ಕಲಬುರಗಿ: ಇಂದು ಕನ್ನಡ ಭವನದ ಆವರಣದಲ್ಲಿ ಕರ್ನಾಟಕ ರಾಜ್ಯ ಹಿಂದುಳಿದ ಜಾತಿಗಳ ಒಕ್ಕೂಟದ (ಜಿಲ್ಲಾ ಘಟಕದ) ವತಿಯಿಂದ ಡಿ. ದೇವರಾಜ ಅರಸ್ ರ 105 ನೆ ಜಯಂತಿ ಸರಳ ರೀತಿಯಲ್ಲಿ ಆಚರಿಸಲಾಯಿತು.
ಮೊದಲಿಗೆ ಜಿಲ್ಲಾ ಘಟಕದ ಖಜಾಂಚಿ ಹಾಗೂ ಉಪನ್ಯಾಸಕ ಶಿವಾನಂದ ಅಣಜಗಿ ಎಲ್ಲರಿಗೂ ಸ್ವಾಗತಿಸಿದರು, ಪ್ರಾಸ್ತಾವಿಕವಾಗಿ ಜಿಲ್ಲಾ ಘಟಕದ ಪ್ರಧಾನ ಕಾರ್ಯದರ್ಶಿ ಹಾಗೂ ನ್ಯಾಯವಾದಿ ವಿನೋದ ಕುಮಾರ ಜೇನವೆರಿ ಯವರು ಹಿಂದುಳಿದ ಜಾತಿಗಳ ಸಮಸ್ಯೆ ಹಾಗೂ ಕಲ್ಯಾಣಕ್ಕಾಗಿ ಸತತ ಕಾರ್ಯನಿರ್ವಹಿಸಲು ಸದಾಸಿದ್ಧವಿದೆ ಎಂದರು.
ರಾಜ್ಯ ಸಂಚಾಲಕ ಹಣಮಯ್ಯ ಅಲ್ಲೂರ ಬಾಗವಹಿಸಿದ್ದರು, ಜಿಲ್ಲಾ ಘಟಕದ ಅಧ್ಯಕ್ಷ ಮಹಾಂತೇಶ ಕೌಲಗಿ ಡಿ. ದೇವರಾಜ ಅರಸು ರವರ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸಿ. ನಿಜಾಮನ ಆಡಳಿತ ದಿಂದ ಈ ಭಾಗ ಒಂದು ವರ್ಷ ಒಂದು ತಿಂಗಳು ತಡವಾಗಿ ಸ್ವಾತಂತ್ರ ವಾದರು ನಮ್ಮ ರಾಜ್ಯದಲ್ಲಿ. ದೇವರಾಜ ಅರಸ ರವರ ಹಿಂದುಳಿದ ವರ್ಗದ ವರಿಗೆ ಹಲವಾರು ಜನಪ್ರಿಯ ಯೋಜನೆಗಳು ಜಾರಿಗೆ ತಂದಿದ್ದಾರೆ ಮತ್ತು ಈ ಜನಾಂಗಕ್ಕೆ ನ್ಯಾಯವಾದಿ ಎಲ್. ಜಿ. ಹಾವನೂರ್ ಮೂಲಕ ಮೀಸಲಾತಿ ಕಲ್ಪಿಸಿ ಈ ವರ್ಗಕ್ಕೆ ಆಶಾಕಿರಣ ವಾದರು ಅವರ ಕನಸುಗಳು ಮುಂದು ವರಿಸದೆ ಇರುವದು ಕಲ್ಯಾಣ ನಾಡಿಗೆ ಬಹಳ ಖೇದದ ಸಂಗತಿಯಾಗಿದೆ ಎಂದರು.
ಕಾರ್ಯಕ್ರಮ ದಲ್ಲಿ ಸದ್ಯಸ್ ರಾದ ಬಾಬು ಗುತ್ತೇದಾರ್ ಬೋಸಗಾ ಅಲ್ಲದೆ ನಗರ ಸಭೆ ಪೌರ ಕಾರ್ಮಿಕರು ಮತ್ತು ಒಕ್ಕೂಟದ ಪದಾಧಿಕಾರಿಗಳು ಉಪಸ್ಥಿತರಿದ್ದರು.