ಲಾಕ್‍ಡೌನ್ ಆದೇಶ ಪಾಲಿಸಲು ಬಿಜೆಪಿ ಮುಖಂಡ ಸುಭಾಷ ಜಾಪೂರ ಮನವಿ

ಶಹಾಬಾದ: ಕೊರೊನಾ ವೈರಸ್ ದಿನದಿಂದ ದಿನಕ್ಕೆ ಸಂಖ್ಯೆಯನ್ನು ವ್ಯಾಪಿಸುತ್ತಿರುವುದರಿಂದ ಭೀತಿ ಪ್ರಾರಂಭವಾಗಿದೆ. ಕೊರೊನಾ ಭೀತಿ ಹಿನ್ನೆಲೆಯಲ್ಲಿ ಮೇ 3 ರವರೆಗೂ ಲಾಕ್ ಡೌನ್ ಜಾರಿಯಾಗಿದೆ. ಸಮಾಜದ ನಾಗರಿಕರ ಆರೋಗ್ಯ ಹಿತದೃಷ್ಟಿಯಿಂದ ಪ್ರಧಾನಿ ಮೋದಿಯವರು ಲಾಕ್‍ಡೌನ್ ಆದೇಶವನ್ನು ಸಾರ್ವಜನಿಕರು ಪಾಲಿಸುವ ಮೂಲಕ ಕೈ ಜೋಡಿಸಬೇಕೆಂದು ನಗರ ಬಿಜೆಪಿ ಮಾಜಿ ಅಧ್ಯಕ್ಷ ಸುಭಾಷ ಜಾಪೂರ ಮನವಿ ಮಾಡಿದ್ದಾರೆ.

ಅಮೇರಿಕಾ, ಇಟಲಿ ಸೇರಿದಂತೆ ಅನೇಕ ದೇಶಗಳಲ್ಲಿ ಕೊರೊನಾ ಅನೇಕ ಜೀವಗಳನ್ನು ಬಲಿ ತೆಗೆದುಕೊಂಡಿದೆ. ದೇಶದಲ್ಲಿ ವೈರಸ್ ಹರಡುವಿಕೆ ಹೆಚ್ಚಾಗುತ್ತಿದೆ. ಇದರಿಂದ ಸಾವಿನ ಸಂಖ್ಯೆಯೂ ಹೆಚ್ಚಾಗುತ್ತಿರುವುದು ಆತಂಕಕಾರಿ ಬೆಳವಣಿಗೆ.ಆದ್ದರಿಂದ ಸಾರ್ವಜನಿಕರು ಮನೆಯಿಂದ ಯಾರು ಹೊರಗಡೆ ಬರಬೇಡಿ. ಮನೆಯ ಸುತ್ತಮುತ್ತ, ದೇವಸ್ಥಾನ ಇತರ ಪ್ರದೇಶಗಳಲ್ಲಿ ಕುಳಿತು ಹರಟೆ ಹೊಡೆಯಬೇಡಿ. ಈ ಬಗ್ಗೆ ನಿಷ್ಕಾಳಜಿ ತೋರಿದರೇ ನಿಮ್ಮ ಮತ್ತು ನಿಮ್ಮ ಕುಟುಂಬದವರ ಜೀವಕ್ಕೂ ನೀವು ಕುತ್ತು ತರಬಹುದು.

Contact Your\'s Advertisement; 9902492681

ಆದ್ದರಿಂದ ಎಲ್ಲಾ ಜನರೂ ಮನೆಯಲ್ಲಿರುವುದು ಇದಕ್ಕೆ ಮದ್ದು.ಹೊರಗೆ ಹೋಗಬೇಕಾದ ಪ್ರಸಂಗ ಬಂದರೇ ಮಾಸ್ಕ್ ಧರಿಸಿ, ಸಾಮಾಜಿಕ ಅಂತರ ಕಾಪಾಡುವ ಮೂಲಕ ಈ ರೋಗವನ್ನು ಬರದಂತೆ ನೋಡಿಕೊಳ್ಳುವ ಜವಾಬ್ದಾರಿ ನಮ್ಮೆಲ್ಲರದಾಗಿದೆ.ಆದ್ದರಿಂದ ಸರ್ಕಾರದ ನಿಯಮಗಳನ್ನು ಕಡ್ಡಾಯವಾಗಿ ಪಾಲಿಸುವಂತೆ ಜಾಪೂರ ಮನವಿ ಮಾಡಿದರು.