ಕಲಬುರಗಿ: ಬಹಳ ವರ್ಷಗಳಿಂದ ನಮ್ಮ ದೇಶದಲ್ಲಿ ವಾರ್ತೆಗಳು, ಕೃಷಿ, ನಾಟಕ, ಮನರಂಜನೆ ಸೇರಿದಂತೆ ಅನೇಕ ವಿಷಯಗಳ ಮಾಹಿತಿಯನ್ನು ನೀಡುವ ಮೂಲಕ ದೂರದರ್ಶನ ಶ್ರಮಿಸಿದೆ. ಪ್ರಕೃತಿ ವಿಕೋಪದಂತಹ ಸಂದರ್ಭಗಳಲ್ಲಿ ದೂರದರ್ಶನ ಜನರಿಗೆ ಆಸರೆಯಾಗಿ ಸೇವೆ ಸಲ್ಲಿಸುವ ಮೂಲಕ ದೇಶದ ಅಭಿವೃದ್ಧಿಗೆ ತನ್ನದೇ ಆದ ಕೊಡುಗೆಯನ್ನು ನೀಡಿದೆ ಎಂದು ಉಪನ್ಯಾಸಕ ಎಚ್.ಬಿ.ಪಾಟೀಲ ಅಭಿಮತಪಟ್ಟರು.
ನಗರದ ನ್ಯೂ ಗೋವಾ ಹೊಡೆಲ್ ಎದುರುಗಡೆಯಿರುವ ‘ಶ್ರಣ ಎಂಟರಪ್ರೈಸ್’ನಲ್ಲಿ ‘ಬಸವೇಶ್ವರ ಸಮಾಜ ಸೇವಾ ಬಳಗ’ದ ವತಿಯಿಂದ ಮಂಗಳವಾರ ಏರ್ಪಡಿಸಲಾಗಿದ್ದ ‘ವಿಶ್ವ ದೂರದರ್ಶನ ದಿನಾಚರಣೆ’ಯ ಕಾರ್ಯಕ್ರಮದಲ್ಲಿ ಅವರು ಮಾತನಾಡುತ್ತಿದ್ದರು.
ದೂರದರ್ಶನವು ಶಬ್ದದ ಜೊತೆ ದೃಶ್ಯವನ್ನು ತೋರಿಸುವ ಮೂಲಕ ನೈಜ ಅನುಭವವನ್ನು ನಮಗೆ ನೀಡುತ್ತದೆ. ದೂರದರ್ಶನ ವೀಕ್ಷಣೆಯಿಂದ ಹೆಚ್ಚಿನ ಮಾಹಿತಿ ದೊರೆಯುತ್ತದೆ. ಹೊಸ ವಸ್ತುಗಳ ಬಗ್ಗೆ ಜಾಹಿರಾತಿನ ಮೂಲಕ ಗ್ರಾಹಕರಿಗೆ ಗೊತ್ತಾಗುತ್ತದೆ. ಉದ್ಯೋಗಾವಕಾಶಗಳ ಬಗ್ಗೆ ಮಾಹಿತಿ ದೊರೆಯುತ್ತದೆ. ಸಂವಹನ ಕೌಶಲ ಮತ್ತು ಸೃಜನಶೀಲತೆ ಬೆಳೆಸುತ್ತದೆ. ಮನರಂಜನೆ ನೀಡುತ್ತದೆ. ಶೈಕ್ಷಣಿಕ ಕಾರ್ಯಕ್ರಮಗಳು, ದೈಹಿಕ, ಮಾನಸಿಕ ವೈದ್ಯರ ಸಲಹೆಗಳು, ಸಂಗೀತ, ಸಂಸ್ಕøತಿ, ಪರಂಪರೆ ಸೇರಿದಂತೆ ದೂರದರ್ಶನದಿಂದ ಸಾಕಷ್ಟು ಮಾಹಿತಿ ದೊರೆಯುತ್ತದೆ. ಟಿವಿ ಚ್ಯಾಲನ್‍ಗಳು ಅಪರಾದ ಸುದ್ದಿ ಹೆಚ್ಚಿಗೆ ತೋರಿಸಬಾರದು. ದೂರದರ್ಶನದ ಸದುಪಯೋಗ ಮಾಡಿಕೊಳ್ಳಬೇಕು ಎಂದರು.
ಕಾರ್ಯಕ್ರಮದಲ್ಲಿ ಪ್ರಮುಖರಾದ ಶಿವಯೋಗಪ್ಪ ಬಿರಾದಾರ, ಬಸಯ್ಯಸ್ವಾಮಿ ಹೊದಲೂರ, ದೇವೇಂದ್ರಪ್ಪ ಗುಣಮುಖಿ, ಲಕ್ಷ್ಮೀಕಾಂತ ಮೇತ್ರೆ, ರವಿ ಕಟ್ಟಿಮನಿ, ರಾಜು ಕೊರಳ್ಳಿ, ಶಿವಕುಮಾರ, ಸಂದೀಪ ಸೇರಿದಂತೆ ಇನ್ನಿತರರಿದ್ದರು.