ಕಲಬುರಗಿ: ಹಜರತ್ ನಸಿರೋದ್ದಿನ್ ಚಿರಾಗ್ ದೇಹಲ್ವಿ (ರ.ಅ) ಅವರ ಉರುಸ್ ನಿಮಿತ್ತ ಇಲ್ಲಿನ ಹಜರತ್ ಖಾಜಾ ಬಂದಾ ನವಾಜ್ (ರ.ಅ) ಆವರಣದ ಛೋಟಿ ದರ್ಗಾದಲ್ಲಿರುವ ಪಾಲ್ಕಿಗೆ ಗಂಧದ ಲೇಪನ ಮಾಡಿ ಉರುಸ್ ಗೆ ಹಜರತ್ ಸೈಯದ್ ಶಾ ಕುಬುಲೂಲ್ಲಾಹ ಹುಸೈನಿ ಅಲ್ ಮಾರುಫ್ ಖಾಜಾ ಎ ಗಂಜೆ ಬಕಷ್ ಛೋಟಿ ದರ್ಗಾದ ಪೀಠಾಧಿಪತಿಗಳಾದ ಹಜರತ್ ಸೈಯದ್ ಶಾ ಮೊಹಮ್ಮದ್ ಮೊಹಮ್ಮದ್ ಉಲ್ ಹಸನ್ ಸಬ್ಬಿರ್ ಹುಸೈನಿ ಅವರು ಚಾಲನೆ ನೀಡಿದರು.
ಹಜರತ್ ಸೈಯದ್ ಶಾ ಕುಬುಲೂಲ್ಲಾಹ ಹುಸೈನಿ ಅಲ್ ಮಾರುಫ್ ಖಾಜಾ ಎ ಗಂಜೆ ಬಕಷ್ ಛೋಟಿ ದರ್ಗಾದಲ್ಲಿರುವ ನಸಿರೊದ್ದೀನ್ ಚಿರಾಗ್ ದೇಹಲ್ವಿ ಅವರ ಪಾಲ್ಕಿಗೆ ಖಾಜಾ ಬಂದಾ ನವಾಜ್ ದರ್ಗಾದ ಪೀಠಾಧಿಪತಿಗಳ ಮನೆತನದಿಂದ ಗಂಧ ಲೇಪನ ಕಾರ್ಯಕ್ರಮವನ್ನು ಪೀಠಾಧಿಪತಿಗಳು ಚಾಲನೆ ನೀಡಿ ಇಫ್ತಾರ್ ಕೂಟದ ನಂತರ ಭಕ್ತರಿಗೆ ಅನ್ನ ದಾಸೋಹ ಮಾಡಲಾಯಿತು.
ಈ ಸಂದರ್ಭದಲ್ಲಿ ಹಜರತ್ ಸೈಯದ್ ಶಾ ಕುಬುಲೂಲ್ಲಾಹ ಹುಸೈನಿ ಅಲ್ ಮಾರುಫ್ ಖಾಜಾ ಎ ಗಂಜೆ ಬಕಷ್ ಛೋಟಿ ದರ್ಗಾದ ಪೀಠಾಧಿಪತಿಗಳ ಪುತ್ರರಾದ ಹಜರತ್ ನಿಜಾಮ್ ಬಾಬಾ, ದರ್ಗಾದ ಮನೆತನದ ಹಿರಿಯರು ಹಾಗೂ ಮುಖಂಡರು ಸೇರಿದಂತೆ ಶಾಸಕಿ ಕನೀಜ್ ಫಾತೀಮಾ ಅವರ ಪುತ್ರ ಫರಾಜ್ ಉಲ್ ಇಸ್ಲಾಂ ಕಾರ್ಯಕ್ರಮದಲ್ಲಿ ಪಾಲ್ಗೊಂಡರು.