ವಿಶ್ವ ಪರಿಸರ ದಿನಾಚರಣೆಯ ಪ್ರಯುಕ್ತ ಬರೆದ ಪರಿಸರ ಜಾಗೃತಿ ಗೀತೆ…
ಈ ಮಣ್ಣಿನ ಮಕ್ಕಳೆಲ್ಲ ಒಂದಾಗಿ ಬನ್ನಿ !
ಹಸಿರು ಕ್ರಾಂತಿ ಕಹಳೆಯನು ಮೊಳಗಿಸೋಣ ಬನ್ನಿ !!
ಹಸಿರುಸಿರ ಸಸಿಯ ನಾವು ನೆಡುವ ಬನ್ನಿ !
ಮೊಳಕೆಯನು ಮಗುವಂತೆ ಸಲಹ ಬನ್ನಿ !!
ಈ ಮಣ್ಣಿನ ಮಕ್ಕಳೆಲ್ಲ ಒಂದಾಗಿ ಬನ್ನಿ…
ವೈಭೋಗ ತೊರೆದ ಕರ್ಮವೇ ಯೋಗವೆನ್ನಿ !
ಯೋಗಭೂಮಿ ಸ್ವಚ್ಛತೆಗೆ ಮೊದಲಾದ್ಯತೆ ಎನ್ನಿ !!
ಭೂಮಿ ಕಾದಿಹಳಿಲ್ಲಿ ತಂಪನ್ನೆರೆಯಬನ್ನಿ !
ಪಚ್ಚೆಲೆಗಳ ಚಾಮರವನ್ನು ಬೀಸೋಣ ಬನ್ನಿ…
ಈ ಮಣ್ಣಿನ ಮಕ್ಕಳೆಲ್ಲ ಒಂದಾಗಿ ಬನ್ನಿ…
ಮಹಾತ್ಮ, ಪ್ರಧಾನಿ, ತಿಮ್ಮಕ್ಕ ಕಂಡ ಕನಸು !
ಸ್ವಚ್ಛ ಶುಭ್ರ ಪರಿಸರ, ಹಕ್ಕಿಗಳ ಸವಿಗಾನ !
ಮನದುಂಬಿ ಸವಿಯುವಾ !
ಹಸಿರೇ ಉಸಿರೆನ್ನುವಾ !
ಪರಿಸರವೇ ದೇವರೆಂಬ ಸಂದೇಶವ ಸಾರುವಾ…
