ಶಹಾಬಾದ: ಕೇಂದ್ರದ ಬಿಜೆಪಿ ಸರಕಾರ ಮಾಡಿರುವ ಸಾಧನೆಗಳನ್ನು ಮನಗಂಡು ಮತ್ತು ಮೋದಿ ಕೈ ಬಲಪಡಿಸಲು ಮತ್ತೊಮ್ಮೆ ಬಿಜೆಪಿಗೆ ಆಶೀವರ್ದಿಸಿ ಎಂದು ಕಲಬುರಗಿ ಲೋಕಸಭಾ ಒಬಿಸಿ ಮೋರ್ಚಾ ಜಿಲ್ಲಾ ಪ್ರಭಾರಿ ಬಸವರಾಜ ಮದ್ರಿಕಿ ಮತದಾರರಲ್ಲಿ ಮತಯಾಚನೆ ಮಾಡಿದರು.
ಅವರು ತಾಲೂಕಿನ ತರನಳ್ಳಿ ಗ್ರಾಮದಲ್ಲಿ ಲೋಕಸಭಾ ಚುನಾವಣೆಯ ನಿಮಿತ್ತ ಬಿಜೆಪಿ ಅಭ್ಯರ್ಥಿ ಡಾ.ಉಮೇಶ ಜಾಧವ ಪರ ಗ್ರಾಮದ ಮನೆಮನೆಗೆ ತೆರಳಿ ಮತಯಾಚನೆ ಮಾಡಿ ಕರಪತ್ರಗಳನ್ನು ಹಂಚಿದರು.
ಈ ದೇಶದ ಭವಿಷ್ಯ ಹಾಗೂ ಅಭಿವೃದ್ಧಿಯಾಗಬೇಕಾದರೆ ಮೋದಿಯವರಿಂದ ಸಾಧ್ಯ. ಕಳೆದ ಹತ್ತು ವರ್ಷದಲ್ಲಿ ಮೋದಿಯವರು ಸಾಕಷ್ಟು ಅಭಿವೃದ್ಧಿ ಕಾರ್ಯಗಳನ್ನು ಕೈಗೊಂಡಿದ್ದಾರೆ.ಆದ್ದರಿಂದ ಕೇಂದ್ರದಲ್ಲಿ ಬಿಜೆಪಿ ನೇತೃತ್ವದ ಸರಕಾರ ಬರಬೇಕಾದರೆ ಹಾಗೂ ಮತ್ತೊಮ್ಮೆ ಮೋದಿಯವರು ಪ್ರಧಾನಿಯಾಗಿ ಕಾಣಬೇಕಾದರೆ ಬಿಜೆಪಿ ಅಭ್ಯರ್ಥಿಗಳಿಗೆ ಮತ ನೀಡಬೇಕು.ಅಲ್ಲದೇ ಬಿಜೆಪಿ ಅಭ್ಯರ್ಥಿ ಡಾ.ಉಮೇಶ ಜಾಧ್ಯ ಸೀದಾ ಸಾದಾ ವ್ಯಕ್ತಿತ್ವ ಹೊಂದಿದವರು.ವಂದೇ ಭಾರತ ರೇಲ್ವೆ, ಕಲಬುರಗಿಗೆ ಟೆಕ್ಸಟೈಲ್ ಪಾರ್ಕ ಸೇರಿದಂತೆ ಅನೇಕ ಅಭಿವೃದ್ಧಿ ಕೆಲಸಗಳನ್ನು ಮಾಡಿದ್ದಾರೆ.ಕಾಂಗ್ರೆಸ್‍ನ ಸುಳ್ಳು ಹೇಳಿಕೆ, ಗ್ಯಾರಂಟಿಗಳಿಗೆ ಬಲಿಯಾಗದೇ ಮುಂದಿನ ಭವಿಷ್ಯಕ್ಕಾಗಿ ಬಿಜೆಪಿ ಮತ ನೀಡಿ ಎಂದು ಮನವಿ ಮಾಡಿದರು.
ಈ ಸಂದರ್ಭದಲ್ಲಿ ಡಿ.ಸಿ.ಹೊಸಮನಿ,ಜಗದೀಶ ಪಾಟೀಲ, ಶರಣಗೌಡ ಪಾಟೀಲ,ಅಶೋಕ ಕುಲಕರ್ಣಿ, ದುರ್ಗಣ್ಣಾ ಪೂಜಾರಿ,ಶಿವಕುಮಾರ ಹತಗುಂದಿ ಇತರರು ಇದ್ದರು.