ಸುರಪುರ: ಕನ್ನಡ ಸಾಹಿತ್ಯ ಸಂಘ ಸುರಪುರ ನೂತನ ಅಧ್ಯಕ್ಷರಾಗಿ ನೇಮಕಗೊಂಡ ಬಸವರಾಜ ಜಮದ್ರಖಾನಿಯವರನ್ನು ರಂಗಂಪೇಟೆಯ ಅನೇಕ ಮುಖಂಡರು ಸನ್ಮಾನಿಸಿ ಗೌರವಿಸಿದರು.
ಬಸವರಾಜ ಜಮದ್ರಖಾನಿಯವರ ಗೃಹದಲ್ಲಿ ನಡೆದ ಸರಳ ಸಮಾರಂಭದಲ್ಲಿ ಸನ್ಮಾನವನ್ನು ನೆರವೇರಿಸಿ ಮಾತನಾಡಿದ ನಗರ ಯೋಜನಾ ಪ್ರಾಧಿಕಾರದ ಮಾಜಿ ಅಧ್ಯಕ್ಷ ಸೂಗುರೇಶ ವಾರದ ಮಾತನಾಡಿ,ಬಸವರಾಜ ಜಮದ್ರಖಾನಿಯವರು ಬದುಕಿನುದ್ದಕ್ಕೂ ಸಮಾಜ ಸೇವೆ ನಾಡು ನುಡಿಯ ಸೇವೆಯಲ್ಲಿ ಬದುಕಿದವರು,ಇವರ ಒಡನಾಡಿಗಳಂತಿದ್ದ ಮಾಜಿ ಸಚಿವರಾದ ರಾಜಾ ಮದನಗೋಪಾಲ ನಾಯಕ ಅವರ ನಿಧನದಿಂದ ತೆರವಾಗಿರುವ ಕನ್ನಡ ಸಾಹಿತ್ಯ ಸಂಘಕ್ಕೆ ಜಮದ್ರಖಾನಿ ಸರ್‌ವರು ನೇಮಕವಾಗಿದ್ದು ಸಂತೋಷದ ಸಂಗತಿಯಾಗಿದೆ ಎಂದರು.
ಸನ್ಮಾನವನ್ನು ಸ್ವೀಕರಿಸಿ ಮಾತನಾಡಿದ,ಬಸವರಾಜ ಜಮದ್ರಖಾನಿಯವರು ನನ್ನ ಬಗ್ಗೆ ಅಭಿಮಾನವನ್ನಿಟ್ಟು ಸನ್ಮಾನಿಸಿ ಗೌರವಿಸಿರುವುದು ಸಂತೋಷದ ಸಂಗತಿಯಾಗಿದೆ,ಮುಂದಿನ ದಿನಗಳಲ್ಲಿ ತಾವೆಲ್ಲರು ಈ ಸಂಘದೊಂದಿಗೆ ಇದ್ದು ಕನ್ನಡ ನಾಡು ನುಡಿಯ ಕೆಲಸದಲ್ಲಿ ಜೊತೆಯಾಗುವಂತೆ ಕರೆ ನೀಡಿದರು.
ಈ ಸಂದರ್ಭದಲ್ಲಿ ಮುಖಂಡರಾದ ವಿನೋದ ಆವಂಟಿ ಪತ್ರಕರ್ತರ ಸಂಘದ ಅಧ್ಯಕ್ಷ ರಾಜು ಕುಂಬಾರ ಮಂಜುನಾಥ ಗುಳಗಿ ಅಶೋಕ ಸಜ್ಜನ್ ಬನದೇಶ ಎಕ್ಕೆಳ್ಳಿ ವೀರಭದ್ರಪ್ಪ ಕುಂಬಾರ ಶರಣು ಅರಕೇರಿ ನಾಗರಾಜ ರುಮಾಲ ಅಮರೇಶ ಕುಂಬಾರ ಮಂಜುನಾಥ ಮಠಪತಿ ಸೇರಿದಂತೆ ಅನೇಕರಿದ್ದರು.ಶಿಕ್ಷಕ ಶಿವಕುಮಾರ ಕಮತಗಿ ಕಾರ್ಯಕ್ರಮ ನಿರೂಪಿಸಿ ವಂದಿಸಿದರು.