ಸುರಪುರ: ಕಳೆದ ಕೆಲ ದಿನಗಳ ಹಿಂದೆ ಅನಾರೋಗ್ಯದಿಂದ ನಿಧನರಾದ ಪತ್ರಕರ್ತ ಸೋಮಶೇಖರ ನರಬೋಳಿ ಹಾಗು ಬಣಜಿಗ ಸಮಾಜದ ಮುಖಂಡ ದೇವೆಂದ್ರಪ್ಪ ನರಬೋಳಿಯವರಿಗೆ ಕರ್ನಾಟಕ ರಾಜ್ಯ ಬಣಜಿಗರ ಕ್ಷೇಮಾಭೀವೃಧ್ಧಿ ಸಂಘದ ವತಿಯಿಂದ ನುಡಿ ನಮನ ಸಲ್ಲಿಸಲಾಯಿತು.
ನಗರದ ಹಸನಾಪುರ ಗಂಜ್ ಆವರಣದಲ್ಲಿ ಹಮ್ಮಿಕೊಂಡಿದ್ದ ಕಾರ್ಯಕ್ರಮದಲ್ಲಿ ಅನೇಕ ಜನ ಬಣಜಿಗ ಸಮಾಜದ ಮುಖಂಡರು ಭಾಗವಹಿಸಿ ಇಬ್ಬರು ಗಣ್ಯರಿಗೆ ಶ್ರದ್ಧಾಂಜಲಿ ಅರ್ಪಿಸಿದರು.ಕಾರ್ಯಕ್ರಮದ ಆರಂಭದಲ್ಲಿ ಇಬ್ಬರ ಭಾವಚಿತ್ರಗಳಿಗೆ ಪೂಜೆ ಸಲ್ಲಿಸಿ ಮಾಲಾರ್ಪಣೆ ಮಾಡಿ ನಂತರ ಎರಡು ನಿಮಿಷಗಳ ಮೌನಾಚರಣೆಯೊಂದಿಗೆ ಶ್ರದ್ಧಾಂಜಲಿ ಅರ್ಪಿಸಲಾಯಿತು.
ನಂತರ ಸಭೆಯಲ್ಲಿ ಭಾಗವಹಿಸಿದ್ದ ಎಪಿಎಂಸಿ ಸದಸ್ಯ ಮಲ್ಲಣ್ಣ ಮುಧೋಳ ಮಾತನಾಡಿ,ಇಂದು ನಾವೆಲ್ಲರು ದಿನ ನಿತ್ಯವು ಸಾವಿನ ಕೊರೊನಾದ ಭಯದಲ್ಲಿ ಕಾಲ ಕಳೆಯುವಂತಾಗಿದೆ.ಸೋಮಶೇಖರ ನರಬೊಳಿ ಒಬ್ಬ ಉತ್ತಮ ಪತ್ರಕರ್ತನಾಗಿ ಸಮಾಜ ಸೇವೆ ಮಾಡುತ್ತಿದ್ದರು,ಅವರ ಅಕಾಲಿಕ ನಿಧನ ತುಂಬಾ ಬೇಸರ ಮೂಡಿಸಿದೆ.ಅಲ್ಲದೆ ಸೋಮಶೇಖರ ನರಬೋಳಿಯವರ ನಿಧನದ ಕೆಲವೆ ದಿನಗಳಲ್ಲಿ ಅವರ ಸಹೋದರ ಸಂಬಂಧಿ ದೇವೆಂದ್ರಪ್ಪ ನರಬೋಳಿ ಕೂಡ ನಿಧನರಾಗಿದ್ದು ನಿಜಕ್ಕೂ ತುಂಬಾ ದುಃಖದ ಸಂಗತಿಯಾಗಿದೆ ಎಂದರು.
ನಂತರ ರೈತ ಹೋರಾಟಗಾರ ಶಿವು ಸಾಹುಕಾರ್ ರುಕ್ಮಾಪುರ ಮಾತನಾಡಿ,ಸೋಮಶೇಖರ ನರಬೋಳಿ ಒಬ್ಬ ಸಂಭಾವಿತ ಮತ್ತು ಸದಾ ಹಸನ್ಮುಖಿ ವ್ಯಕ್ತಿಯಾಗಿದ್ದರು.ಅವರ ಅಗಲಿಕೆ ದುರಾದೃಷ್ಟಕರವಾಗಿದೆ.ಅದೇರೀತಿಯಾಗಿ ನಮ್ಮ ಬಣಜಿಗರ ಸಂಘದ ಮುಖಂಡರಾಗಿದ್ದ ದೇವೆಂದ್ರಪ್ಪ ನರಬೋಳೀಯವರು ನಿಧನರಾಗಿದ್ದು ಇವರ ಅಗಲಿಕೆಯಿಂದ ನಮ್ಮ ಸಮಾಜ ಒಬ್ಬ ಮುಖಂಡನನ್ನು ಕಳೆದುಕೊಂಡು ಶೋಕಸಾಗರಕ್ಕೆ ಮುಳುಗಿದೆ.ಇಬ್ಬರು ಮಹನಿಯರ ಅಗಲಿಕೆಯಿಂದ ಇಡೀ ಸಮಾಜಕ್ಕೆ ತುಂಬಲಾರದ ನಷ್ಟವುಂಟಾಗಿದೆ.ಇವರ ಕುಟುಂಬಗಳಿಗೆ ದೇವರು ನೋವು ಭರಿಸುವ ಶಕ್ತಿ ನೀಡಲೆಂದು ಪ್ರಾರ್ಥಿಸುವುದಾಗಿ ಮಾತನಾಡಿದರು.
ಸಭೆಯಲ್ಲಿ ಮುಖಂಡರಾದ ಶಿವರಾಜಪ್ಪ ಗೋಲಗೇರಿ ಪ್ರಕಾಶ ಅಂಗಡಿ ಕನ್ನೆಳ್ಳಿ ನಾಗಭೂಷಣ ಯಾಳಗಿ ಜಗದೀಶ ತಂಬಾಕೆ ಗಂಗಾಧರ ನಾಲತೋಟ ಶಿವರಾಜ್ ತಂಬಾಕೆ ಸೇರಿದಂತೆ ಅನೇಕರಿದ್ದರು.