ಸುರಪುರ: ತಾಲೂಕಿನ ವಿವಿಧ ಗ್ರಾಮಗಳಿಗೆ ಸರಿಯಾದ ಸಮಯಕ್ಕೆ ಬಸ್ ಬಾರದೆ ಇರುವುದರಿಂದ ವಿದ್ಯಾರ್ಥಿಗಳು ನಿತ್ಯವು ಶಾಲಾ ಕಾಲೇಜುಗಳಿಗೆ ಬರಲು ತೊಂದರೆಯಾಗುತ್ತಿದೆ.ಆದ್ದರಿಂದ ಸರಿಯಾದ ಸಮಯಕ್ಕೆ ಬಸ್ ಆಗಮಿಸಲು ಕ್ರಮ ಕೈಗೊಳ್ಳುವಂತೆ ಆಗ್ರಹಿಸಿ ಅಖಿಲ ಭಾರತ ವಿದ್ಯಾರ್ಥಿ ಪರಿಷತ್ ಅನೇಕ ಮುಖಂಡರು ನಗರದಲ್ಲಿ ಬಸ್ ಡಿಪೋಕ್ಕೆ ತೆರಳಿ ಘಟಕ ವ್ಯವಸ್ಥಾಪಕರಿಗೆ ಮನವಿ ಸಲ್ಲಿಸಿದರು.
ಈ ಸಂದರ್ಭದಲ್ಲಿ ಮಾತನಾಡಿದ ಮುಖಂಡರು,ತಾಲೂಕಿನ ಕಿರದಳ್ಳಿ,ಮರಕಲ್ ಹೆಮನೂರ, ಜುಮಲಾಪುರ,ಕರಡಕಲ್, ಶೆಟ್ಟಿಗೆರ,ಬಾದ್ಯಾಪುರ,ಬೈರಿಮಡ್ಡಿ,ಚಿಕ್ಕನಹಳ್ಳಿ ಸೇರಿ ವಿವಿಧ ಗ್ರಾಮಗಳಿಗೆ ಸರಿಯಾದ ಸಮಯಕ್ಕೆ ಬಸ್ ಬಾರದೆ ಇರುವುದರಿಂದ ವಿದ್ಯಾರ್ಥಿಗಳು ಶಾಲಾ ಕಾಲೇಜಿಗೆ ಬರಲು ತುಂಬಾ ತೊಂದರೆಯಾಗುತ್ತಿದೆ.
ಆದ್ದರಿಂದ ನಿತ್ಯವು ಬೆಳಿಗ್ಗೆ 7:30ಕ್ಕೆ ಬಸ್ ಬರುವಂತೆ ಹಾಗೂ ಮದ್ಹ್ಯಾನ 2:30ಕ್ಕೆ ಮರಳಿ ಊರುಗಳಿಗೆ ಹೋಗಲು ಹಾಗೂ ಲಿಂಗಸೂಗುರು ಭಾಗದಿಂದ ಬರುವ ಎಲ್ಲಾ ಬಸ್‍ಗಳು ದೇವಾಪುರದಲ್ಲಿ ನಿಲ್ಲಿಸುವಂತೆ ಕ್ರಮ ಕೈಗೊಳ್ಳಲು ವಿನಂತಿಸಿದರು.
ಈ ಸಂದರ್ಭದಲ್ಲಿ ನಗರ ಕಾರ್ಯದರ್ಶಿ ವಿನೋದಕುಮಾರ ರತ್ನಗಿರಿ ಯಾಳಗಿ ಸೇರಿದಂತೆ ಅನೇಕ ವಿದ್ಯಾರ್ಥಿಗಳಿದ್ದರು.