ಕಲಬುರಗಿ: ಜಿಲ್ಲೆಯಾದ್ಯಂತ ರಾಷ್ಟ್ರಪಿತ ಮಹಾತ್ಮ ಗಾಂಧೀಜಿಯವರ ಜಯಂತಿಯನ್ನು ಸರಳ ಹಾಗೂ ಅರ್ಥಪೂರ್ಣವಾಗಿ ಜಿಲ್ಲೆಯಾದ್ಯಂತ ಆಚರಿಸಲು ಬಿಜೆಪಿಯಲ್ಲಿ ಪೂರ್ವಭಾವಿ ಸಭೆ ಜರುಗಿತು.
ಸೇವೆ ಮತ್ತು ಸಮರ್ಪಣ ಅಭಿಯಾನ ಅಡಿಯಲ್ಲಿ ಆಯೋಜಿಸಿರುವ ಗಾಂಧಿ ಜಯಂತಿಯ ಜಿಲ್ಲಾ ಸಂಚಾಲಕರು ಹಾಗೂ ಬಿಜೆಪಿ ಎಸ್ ಸಿ ಮತ್ತು ಹಿಂದುಳಿದ ವರ್ಗದ ಮೋರ್ಚಾ ರಾಜ್ಯ ಉಪಾಧ್ಯಕ್ಷರುಗಳಾದ ಅಂಬಾರಾಯ ಅಷ್ಠಗಿ ಹಾಗೂ ಶೋಭಾ ಬಾಣಿ, ಜಿಲ್ಲಾ ಉಪಾಧ್ಯಕ್ಷ ಸಿದ್ದಣ್ಣಗೌಡ ಪಾಟೀಲ ಧಮ್ಮೂರ ಹಾಗೂ ಆತೀಶ ಪವಾರ ರವರು ತಿಳಿಸಿದ್ದಾರೆ.
ಈ ಕಾರ್ಯಕ್ರಮಗಳಿಗೆ ಮಂಡಲ ಅಧ್ಯಕ್ಷು/ಪ್ರಧಾನ ಕಾರ್ಯದರ್ಶಿಗಳು ಹಾಗೂ ಪ್ರತಿ ಮಂಡಲ/ಬೂತಗಳಿಗೆ ನಾಲ್ಕು ಜನ ಸಂಚಾಲಕರನ್ನಾಗಿ ನೇಮಿಸಲಾಗಿದೆ. ಗಾಂಧೀಜಿಯವರ ಜಯಂತಿಯನ್ನು ಕೋವಿಡ-19 ನಿಯಮಾನುಸಾರ ಆಚರಿಸಲಾಗುವುದು ಎಂದು ಅವರು ಹೇಳಿದ್ದಾರೆ.
ಈ ಕಾರ್ಯಕ್ರಮದ ಅಂಗವಾಗಿ ಪ್ರಧಾನಿಯವರ ಅತ್ಯುತ್ತಮ ಕಾರ್ಯಕ್ರಮ ಶ್ಲಾಘಿಸಿ ಪೋಸ್ಟ್ ಕಾರ್ಡ್ ಬರೆಯುವುದು, ಪರಿಸರ ಸ್ನೇಹಿ ಕಾರ್ಯ (ಸ್ವಚ್ಛತಾ ಅಭಿಯಾನ),ಆರೋಗ್ಯ ಚಟುವಟಿಕೆಗಳು(ರಕ್ತ ದಾನ, ಆರೋಗ್ಯ ತಪಾಸಣಾ ಶಿಬಿರ,ಲಸಿಕಾ ಅಭಿಯಾನ), ಸೇವಾ ಕಾರ್ಯ (ಹಣ್ಣು-ಹಂಪಲು ಹಂಚುವುದು,ಅಂಧರಿಗೆ ನೇರವು, ಪಡಿತರ ಚೀಲ ವಿತರಣೆ) ಸ್ವದೇಶಿ ವಸ್ತುಗಳ ಖರೀದಿ, ಇನ್ನು ಮುಂತಾದ ಜನೋಪಯೋಗಿ ಕಾರ್ಯಕ್ರಮಗಳನ್ನು ಆಯೋಜಿಸಲಾಗುವುದು.
ಈ ಕಾರ್ಯಕ್ರಮಗಳು ಅಕ್ಟೋಬರ 02 ರಿಂದ 07 ನೇ ತಾರಿಖಿನ ವರೆಗೆ ನಡೆಯಲಿವೆ ಎಂದು ಅಭಿಯಾನದ ಸಂಚಾಲಕರುಗಳಾದ ಅಂಬಾರಾಯ ಅಷ್ಠಗಿ, ಶೋಭಾ ಬಾಣಿ, ಸಿದ್ದಣ್ಣಗೌಡ ಪಾಟೀಲ ಧಮ್ಮೂರ, ಆತೀಶ ಪವಾರ ತಿಳಿಸಿದ್ದಾರೆ.