ಕಲಬುರಗಿ: ಈದ್ ಮಿಲಾದ್ (ಪ್ರವಾದಿ ಮುಹಮ್ಮದ್ ಅವರ ಜನ್ಮದಿನಾಚರಣೆ) ನಿಮಿತ್ತ ಕಲಬುರಗಿ ಮೂಲದ ಕಲಾವಿದರು ತಮ್ಮ 4 ನೇ ಇಸ್ಲಾಮಿಕ್ ಕಲಾ ಪ್ರದರ್ಶನ ಮತ್ತು ಸೆಮಿನಾರ್ ಅನ್ನು ಸೆಪ್ಟೆಂಬರ್ 16 ಮತ್ತು 17 ರಂದು ಕಲಬುರಗಿಯ ಸಂಗತ್ರಾಶ್ವಾಡಿಯ ಹಿದಾಯತ್ ಸೆಂಟರ್‍ನಲ್ಲಿ ಆಯೋಜಿಸುತ್ತಿದ್ದಾರೆ.
ಕಲಬುರಗಿ, ಚಿತ್ರದುರ್ಗ, ಧಾರವಾಡ, ಹುಮನಾಬಾದ್, ಬೀದರ್, ಬಿಜಾಪುರ, ಬಸವಕಲ್ಯಾಣ ಮತ್ತು ಶಹಾಪುರ ಸೇರಿದಂತೆ ಕರ್ನಾಟಕದಾದ್ಯಂತ 32 ಕಲಾವಿದರು ರಚಿಸಿದ ಚಿತ್ರಗಳನ್ನು ಎರಡು ದಿನಗಳ ಕಲಾ ಪ್ರದರ್ಶನದಲ್ಲಿ ಪ್ರದರ್ಶಿಸಲಾಗುವುದು ಎಂದು ಸಂಚಾಲಕ ಮಹಮ್ಮದ್ ಅಯಾಜೋದ್ದೀನ್ ಪಟೇಲ್ ತಿಳಿಸಿದ್ದಾರೆ.
ಬಹಮನಿ ಫೌಂಡೇಶನ್ ಅಧ್ಯಕ್ಷ ರಿಜ್ವಾನ್ ಉರ್ ರೆಹಮಾನ್ ಸಿದ್ದಿಕಿ ಪ್ರದರ್ಶನವನ್ನು ಉದ್ಘಾಟಿಸಲಿದ್ದಾರೆ.ಖ್ಯಾತ ಚಿತ್ರಕಲಾವಿದ ಬಸವರಾಜ ಆರ್.ಉಪ್ಪಿನ್, ಜೀ ಮೌಂಟ್ ಲಿಟರಾ ಶಾಲೆಯ ಅಧ್ಯಕ್ಷ ತಾಹೆರ್ ಅಲಿ, ಸರ್ಕಾರಿ ನಿವೃತ್ತ ಅಲ್ಪಸಂಖ್ಯಾತ ನೌಕರರ ಸಂಘದ ಅಧ್ಯಕ್ಷ ಸೈಯದ್ ನಜೀರುದ್ದೀನ್ ಮುತವಳ್ಳಿ, ಎಂಜಿನಿಯರ್ ಅಬ್ದುಲ್ ಕಾದರ್ ಅತಿಥಿಗಳಾಗಿ ಆಗಮಿಸುವರು.ಸಾಮಾಜಿಕ ಕಾರ್ಯಕರ್ತೆ ನೀಲಾ ಕೆ ಅಧ್ಯಕ್ಷತೆ ವಹಿಸಲಿದ್ದಾರೆ ಎಂದು ಕಲಾವಿದ ರೆಹಮಾನ್ ಪಟೇಲ್ ತಿಳಿಸಿದರು.
ಪ್ರದರ್ಶನವು ಬೆಳಿಗ್ಗೆ 10.30 ರಿಂದ ಸಂಜೆ 7 ರವರೆಗೆ ತೆರೆದಿರುತ್ತದೆ.