ಶಹಾಬಾದ:ಮಾಜಿ ಪ್ರಧಾನಿ ಇಂದಿರಾ ಗಾಂದಿ ಅವರು ಈ ದೇಶ ಕಂಡ ಧೀಮಂತ ನಾಯಕಿಯಾಗಿದ್ದು, ಅವರ ಆಡಳಿತ ದೇಶದ ಚಿತ್ರಣವನ್ನೇ ಬದಲಿಸಿದ ಕೀರ್ತಿ ಇಂದಿರಾ ಗಾಂಧಿ ಅವರಿಗೆ ಸಲ್ಲುತ್ತದೆ ಎಂದು ನಗರಸಭೆಯ ಸದಸ್ಯ ಡಾ.ಅಹ್ಮದ್ ಪಟೇಲ್ ಹೇಳಿದರು.
ಅವರು ಗುರುವಾರ ನಗರದ ಟಿಪ್ಪು ಸುಲ್ತಾಣ ವೃತ್ತದಲ್ಲಿ ಕಾಂಗ್ರೆಸ್ ಮುಖಂಡರು ಆಯೋಜಿಸಲಾದ ಇಂದಿರಾ ಗಾಂಧಿ ಅವರ ಹುಟ್ಟು ಹಬ್ಬದ ನಿಮಿತ್ತ ಆಯೋಜಿಸಲಾದ ಕಾರ್ಯಕ್ರಮದಲ್ಲಿ ಮಾತನಾಡಿದರು.
ಈ ದೇಶದ ಬಂಡವಾಳಶಾಹಿಗಳ ಹಿಡಿತದಿಂದ ಜನ ಸಾಮಾನ್ಯರ ಬಳಿಗೆ ತಂದುಕೊಟ್ಟ ಮಹಾನ ನಾಯಕಿ.ಅವರು ಗರೀಬಿ ಹಠಾವೋದಂತಹ ಕ್ರಾಂತಿಕಾರಿ ಕಾರ್ಯಕ್ರಮಗಳನ್ನು ಜಾರಿಗೆ ತಂದು ಬಡವರ ಬದುಕಿಗೆ ಬೆಳಕಾದವರು.ದೇಶಕ್ಕೆ ಅವರು ಕೊಟ್ಟ ಕೊಡುಗೆಯನ್ನು ನಾವೆಲ್ಲರೂ ಅರಿತು ಇತರರಿಗೆ ತಿಳಿಸುವ ಕೆಲಸವಾಗಬೇಕಿದೆ.ಆದರೆ ಇಂದು ಬಂಡವಾಳಶಾಹಿಗಳ ಪರ ನಿಂತು ಬಡವರ ಹೊಟ್ಟೆಯ ಮೇಲೆ ಹೊಡೆಯುವವರನ್ನು ಜನರು ನಂಬುತ್ತಿರುವುದು ಮಾತ್ರ ದುರಂತ ಎಂದು ಹೇಳಿದರು.
ಮಾಜಿ ನಗರಸಭೆಯ ಅಧ್ಯಕ್ಷ ಗಿರೀಶ ಕಂಬಾನೂರ ಮಾತನಾಡಿ, ಈ ದೇಶದ ಮೊಟ್ಟ ಮೊದಲ ಮಹಿಳಾ ಪ್ರದಾನಮಂತ್ರಿಯಾಗಿ ಹತ್ತು ಹಲವು ಯೋಜನೆಗ ಮೂಲಕವೇ ಅಭಿವೃದ್ಧಿಗೊಳಿಸಿದ ಧೀರ ಮಹಿಳೆ ಇಂದಿರಾ ಗಾಂಧಿಯವರು.ಬಡವರಿಗೆ ಪಡಿತರ,ವಿವೆ,ಹಿರಿಯರಿಗೆ ಮಾಶಾಸನ ಸೇರಿದಂತೆ ಮಹತ್ವದ ಯೋಜನೆಗಳನ್ನು ಜಾರಿಗೆ ತರುವ ಮೂಲಕ ದೇಶದ ದಿಕ್ಕನ್ನೇ ಬದಲಾಯಿಸಿದರು.ಅವರ ದೇಶಪ್ರೇಮದ ಆಡಳಿತ ಎಲ್ಲರಿಗೂ ಮಾದರಿ ಎಂದು ಹೇಳಿದರು.
ಮುಖಂಡರಾದ ಸಾಹೇಬಗೌಡ ಬೋಗುಂಡಿ,ಕುಮಾರ ಚವ್ಹಾಣ, ಅನ್ವರ ಪಾಷಾ ನಸರೋದ್ದಿನ್, ನಿಂಗಣ್ಣ ಸಂಗಾವಿಕರ್,ಮಹ್ಮದ್ ಅಮ್ಜದ್, ಮಹ್ಮದ್ ಜಾವಿದ್, ಮೇರಾಜ ಸಾಹೇಬ, ರಾಕೇಶ ಪವಾರ ಸೇರಿದಂತೆ ಇತರರು ಇದ್ದರು.