ಸುರಪುರ: ನಗರದ ರಂಗಂಪೇಟೆಯ ಮೂಲಕ ರತ್ತಾಳ ಗ್ರಾಮಕ್ಕೆ ಹೋಗುವ ರಸ್ತೆಯಲ್ಲಿನ ಹಳ್ಳದ ಸೇತುವೆ ಮೇಲೆ ಗುಂಡಿಗಳು ಬಿದ್ದಿದ್ದು ಯಾವುದೇ ಸಂದರ್ಭದಲ್ಲಿ ಅಪಾಯ ಸೃಷ್ಟಿಸುವ ಸಾಧ್ಯತೆ ಇದ್ದು ಸಾರ್ವಜನಿಕರು ಜೀವ ಭಯದಲ್ಲಿ ಸಂಚಾರ ಮಾಡುವ ಸ್ಥಿತಿ ಎದುರಾಗಿದೆ.
ಸೇತುವೆ ಮೇಲೆ ಮೂರು ಕಡೆಗಳಲ್ಲಿ ಕುಸಿತು ಕಾಣಿಸಿಕೊಂಡಿದ್ದು ಮಳೆಗೆ ಕುಸಿಯುವ ಭೀತಿಯು ಜನರಲ್ಲಿ ಕಾಡತೊಡಗಿದೆ.ನಿತ್ಯವು ನೂರಾರು ವಾಹನಗಳು ಈ ರಸ್ತೆ ಮೂಲಕ ಓಡಾಟ ಮಾಡುತ್ತವೆ,ಸೇತುವೆ ಮೇಲೆ ಬಿದ್ದಿರುವ ಗುಂಡಿಗಳು ಭಯ ಹುಟ್ಟಿಸುತ್ತವೆ.
Contact Your\'s Advertisement; 9902492681
ಸಂಬಂಧಿಸಿರುವ ಇಲಾಖೆಯವರು ಇದರತ್ತ ಗಮನ ಹರಿಸಿ ಕೂಡಲೇ ದುರಸ್ತಿಗೆ ಕ್ರಮ ಕೈಗೊಳ್ಳಬೇಕು ಇಲ್ಲವಾದಲ್ಲಿ ಏನಾದರು ಅಪಾಯವಾದಲ್ಲಿ ಅದಕ್ಕೆ ಲೋಕೊಪಯೋಗಿ ಇಲಾಖೆ,ತಾಲೂಕ ಆಡಳಿತವೇ ಕಾರಣವಾಗಲಿದೆ.
ಆದ್ದರಿಂದ ಕೂಡಲೇ ಇದರ ದುರಸ್ತಿಗೆ ಮುಂದಾಗುವಂತೆ ರತ್ತಾಳ ಗ್ರಾಮದ ಮುಖಂಡರಾದ ಯಲ್ಲಪ್ಪ ಗಡ್ಡದರ,ನಾಗರೆಡಡಿ ಯಾದಗಿರಿ ಒತ್ತಾಯಿಸಿ,ನಿರ್ಲಕ್ಷ್ಯ ತೋರಿದಲ್ಲಿ ಈ ಭಾಗದ ಜನರು ಪ್ರತಿಭಟನೆ ನಡೆಸಲಿದ್ದೇವೆ ಎಂದು ಎಚ್ಚರಿಸಿದ್ದಾರೆ.