ಕಲಬುರಗಿ: ಅಫಜಲಪುರ ತಾಲೂಕಿನ ಕೆಳಕಂಡ 16 ನ್ಯಾಯ ಬೆಲೆ ಅಂಗಡಿಗಳ ಹೊಸ ಡೀಲರ್‍ಗಳ ನೇಮಕಾತಿಗಾಗಿ ಅರ್ಹರಿಂದ ಅರ್ಜಿ ಆಹ್ವಾನಿಸಲಾಗಿದೆ ಎಂದು ಕಲಬುರಗಿ ಆಹಾರ, ನಾಗರಿಕ ಸರಬರಾಜು ಮತ್ತು ಗ್ರಾಹಕರ ವ್ಯವಹಾರಗಳ ಇಲಾಖೆಯ ಉಪನಿರ್ದೇಶಕರು ತಿಳಿಸಿದ್ದಾರೆ.
ಅಫಜಲಪುರ ತಾಲೂಕಿನಲ್ಲಿ ಸುಮಾರು ವರ್ಷಗಳಿಂದ (16) ನ್ಯಾಯಬೆಲೆ ಅಂಗಡಿಗಳ ಪ್ರಾಧಿಕಾರಗಳು ರದ್ದುಗೊಂಡಿರುವ ಹಿನ್ನೆಲೆಯಲ್ಲಿ ಹತ್ತಿರದ ನ್ಯಾಯಬೆಲೆ ಅಂಗಡಿಗಳಿಗೆ ಸೇರ್ಪಡೆ ಮಾಡಲಾಗಿತ್ತು. ಈ ಕೆಳಕಂಡ 16 ನ್ಯಾಯ ಬೆಲೆ ಅಂಗಡಿಗಳಿಗೆ ಹೊಸ ಡೀಲರ್‍ಗಳ ನೇಮಕಾತಿ ಮಾಡಬೇಕಾಗಿದ್ದು, ನ್ಯಾಯಬೆಲೆ ಅಂಗಡಿ ಸಂಖ್ಯೆ ಹಾಗೂ ಹೆಸರುಗಳ ವಿವರ ಇಂತಿದೆ.
03-ಅಫಜಲಪುರ ಪಟ್ಟಣ, 10-ಹಾವಳಗಾ, 11-ಅರ್ಜುಣಗಿ, 17-ಮಾತೋಳಿ, 27-ಬಡದಾಳ, 29–ಆನೂರ, 36-ದೇವಲ ಗಾಣಗಾಪುರ, 41-ಕೋಗನೂರ, 48-ಸಿಧನೂರ ಮತ್ತು ಅಂಕಲಗಾ, 50-ಚಿನ್ನಮಳ್ಳಿ, 57-ಬಂದರವಾಡ, 92-ಮಾಶಾಳ, 93-ಮಾಶಾಳ, 94–ಮಾಶಾಳ, 95–ಮಾಶಾಳ ಹಾಗೂ 96-ಭಂಕಲಗಾ ಗ್ರಾಮಗಳು.
ನಿಗದಿತ ನಮೂನೆ-ಎ ರಲ್ಲಿ ನಿಗದಿಪಡಿಸಿದ ದಾಖಲೆಗಳೊಂದಿಗೆ 2021ರ ಆಗಸ್ಟ್ 9 ರಿಂದ ಸೆಪ್ಟೆಂಬರ್ 8 ರೊಳಗಾಗಿ ಅಫಜಲಪೂರ ತಹಸೀಲ್ದಾರರ ಕಚೇರಿಯಲ್ಲಿ ಅರ್ಜಿ ಸಲ್ಲಿಸಬೇಕು. ನಿಗದಿಪಡಿಸಿದ ಅವಧಿಯ ನಂತರ ಬಂದ ಅರ್ಜಿಗಳನ್ನು ಪರಿಗಣಿಸಲಾಗುವುದಿಲ್ಲ.
ಅರ್ಜಿ ಸಲ್ಲಿಸಲು ಇರುವ ಅರ್ಹತೆ, ನಿಗದಿತ ಅರ್ಜಿ ನಮೂನೆ ಹಾಗೂ ಇತರೆ ಹೆಚ್ಚಿನ ಮಾಹಿತಿಯನ್ನು ಅಫಜಲಪೂರ ತಹಸೀಲ್ದಾರ ಕಚೇರಿ (ಆಹಾರ ಶಾಖೆ) ಗೆ ಸಂಪರ್ಕಿಸಿ ಪಡೆಯಬೇಕೆಂದು ಅವರು ತಿಳಿಸಿದ್ದಾರೆ.