ಕಲಬುರಗಿ: ನಗರದ ಹಫ್ತ್ ಗುಂಬಜ್ ಪ್ರದೇಶದಲ್ಲಿ ಗೋಡೆಯೊಂದರ ಮೇಲೆ ಪಾಕಿಸ್ತಾನ್ ಪರ ಮತ್ತು ಮೋದಿ ವಿರುದ್ಧ ಅವಾಚ್ಯ ಬರಹಗಳು ಬರೆಯಲಾಗಿರುವ ಘಟನೆ ವೇಳೆಯಲ್ಲಿ ಕಿಡಿಗೇಡಿಗಳು ಮತ್ತೊಂದು ಕೃತ್ಯ ಎಸಗಲು ಸಂಚು ರೂಪಿಸಿದರು ಎನ್ನುವ ಅಂಶ ಬೆಳಕಿಗೆ ಬಂದಿದೆ.
ಗೋಡೆಯ ಮೇಲೆ ಬರೆದ ನಂತರ ಕಾರಿಗೂ ಬೆಂಕಿ ಹಚ್ಚಲು ದುಷ್ಕರ್ಮಿಗಳು ಯತ್ನಿಸಿದ್ದರು ಎನ್ನಲಾಗುತ್ತಿದ್ದು, ಕಿಶನ್‌ರಾವ್ ಮನೆ ಎದುರಿನ ಅಬ್ದುಲ್ಲಾ ಅವರ ಕಾರು ನಿಲ್ಲಿಸಲಾಗಿತ್ತು. ಈ ಕಾರಿಗೆ ಬೆಂಕಿ ಹಚ್ಚಲು ದುಷ್ಕರ್ಮಿಗಳು ಸಂಚು ರೂಪಿಸಿದ್ದರು ಎಂಬ ಅಂಶ ಕೆಳಿಬರುತ್ತಿದೆ.
ಘಟನೆಯ ಮನೆಯ ಸುತ್ತ-ಮುತ್ತ ಯಾವುದೇ ಸಿಸಿ ಕ್ಯಾಮೆರಾ ಇಲ್ಲದಿರುವ ಬಗ್ಗೆ ಮಾಹಿತಿ ಮೆರಗಿ, ಈ ಕೃತ್ಯ ನಡೆದಿದೆ ಎಂದು ಅನುಮಾನ ವ್ಯಕ್ತವಾಗುತ್ತಿದ್ದು, ಚೌಕ್ ಪೊಲೀಸ್ ಠಾಣೆಯಲ್ಲಿ ರಾಜದ್ರೋಹ, ಕೋಮು ಗಲಭೆಗೆ ಯತ್ನ, ಪ್ರಚೋದನೆ ಸಂಬಂಧ ಐಪಿಸಿ ಸೆಕ್ಷನ್ 153(ಎ), 153(ಬಿ), 124(ಎ) ಹಾಗೂ 505 (2) ಅಡಿಯಲ್ಲಿ ಪ್ರಕರಣ ದಾಖಲಾಗಿದೆ. ಪೊಲೀಸರು ಈ ಕರಿತು ತನಿಖೆ ನಡೆಸಿದ್ದಾರೆ.
ಸದ್ಯ ಘಟನಾ ಸ್ಥಳದಲ್ಲಿ ಮುನ್ನಚರೆಕೆ ಕ್ರಮವಾಗಿ ಪೊಲೀಸರು ನಿಯೋಜಿಸಲಾಗಿದೆ.