ಶಹಾಪುರ : ತಾಲೂಕಿನ ಬೆನಕನಹಳ್ಳಿ ಮುಖ್ಯ ರಸ್ತೆಯಲ್ಲಿ ದೊಡ್ಡ ಗುಂಡಿ ಬಿದ್ದು ವಾಹನ ಸವಾರರಿಗೆ ತುಂಬಾ ತೊಂದರೆಯಾಗುತ್ತಿದೆ,ಕೂಡಲೇ ಈ ರಸ್ತೆ ದುರಸ್ತಿ ಮಾಡಬೇಕೆಂದು ಯುವ ಮುಖಂಡ ತಿಪ್ಪಣ್ಣ ಕ್ಯಾತನಾಳ ಆಗ್ರಹಿಸಿದ್ದಾರೆ.
ತಾಲೂಕಿನಿಂದ ಬೆನಕನಹಳ್ಳಿ,ಕನ್ಯಕೂಳೂರು, ಟೋಕಾಪುರ,ಕುರುಕುಂದಿ ಕಾಡಮಗೇರಾ,ಸಂಪರ್ಕ ಕಲ್ಪಿಸುವ ಮುಖ್ಯ ರಸ್ತೆಯಾಗಿದೆ,ದಿನನಿತ್ಯ ಸಾವಿರಾರು ವಾಹನಗಳ ಓಡಾಟ ಇರುವುದರಿಂದ ಸಾರ್ವಜನಿಕರಿಗೆ ಸಂಚರಿಸಲು ತುಂಬಾ ತೊಂದರೆಯಾಗುತ್ತಿದೆ.
ಇಂತಹ ರಸ್ತೆ ಮೇಲೆ ಸಾಗುವುದು ಸರ್ಕಸ್ ಮಾಡಿದಂತಾಗುತ್ತದೆ, ದ್ವಿಚಕ್ರ ವಾಹನಗಳಿದ್ದರೂ ರಸ್ತೆಯಲ್ಲೇ ನಡೆದುಕೊಂಡು ಹೋಗುವಂತ ದುಸ್ಥಿತಿ ಬಂದೊದಗಿದೆ,ಸ್ಥಳೀಯ ಸಾರ್ವಜನಿಕರು ಈ ರಸ್ತೆಯ ದುಷ್ಥಿತಿಯ ಕಂಡು ಅದೆಷ್ಟು ಬಾರಿ ಮನವಿ ಸಲ್ಲಿಸಿದರು ಕಾಯಕಲ್ಪಗೊಂಡಿಲ್ಲ ಎಂಬುದೇ ನೋವಿನ ಸಂಗತಿ.
ಈಗಲಾದರೂ ಸಂಬಂಧಪಟ್ಟ ಅಧಿಕಾರಿಗಳು ಇತ್ತ ಗಮನಹರಿಸಿ ರಸ್ತೆ ಗುಂಡಿ ಮುಚ್ಚಿ ವಾಹನ ಸವಾರರಿಗೆ ಅನುಕೂಲ ಮಾಡಿಕೊಡಬೇಕು ಇಲ್ಲದಿದ್ದರೆ ರಸ್ತೆಗೆಳಿದು ಹೋರಾಟ ಮಾಡಬೇಕಾಗುತ್ತದೆ ಎಂದು ಎಚ್ಚರಿಕೆ ನೀಡಿದ್ದಾರೆ.