ಕಲಬುರಗಿ: ಮಹಾತ್ಮ ಗಾಂಧಿ ಹಾಗು ಲಾಲ್ ಬಹದೂರ್ ಶಾಸ್ತ್ರಿ ಅವರ ಜಯಂತಿ ನಿಮಿತ್ತ ರಟಕಲ್ ಹಿರಿಯ ಪ್ರಾಥಮಿಕ ಶಾಲೆಯ ವಿದ್ಯಾರ್ಥಿಗಳಿಗೆ ನೋಟ್ ಬುಕ್ ಮತ್ತು ಪೆನ್ನು ವಿತರಿಸಲಾಯಿತು.
ಗ್ರಾಮದ ಮುಖಂಡರಾದ ರೈತ ಸೇನೆ ತಾಲೂಕು ಅಧ್ಯಕ್ಷ ವೀರಣ್ಣ ಗಂಗಾಣಿ ಮಾತನಾಡಿ ಡಾ,ಅಂಬೇಡ್ಕರ್ ಅವರು ಯಾರಿಗಾದರೂ ಏನಾದರೂ ಕೊಡಬೇಕು ಎನಿಸಿದರೆ ಒಂದು ಪೆನ್ನು ನೋಟ್ ಬುಕ್ ಕೊಡಿಸಿ ಎಂದು ಹೇಳಿದರು, ಆ ಮಾತು ಹೇಳಿದ ಹಾಗೆ, ಮಲ್ಲಿನಾಥ್ ಪಾಟೀಲ್ ಅವರ ಹುಟ್ಟು ಹಬ್ಬದ ನಿಮಿತ್ತ ಮಕ್ಕಳಿಗೆ ನೋಟು ಬುಕ್ ಮತ್ತು ಪೆನ್ನು ಚಾಕ್ಲೇಟ್ ನೀಡುವ ಮೂಲಕ ಅರ್ಥಪೂರ್ಣವಾಗಿ ದಿಗ್ಗಜರ ಜನ್ಮದಿನ ಆಚರಿಸಲಾಯಿತು.
ಎಸ್ ಆರ್ ಸಾಲಿಮಠ ಮಾತನಾಡಿ ಇಂತಹ ಸಮಾಜ ಸೇವೆ ಮಾಡುತ್ತಿರುವ ವೀರಣ್ಣ ಗಂಗಾಣಿಯವರಿಗೆ ಅಭಿನಂದನೆ ವ್ಯಕ್ತಪಡಿಸಿದರು. ರಟಕಲ್ ಗೆಳೆಯರ ಬಳಗದ ವತಿಯಿಂದ ಶರಣು ಸೀಗಿ, ವೀರೇಶ್ ಬುಕಟಿಗಿ, ಪ್ರಭು ಹುಲುಸ್ಗೋಡ್, HM ಆದಮ್ ಖಾನ್, ಶಿವಲಿಂಗಪ್ಪ ಸಹ ಶಿಕ್ಷಕರು, ಶರಣು ಸುಲೇಪೇಟ್, ಎಸ್ ಆರ್ ಸಾಲಿಮಠ, ಶೀಲಾಬಾಯಿ ರಾಮುನ್ ಇನ್ನೂ ಅನೇಕರು ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು.