ಕಲಬುರಗಿ: ಜಿಲ್ಲಾ ಆಸ್ಪತ್ರೆಯಲ್ಲಿ ಡೈಲಾಸಸ್ ಮಷೀನ್ ಸ್ಥಗಿತದಿಂದ ಮತ್ತು ಅವಧಿ ಮುಗಿದಿರುವ ಇಂಜಕ್ಷನ್ ಮತ್ತು ಮಾತ್ರೆಗಳು ಕೊಟ್ಟಿರುವುದರಿಂದ ಶಹಾಬಾದ ಗ್ರಾಮದ ನಿವಾಸಿ ಓರ್ವನ ಸಾವು ಖಂಡಿಸಿ ಕಲ್ಯಾಣ ಕರ್ನಾಟಕ ರಕ್ಷಣಾ ವೇದಿಕೆ ಕಾರ್ಯಕರ್ತರು ಆಸ್ಪತ್ರೆಯ ಸಿಬ್ಬಂದಿಗಳ ಮೇಲೆ ಸೂಕ್ತ ಕ್ರಮಕ್ಕೆ ಆಗ್ರಹಿಸಿ ಇಂದು ಪ್ರತಿಭಟನೆ ನಡೆಸಿದರು.
ನಗರದ ಜಿಲ್ಲಾಧಿಕಾರಿ ಕಚೇರಿಯ ಮುಂದೆ ಪ್ರತಿಭಟನೆ ನಡೆಸಿದ ಸಂಘದ ಮುಖಂಡ ಶಿವಲಿಂಗ ಹಳಿಮನಿ ಮಾತನಾಡಿ ಆಸ್ಪತ್ರೆಯ ಸಿಬ್ಬಂದಿಗಳ ನಿರ್ಲಕ್ಷ್ಯದಿಂದ ಶಹಾಬಾದ ಗ್ರಾಮದ ಆಕಾಶ ಸಾವಪ್ಪಿದ್ದು, ಮತ್ತು ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆಯುತ್ತಿರುವ 4 ಜನರ ಸ್ಥಿತಿ ಕೂಡ ಚಿಂತಜನಕವಾಗಿದೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.
Contact Your\'s Advertisement; 9902492681
ಕೂಡಲೇ ಪ್ರಕರಣಕ್ಕೆ ಸಂಬಂಧಿಸಿದಂತೆ ನಿರ್ಲಕ್ಷ್ಯ ತೋರಿದ ಅಧಿಕಾರಿ ಮತ್ತು ಸಿಬ್ಬಂದಿಗಳನ್ನು ವಜಾಗೋಳಿಸಿ ಇತರ ರೋಗಿಗಳ ಪ್ರಾಣ ರಕ್ಷಿಸಬೇಕೆಂದು ಕಾರ್ಯಕರ್ತರು ಆಗ್ರಹಿಸಿದರು. ಪ್ರತಿಭಟನೆಯಲ್ಲಿ ಸಂಘದ ಜಿಲ್ಲಾಧಕ್ಷ ಸಂದೀಪ್ ಪಿ ಭರಣಿ ಸೇರಿದಂತೆ ಇತರರಿದ್ದರು.