ಸುರಪುರ: ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯನವರ ವಿರುದ್ದ ಸಚಿವ ಡಾ:ಸಿ.ಎನ್ ಅಶ್ವತ್ ನಾರಾಯಣ ಅವರು ಪ್ರಚೋದನಕಾರಿ ಮಾತನಾಡಿದ್ದಾರೆ ಎಂದು ಆರೋಪಿಸಿ ಕಾಂಗ್ರೆಸ್ ಪಕ್ಷದಿಂದ ನಗರದಲ್ಲಿ ಬೃಹತ್ ಪ್ರತಿಭಟನೆ ನಡೆಸಲಾಯಿತು.ನಗರದ ಕಾಂಗ್ರೆಸ್ ಕಚೇರಿ ವಸಂತ ಮಹಲ್ ನಿಂದ ಮಹಾತ್ಮ ಗಾಂಧಿ ವೃತ್ತದ ವರೆಗೆ ಪ್ರತಿಭಟನಾ ಮೆರವಣಿಗೆ ನಡೆಸಿ ನಂತರ ಸಚಿವ ಅಶ್ವತ್ ನಾರಾಯಣರ ಪ್ರತಿಕೃತಿ ದಹಿಸಿ ಸರಕಾರದ ವಿರುದ್ಧ ಘೋಷಣೆಗಳನ್ನು ಕೂಗಿದರು.
ನಂತಹ ಮಹಾತ್ಮ ಗಾಂಧಿ ವೃತ್ತದಲ್ಲಿ ನಡೆದ ಬಹಿರಂಗ ಸಮಾವೇಶದಲ್ಲಿ ಭಾಗವಹಿಸಿದ್ದ ಅನೇಕ ಮುಖಂಡರು ಮಾತನಾಡಿ,ಮಾಜಿ ಮುಖ್ಯಮಂತ್ರಿಗಳು ಹಾಗೂ ವಿರೋಧ ಪಕ್ಷದ ನಾಯಕರಾದ ಸಿದ್ದರಾಮಯ್ಯನವರನ್ನು ಕೊಲ್ಲುವಂತೆ ಪ್ರಚೋದನಕಾರಿ ಹೇಳಿಕೆ ನೀಡಿರುವ ಉನ್ನತ ಶಿಕ್ಷಣ ಸಚಿವ ಡಾ:ಸಿ.ಎನ್ ಅಶ್ವತ್ ನಾರಾಯಣ ಒಬ್ಬ ಕೊಲೆಗೆ ಪ್ರಚೋದನೆ ನೀಡುವ ಸಚಿವನಾಗಿದ್ದು ಇವರು ಸಚಿವ ಸ್ಥಾನದಲ್ಲಿರಲು ನಾಲಾಯಕರಾಗಿದ್ದಾರೆ,ಕೂಡಲೇ ಮುಖ್ಯಮಂತ್ರಿ ಇವರನ್ನು ಸಚಿವ ಸ್ಥಾನ ದಿಂದ ವಜಾಗೊಳಿಸಬೇಕು.ಬಹಿರಂಗವಾಗಿಯೇ ಕೊಲೆಯ ಮಾತನಾಡಿರುವ ಸಚಿವರ ವಿರುದ್ಧ ಪೊಲೀಸರು ಸ್ವಯಂ ದೂರು ದಾಖಲಿಸಿಕೊಂಡು ಬಂಧಿಸಬೇಕು.ಟಿಪ್ಪು ಸುಲ್ತಾನನನ್ನು ಯಾರೋ ಇಬ್ಬರು ಗೌಡ ಸಮುದಾಯದವರು ಕೊಲೆ ಮಾಡಿದ್ದಾರೆ ಎಂದು ಸುಳ್ಳು ಇತಿಹಾಸ ಸೃಷ್ಟಿ ಮಾಡಲು ಹೊರಟಿದ್ದಾರೆ,
ಇದರಿಂದ ಸಮಾಜದಲ್ಲಿನ ಪ್ರಬಲ ಸಮುದಾಯಗಳ ಮದ್ಯೆ ಬೆಂಕಿ ಹಚ್ಚಿ ರಾಜಕೀಯ ಮಾಡಲು ಮುಂದಾಗಿದ್ದಾರೆ.ಟಿಪ್ಪುವನ್ನು ಕೊಲೆ ಮಾಡಿದವರು ಬ್ರಿಟೀಷರು ಎನ್ನುವುದು ಜಗತ್ತಿಗೆ ಗೊತ್ತಿರುವ ಸಂಗತಿ ಆದೆ ಇಂದು ಗೌಡ ಎನ್ನುವವರ ಹೆಸರು ಹೇಳಿ ಅಶಾಂತಿ ಮೂಡಿಸಲು ಮುಂದಾಗಿದ್ದಾರೆ,ಬಿಜೆಪಿ ಯಾವಾಗಲೂ ಇಂತಹ ಬೆಂಕಿ ಹಚ್ಚುವ ಹೇಳಿಕೆಗಳಿಂದಲೇ ರಾಜಕೀಯ ಮಾಡಿಕೊಂಡು ಬರುತ್ತಿದೆ,ನೀವು ಏನಾದರು ಅಭಿವೃಧ್ಧಿ ಮಾಡಿದ್ದರೆ ಅದನ್ನು ಜನರ ಮುಂದೆ ಹೇಳಿ ರಾಜಕೀಯ ಮಾಡಿ,ಅದು ಬಿಟ್ಟು ಇಂತಹ ಹೇಳಿಕೆಯಿಂದ ರಾಜಕೀಯ ಮಾಡಿದರೆ ಅದು ಫಲಿಸದು ಎಂದರು.ಅಲ್ಲದೆ ಮುಖಂಡ ರಾಜಾ ವೇಣುಗೋಪಾಲ ನಾಯಕ ಆಕ್ರೋಶಗೊಂಡು ಸಿದ್ದರಾಮಯ್ಯನವರ ಒಂದು ಕೂದನ್ನು ನಿಮ್ಮಿಂದ ಅಲುಗಾಡಿಸಲಾಗದು ಎಂದು ಎಚ್ಚರಿಸಿದರು. ಅಲ್ಲದೆ ನಾಡಿನ ಜನರು ಈ ಬಾರಿ ಸಿದ್ದರಾಮಯ್ಯನವರನ್ನು ಮತ್ತು ನಮ್ಮ ಕ್ಷೇತ್ರದಲ್ಲಿ ಮಾಜಿ ಶಾಸಕರಾದ ರಾಜಾ ವೆಂಕಟಪ್ಪ ನಾಯಕರನ್ನು ಗೆಲ್ಲಿಸುವ ಮೂಲಕ ಬಿಜೆಪಿಗೆ ತಕ್ಕ ಪಾಠ ಕಲಿಸುವಂತೆ ಕರೆ ನೀಡಿದರು.
ನಂತರ ಸರಕಾರಕ್ಕೆ ಬರೆದ ಮನವಿ ಪತ್ರವನ್ನು ಉಪ ತಹಸೀಲ್ದಾರ್ ಮಲ್ಲಯ್ಯ ದಂಡು ಮೂಲಕ ಸಲ್ಲಿಸಿದರು.ಪ್ರತಿಭಟನೆಯಲ್ಲಿ ಮುಖಂಡರಾದ ರಾಜಾ ವೇಣುಗೋಪಾಲ ನಾಯಕ,ರಾಜಾ ಸಂತೋಷ ಕುಮಾರ ನಾಯಕ, ಯೂತ್ ಕಾಂಗ್ರೆಸ್ ಜಿಲ್ಲಾಧ್ಯಕ್ಷ ರಾಜಾ ಕುಮಾರ ನಾಯಕ,ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ನಿಂಗರಾಜ ಬಾಚಿಮಟ್ಟಿ,ಸೂಗುರೇಶ ವಾರದ,ಅಹ್ಮದ್ ಪಠಾಣ್,ಅಬ್ದುಲಗಫೂರ ನಗನೂರಿ,ಖಾಲಿದ ಅಹ್ಮದ ತಾಳಿಕೋಟಿ,ಅಬ್ದುಲ ಅಲೀಂ ಗೋಗಿ, ಭೀಮರಾಯ ಮೂಲಿಮನಿ,ಹಣಮಂತ ಕಟ್ಟಿಮನಿ ಬೊಮ್ಮನಹಳ್ಳಿ,ವೆಂಕಟೇಶ ರಡ್ಡಿ,ಮಾನಪ್ಪ ಸೂಗುರು,ರಾಘವೇಂದ್ರ ಕುಲಕರ್ಣಿ,ಪರಶುರಾಮ ಮಂಗಿಹಾಳ,ಮನೋಹರ ಕುಂಟೋಜಿ,ಜುಮ್ಮಣ್ಣ ಕೆಂಗುರಿ,ಚಂದ್ರು ಕುಂಬಾರಪೇಟ,ದಾವೂದ ಪಠಾಣ್,ಮಹ್ಮದ ಮೌಲಾ ಸೌದಾಗರ್,ಅಬಿದ ಹುಸೇನ ಪಗಡಿ ಸೇರಿದಂತೆ ಅನೇಕರು ಭಾಗವಹಿಸಿದ್ದರು.