ದೂರದಿಂದ ನೀರ ತರಬೇಕ
ಬ್ಯಾಸಿಗೆ ಬಂತವ್ವ ಕೂಸಿಗೆ ನೀರಿಲ್ಲ
ಕಾಸಿಗೆ ಅಲ್ಲಿ ಮಾರುತಾರ//ಅಣ್ಣಯ್ಯ
ಮನಿಯಾಗ ಇಲ್ಲ ತರಲಾಕ
ಉಳ್ಳವರ ಮನಿಯಾಗ ಸೋಸಿದ ನೀರವ್ವ
ಕಾಸಿಗೆ ಕೊಂಡು ತರುತಾರ//ಮಗಳೆ
ಉಳ್ಳವರು ಕೊಂಡು ಕುಡಿತಾರ
ಸಿಹಿ ನೀರ ಹಳ್ಳದ ವರಿತೆಲ್ಲ ಬತ್ತ್ಯಾವು
ಹಳ್ಳ ಕೊಳ್ಳಗಳೇಲ್ಲ ಒಣಗ್ಯಾವು//ಮಗಳೇ
ಹಳ್ಳಕೆ ನೀನು ಹೋಗಬ್ಯಾಡ
ಊರಾಚೆ ಹೊಲದಾಗ ತಿಳಿ ನೀರ ಕೆರೆಯವ್ವ
ಊರ ಗೌಡರು ನಿಂತು ಕಟ್ಟಿಸ್ಯಾರ//ಮಗಳೇ
ಅಲ್ಲಿ ಹೋಗಿ ನೀರ ತಾರವ್ವ
ಊರಾಚೆಯ ಕೆರಿ ಬಲು ದೂರ ತಂಗೆವ್ವಾ
ಒಬ್ಬಾಕಿ ನೀನು ಹೊಗಬ್ಯಾಡ//ತಂಗೆಮ್ಮ
ಎದರು ಮನೆ ಗೆಳತಿಯ ಜೊತೆಹೋಗು
ಒಲವಿನ ಸಖಿ ಬಾರೆ ಹೋಗೋಣ ನೀರಿಗೆ
ದೂರದಿಂದಲಿ ನೀರ ತರಬೇಕ// ಸಖಿಯೇ
ಸಾವಕಾಶ ಮಾಡದೆ ಬಾ ಬೇಗ
ನೀರಿಗೆ ನಾ ಬರುವೆ ತಾಳು ನನ್ನ ಸಖಿಯೇ
ಮಣ್ಣಿನ ಬಿಂದಿಗೆ ನಾ ತರುವೆ// ಗೆಳತಿ
ತಣ್ಣಗಿರುತಾವು ಕೆರಿ ನೀರ…..
