ಅರವತ್ತಾದ ಮೇಲೆ ಆರೋಗ್ಯ ಕಡೆ ಗಮನವಿರಲಿ

ಕಲಬುರಗಿ: ಅರವತ್ತು ವರ್ಷ ದಾಟಿದ ಪ್ರತಿಯೋಬ್ಬರು ತಮ್ಮ ಆರೋಗ್ಯದ ಬಗ್ಗೆ ಹೆಚ್ಚಿನ ಗಮನಹರಿಸಬೇಕು ಎಂದು ಚಿಂತಕ ಡಾ.ಬಸವರಾಜ ಗುಳಶೆಟ್ಟಿ ಅವರು ತಿಳಿಸಿದರು.

ಇಲ್ಲಿನ ಜಯನಗರ ಶಿವಮಂದಿರದಲ್ಲಿ ಜಯನಗರ ಶಿವಮಂದಿರ ಅಭಿವೃದ್ಧಿ ಟ್ರಸ್ಟ್ ಹಾಗೂ ಕಂಪನಿಯೋ ಸಹಯೋಗದಲ್ಲಿ ಹಮ್ಮಿಕೊಂಡಿದ್ದ 13 ದಿನದ ಉಚಿತ ಫೂಟ್ ಪಲ್ಸ್ ಥೆರಪಿ ಶಿಬಿರವನ್ನು ಉದ್ಘಾಟಿಸಿ ಮಾತನಾಡಿದ ಅವರು ಜನರು ಇಂದಿನ ದೈನಂದಿನ ಆಹಾರದಲ್ಲಿ ಪೋಷಕಾಂಶಗಳ ಕೊರತೆಯಿಂದ ಅನಾರೋಗ್ಯಕ್ಕೆ ತುತ್ತಾಗುತ್ತಿದ್ದಾರೆ.

ಆಹಾರ ಜೊತೆ ಜೊತೆಗೆ ವ್ಯಾಯಾಮ,ನಡಿಗೆ ಸೇರಿದಂತೆ ದೈಹಿಕ ಪರಿಶ್ರಮವು ಅಗತ್ಯವಾಗಿದೆ.ರಕ್ತ ಚಲನೆಯಲ್ಲಿ ಫಿಜೀಯೋ ಥೆರಪಿ ಪಾತ್ರ ಮುಖ್ಯವಾಗಿದೆ.ಇಂಥ ಉಚಿತ ಶಿಬಿರಗಳಿಂದ ಜನರಲ್ಲಿ ಆರೋಗ್ಯದ ಅರಿವು ಮೂಡಿಸುತ್ತದೆ.ಇದನ್ನು ಆಯೋಜನೆ ಮಾಡಿರುವ ಟ್ರಸ್ಟ್ ಹಾಗೂ ಕಂಪಾನಿಯೋ ಕಾರ್ಯ ಶ್ಲಾಘನೀಯ ಎಂದರು.

ಟ್ರಸ್ಟ್ ಅಧ್ಯಕ್ಷ ಲಿಂಗರಾಜ ಸಿರಗಾಪೂರ ಮಾತನಾಡಿ ಟ್ರಸ್ಟ್ ವತಿಯಿಂದ ಇಲ್ಲಿವರೆಗೆ ಅನೇಕ ಉಚಿತ ಆರೋಗ್ಯ ಶಿಬಿರಗಳನ್ನು ಹಮ್ಮಿಕೊಳ್ಳಲಾಗಿದೆ.ಇದರಿಂದ ಅನೇಕ ಜನರಿಗೆ ಸದುಪಯೋಗವಾಗಿದೆ.13 ದಿನ ನಡೆಯುವ ಈ ಉಚಿತ ಶಿಬಿರದಲ್ಲಿ ಸಾರ್ವಜನಿಕರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿ ಸದುಪಯೋಗ ಪಡೆದುಕೊಳ್ಳಬೇಕು ಎಂದರು.
ಹೋರಾಟಗಾರ ಭೀಮಶೆಟ್ಟಿ ಯಂಪಳ್ಳಿ, ಬಸವರಾಜ ಕಣ್ಣಿ,ಕಂಪಾನಿಯೋ ಸದಸ್ಯ ಕೌಶಿಕ್ ವೇದಿಕೆ ಮೇಲೆ ಉಪಸ್ಥಿತರಿದ್ದರು.

ಪ್ರಧಾನ ಕಾರ್ಯದರ್ಶಿ ಸೂರ್ಯಕಾಂತ ಕೆ.ಬಿ ಪ್ರಾಸ್ತಾವಿಕವಾಗಿ ಮಾತನಾಡಿದರು.ಕೋಶಾಧ್ಯಕ್ಷ ಬಸವರಾಜ ಮಾಗಿ,ಸಹ ಕಾರ್ಯದರ್ಶಿ ಸಿದ್ಧಲಿಂಗ ಗುಬ್ಬಿ,ಮಲ್ಲಯ ಸ್ವಾಮಿ ಗಂಗಾಧರಮಠ.ಚಂದ್ರಕಾಂತ ತುಪ್ಪದ,ಮನೋಹರ ಬಡಶೇಷಿ ಮಹಿಳಾ ಸದಸ್ಯರಾದ ಸುಷ್ಮಾ ಮಾಗಿ, ಅನಿತಾ ನವಣಿ, ಲತಾ ತುಪ್ಪದ, ಗೀತಾ ಸಿರಗಾಪೂರ ಸೇರಿದಂತೆ ಬೆರೆ ಬಡಾವಣೆಯ‌ ಹಿರಿಯರು.ಮಹಿಳೆಯರು ನೂರಾರು ಜನರು ಶಿಬಿರದಲ್ಲಿ ಭಾಗವಹಿಸಿದ್ದರು.