ಶಹಾಪುರ : ಪ್ರಸ್ತುತ ದಿನಮಾನಗಳಲ್ಲಿ ಸರಿಯಾದ ಕ್ರಮದಲ್ಲಿ ಆಹಾರ ಸೇವಿಸಿ ನಿಮ್ಮ ಆರೋಗ್ಯ ಕಾಪಾಡಿಕೊಳ್ಳವುದು ಬಹಳ ಮುಖ್ಯ ಎಂದು ಕೀಲು ಎಲುಬು ಮೂಳೆಗಳ ತಜ್ಞ ಡಾ. ಶರಣಗೌಡ ಹೊನ್ನಗೋಳ ಹೇಳಿದರು.
ನಗರದ ಬಿ.ಬಿ ರಸ್ತೆಗೆ ಹೊಂದಿಕೊಂಡಿರುವ ಶ್ರೀ ಸಾಯಿ ಆಸ್ಪತ್ರೆ ಹಾಗೂ ಕರೋನ ರೆಮಡಿಸ್ ವತಿಯಿಂದ ಆಯೋಜಿಸಿದ (ಬಿ ಎಂ ಡಿ) ಬೋನ್,ಮಿನರಲ್,ಡೆನ್ಸಿಟಿ ಉಚಿತ ತಪಾಸಣಾ ಶಿಬಿರ ಕಾರ್ಯಕ್ರಮದಲ್ಲಿ ರೋಗಿಗಳ ತಪಾಸಣೆ ನಡೆಸಿ ಆರೋಗ್ಯದ ಕುರಿತು ಮಾತನಾಡಿದರು.
ಮನುಷ್ಯ ಆರೋಗ್ಯದ ಕಡೆಗೆ ಗಮನಕೊಡದೆ, ಒತ್ತಡದ ಯಾಂತ್ರಿಕ ಬದುಕಿನಲ್ಲಿ ಜೀವನ ಸಾಗಿಸುತ್ತಿದ್ದಾನೆ, ಇಂಥ ವ್ಯವಸ್ಥೆಯಿಂದಲೇ ಸಮಸ್ಯೆಗಳು ಉದ್ಬವಿಸುತ್ತವೆ,100 ರಲ್ಲಿ 80 ಜನರಿಗೆ ದೇಹದಲ್ಲಿ ಕ್ಯಾಲ್ಸಿಯಂ ಕೊರತೆ ಕಂಡುಬರುತ್ತಿದೆ ಎಂದು ಕಳವಳ ವ್ಯಕ್ತಪಡಿಸಿದರು.
ಈ ಉಚಿತ ತಪಾಸಣಾ ಶಿಬಿರದಲ್ಲಿ ಒಟ್ಟು 64 ಜನ ರೋಗಿಗಳು ತಪಾಸಣೆಗೆ ಒಳಗಾದರೂ ,ಇದರಲ್ಲಿ ಒಟ್ಟು 7 ಜನ ಗಂಭೀರ ಸ್ವರೂಪದ ಕಾಯಿಲೆಯಿಂದ ಬಳಲುತ್ತಿರುವ ರೋಗಿಗಳಿಗೆ ಹೆಚ್ಚಿನ ಚಿಕಿತ್ಸೆಗಾಗಿ ಬೇರೆ ಆಸ್ಪತ್ರೆಗೆ ಶಿಫಾರಸ್ಸು ಮಾಡಲಾಯಿತು.
ಈ ಸಂದರ್ಭದಲ್ಲಿ ಕರೋನೋ ರೆಮಿಡೀಸ್ ಕಂಪನಿಯ ಪ್ರಾದೇಶಿಕ ಮುಖ್ಯಸ್ಥರಾದ ಗಣೇಶ್ ಕಡ್ಲ್ಯಾಯ್,ವೀರಭದ್ರಯ್ಯ ಹೈಯ್ಯಾಳ, ಚೌಡಪ್ಪ ಕೊಲ್ಲೂರ ಸೇರಿದಂತೆ ಇತರರು ಹಾಜರಿದ್ದರು.