ಕಲಬುರಗಿ: ಕರ್ನಾಟಕ ಭೋವಿ ಅಭಿವ್ರದ್ಧಿ ನಿಗಮದಲ್ಲಿ ಆಗಿರುವ 11.8 ಕೋಟಿ ಅವ್ಯವಹಾರದ ತನಿಖೆಗಾಗಿ ಬೆಂಗಳೂರಿನ ಲೆಕ್ಕಪರಿಶೋಧಕರ ತಂಡ ಕ್ಯಾಪ್ಟನ್ ರಾಜೇಶ ಜಯಸಿಂಹ ನೇತ್ರತ್ವದಲ್ಲಿ ಕಲಬುರಗಿ ಜಿಲ್ಲೆಗೆ ಭೇಟಿ ನೀಡಿ ಫಲಾನುಭವಿಗಳಿಂದ ಹೇಳಿಕೆ ಪಡೆದುಕೊಂಡಿತು.
ನಿಗಮದ ಉದ್ಯಮಶೀಲತಾ ಯೋಜನೆಯಡಿಯಲ್ಲಿ ಸುಮಾರು 11.8 ಕೋಟಿ ರೂ. ಅಕ್ರಮವಾಗಿ ಸಾಲ ಸೌಲಭ್ಯ ಮಂಜೂರು ಮಾಡಲು ಸಹಕರಿಸಿದ ಉಪ ಪ್ರಧಾನ ವ್ಯವಸ್ಥಾಪಕ ಹರ್ಷ ಡಿ ಗಾಂವಕರ್ ಹಾಗೂ ಜಿಲ್ಲಾ ವ್ಯವಸ್ಥಾಪಕ ನಾಗಮೂರ್ತಿ ವಿರುದ್ಧ ಕ್ರಿಮಿನಲ್ ಪ್ರಕರಣ ದಾಖಲಿಸುವಂತೆ ಸಮಾಜ ಕಲ್ಯಾಣ ಇಲಾಖೆಯ ಕಾರ್ಯದರ್ಶಿ ಮೇಜರ್ ಮಣಿವಣ್ಣನ್ ಅವರಿಗೆ ಕಲ್ಯಾಣ ಕರ್ನಾಟಕ ಜನಜಾಗ್ರತಿ ವೇದಿಕೆಯ ವತಿಯಿಂದ ಮನವಿ ಸಲ್ಲಿಸಿದ್ದರು.
ಜಿಲ್ಲೆಯ ಕರ್ನಾಟಕ ಭೋವಿ ಅಭಿವ್ರದ್ಧಿ ನಿಗಮದ 2019-20ನೇ ಸಾಲಿನಲ್ಲಿ ಉದ್ಯಮಶೀಲತಾ ಯೋಜನೆಯಡಿಯಲ್ಲಿ 118 ಫಲಾನುಭವಿಗಳಿಗೆ 11.80 ಕೋಟಿ ರೂ. ಅವ್ಯವಹಾರˌ ಕಲಬುರಗಿಯ ಫಲಾನುಭವಿಗಳ ಬ್ಯಾಂಕ್ ಖಾತೆಗಳನ್ನು ಯಾದಗಿರಿˌ ರಾಯಚೂರ ಹಾಗೆ ಛತ್ರಪತಿ ಶಿವಾಜಿ ಸಹಕಾರಿ ಪತ್ತಿನ ಸಹಕಾರಿ ಪತ್ತಿನ ಬ್ಯಾಂಕ್ ಮೂಲಕ ಹಣ ಡ್ರಾ ಮಾಡಲಾದ ಬಗ್ಗೆಯೂ ದಾಖಲೆ ಸಂಗ್ರಹಿಸಿತು.
ಜಿಲ್ಲೆಯ ಬ್ಯಾಂಕ್ ಗಳಲ್ಲಿ 4 ಟಾರ್ಗೆಟ್ ಇದ್ದರೂ ಸಹ ಮನಸ್ಸಿಗೆ ಬಂದಂತೆ ಫಲಾನುಭವಿಗಳನ್ನು ಆಯ್ಕೆ ಮಾಡಿ ತಾವೇ ಹಣ ಡ್ರಾ ಮಾಡಿಕೊಂಡಿದ್ದರ ಬಗ್ಗೆ ತನಿಖೆ ನಡೆಸಲಾಯಿತು.
ಫಲಾನುಭವಿಗಳ ಬ್ಯಾಂಕ್ ಪಾಸ್ ಬುಕ್ˌ ಚಕ್ ಬುಕ್ ಹಾಗೂ ಡ್ರಾ ಫಾರಂಗಳನ್ನು ಪಡೆದುಕೊಂಡು ಮಧ್ಯವರ್ತಿಗಳಿಂದ ಹಣ ಡ್ರಾ ಮಾಡಿಕೊಂಡಿದ್ದರ ಬಗ್ಗೆ ಫಲಾನುಭವಿಗಳು ಹೇಳಿಕೆ ನೀಡಿದರು.
ಈ ಸಂದರ್ಭದಲ್ಲಿ ತನಿಖಾಧಿಕಾರಿಗಳು ಹಾಗೂ ದೂರುದಾರರಾದ ಜಿ. ಶಿವಶಂಕರ್ˌ ಚಂದ್ರಶೇಖರ್ ಚಿತ್ತಾಪುರˌ ಶ್ರೀ ಕ್ರμÁ್ಣ ಬೇಲೂರˌ ಅರ್ಜುನ ಬೇಲೂರˌ ನಾಗೇಶ ಗೊಬ್ಬೂರ ಸೇರಿದಂತೆ ಇತರರು ಇದ್ದರು.