ್ನು ಮಾದರಿಯನ್ನಾಗಿ ಇಟ್ಟಿಕ್ಕೊಳ್ಳದೆ, ಸ್ವಾಮಿ ವಿವೇಕಾನಂದ ಹಾಗೂ ಬಾಬಾಸಾಹೇಬ್ ಅಂಬೇಡ್ಕರ್ ಅವರಂತಹ ಶ್ರೇಷ್ಟ ನಾಯಕರನ್ನು ಮಾಡಿ ಮಾದರಿಯನ್ನಾಗಿ ಇಟ್ಟುಕೊಳ್ಳಬೇಕು ಎಂದು ಹೇಳಿದರು.

ಕಾರ್ಯಕ್ರಮಕ್ಕೆ ಇನ್ನೋರ್ವ ಮುಖ್ಯ ಅತಿಥಿಗಳಾಗಿ ಆಗಮಿಸಿದ ಮಾತೆ ಸಾವಿತ್ರಿಬಾಯಿ ಫುಲೆ ಶಿಕ್ಷಕಿಯರ ಸಂಘದ ದಕ್ಷಿಣ ಘಟಕದ ಪ್ರಧಾನ ಕಾರ್ಯದರ್ಶಿಗಳದ ನಂದಿನಿ ಸನಬಾಲ ಅವರು ಮಾತನಾಡಿ ಪ್ರಯತ್ನಕ್ಕೆ ಪರ್ಯಾಯ ಮಾರ್ಗ ಇನ್ನೊಂದಿಲ್ಲ, ವಿದ್ಯಾರ್ಥಿಗಳು ಕಷ್ಟ ಪಟ್ಟು ಓದುವುದಕ್ಕಿಂತ ಇಸ್ಟ ಪಟ್ಟು ಓದಬೇಕು ಎಂದರು.

ಸಮಾರಂಭದ ಅಧ್ಯಕ್ಷತೆಯನ್ನು ವಹಿಸಿ ಮಾತನಾಡಿದ ಕಾಲೇಜಿನ ಪ್ರಾಚಾರ್ಯರಾದ ಡಾ. ಜ್ಯೋತಿ ಸ್ವಾಮಿ ಅವರು, ವೀರ ಸನ್ಯಾಸಿ ಸ್ವಾಮಿ ವಿವೇಕಾನಂದರ ಆದರ್ಶಗಳು ವಿಶೇಷವಾಗಿ ಯುವಕರಿಗೆ ಮಾದರಿ ಆಗಿವೆ. ಸ್ವಾಮಿ ವಿವೇಕಾನಂದರ ಅವರು ಮಹಿಳೆಯರ ಬಗ್ಗೆ ಅನೇಕ ಅಭಿವೃದ್ಧಿ ಪರ ಹಿತವಚನಗಳು ಹೇಳಿದ್ದಾರೆ ಎಂದು ಹೇಳಿದರು.

ಉಪನ್ಯಾಸಕರಾದ ಸವಿತಾ ಅವರು ಕಾರ್ಯಕ್ರಮ ನಿರೂಪಿಸಿದರು. ವಿದ್ಯಾರ್ಥಿಗಳಿಗೆ ಅಭಿನಂದನಾ ಪತ್ರಗಳು ವಿತರಿಸಲಾಯಿತು.