ಗ್ರಾಪಂ ಅವ್ಯವಹಾರ ಕ್ರಮಕ್ಕೆ

ಆಳಂದ: ತಾಲೂಕಿನ ಸುಂಟನೂರ ಗ್ರಾಪಂ ಕಚೇರಿಯಲ್ಲಿ ಸುಮಾರು ೪೦ಲಕ್ಷ ರೂಪಾಯಿ ಅವ್ಯವಾಹ ತನಿಖೆ ಹಾಗೂ ತಪ್ಪಿರಸ್ಥರ ಮೇಲೆ ಕ್ರಮ ಜರುಗಿಸಿ ಲೂಟಿಯಾದ ಹಣ ಭರಿಸುವುದು ಸೇರಿ ಇನ್ನಿತರ ಬೇಡಿಕೆಗೆ ಜಯ ಕರ್ನಾಟಕ ಸಂಘಟನೆಯ ಕಾರ್ಯಕರ್ತರು ಹಮ್ಮಿಕೊಂಡಿದ್ದ ಅನಿರ್ದಿಷ್ಟಾವಧಿ ಧರಣಿ ಸತ್ಯಾಗ್ರಹಕ್ಕೆ ಅಧಿಕಾರಿಗಳು ನೀಡಿದ ಲಿಖಿತ ಭರವಸೆ ಮೆರೆಗೆ ತಾತ್ಕಾಲಿಕವಾಗಿ ವಾಪಸ್ ಪಡೆಯಲಾಯಿತು.

ಗ್ರಾಪಂ ಕಚೇರಿಯ ಮುಂದೆ ಸಂಘಟನೆಯ ತಾಲೂಕು ಅಧ್ಯಕ್ಷ ಬಸವರಾಜ ಎಸ್. ಕೋರಳ್ಳಿ ಮತ್ತವರ ಕಾರ್ಯಕರ್ತರು, ಬೆಂಬಲಿತ ಗ್ರಾಮಸ್ಥರು ಸೇರಿ ಉಪವಾಸ, ಅನಿರ್ದಿಷ್ಟಾವಧಿ ಧರಣಿ ಸತ್ಯಾಗ್ರಹ ಕೈಗೊಂಡಿದ್ದರು.

ಗ್ರಾಮ ಪಂಚಾಯತನಲ್ಲಿ ಸಮುದಾಯ ವಂತಿಕೆ ಸಂಗ್ರಹಣಾ ಅಭಿಯಾನ

ಸತ್ಯಾಗ್ರಹದ ನಾಲ್ಕನೇ ದಿನವಾದ ಶುಕ್ರವಾರ ಕೊನೆಗೂ ಸತ್ಯಾಗ್ರಹ ಸ್ಥಳಕ್ಕೆ ತಾಪಂ ಕಾರ್ಯನಿರ್ವಾಹಕ ಅಧಿಕಾರಿ ನಾಗಮೂರ್ತಿ ಶೀಲವಂತ ಅವರು ಭೇಟಿ ನೀಡಿ ದಿನವೀಡಿ ಸತ್ಯಾಗ್ರಹಿಗಳೊಂದಿಗೆ ಮಾತುಕತೆ ನಡೆಸಿ ಸತ್ಯಾಗ್ರಹ ವಾಪಸ್ ಪಡೆಯುಂತೆ ಮಾಡಿದರು. ಜಿಪಂ ಕಾರ್ಯನಿರ್ವಾಹಕ ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಬೇಕು ಎಂದು ಪಟ್ಟುಹಿಡಿದುಕೊಂಡಿದ್ದ ಸತ್ಯಾಗ್ರಹಿಗಳಿಗೆ ಜಿಪಂ ಕಾರ್ಯನಿರ್ವಾಹಕ ಅಧಿಕಾರಿಗಳು ಮೊಬೈಲ್ ಮಾತನಾಡಿ, ತನಿಖಾ ಅಧಿಕಾರಿಗಳನ್ನು ನೇಮಿಸಿ ವರದಿ ತರಿಸಿಕೊಂಡು ಸೂಕ್ತ ಕ್ರಮಕೈಗೊಳ್ಳಲಾಗುವುದು ಇದೊಂದು ಕಾಲಾವಕಾಶ ನೀಡಿ ಸತ್ಯಾಗ್ರಹ ವಾಪಸ್ ಪಡೆಯಬೇಕು ಎಂಬ ಮಾತಿಗೆ ಒಪ್ಪಿದ ಸತ್ಯಾಗ್ರಹಿಗಳು ಹಾಜರಿದ್ದ ತಾಪಂ ಕಾರ್ಯನಿರ್ವಾಹಕ ಅಧಿಕಾರಿಗಳಿಂದ ಲಿಖಿತ ಭರವಸೆ ಪಡೆದು ಎರಡು ದಿನಗಳಲ್ಲಿ ಕ್ರಮ ಕೈಗೊಳ್ಳಬೇಕು ಎಂದು ಎಚ್ಚರಿಸಿ ಮನವಿ ಸಲ್ಲಿಸಿದರು.

ಅವ್ಯವಹಾರ ಕುರಿತು ಇತರ ಬೇಡಿಕೆಗೆ ಈ ಹಿಂದೆಯು ಸತ್ಯಾಗ್ರಹ ಕೈಗೊಂಡ ಮೇಲೆ ಕ್ರಮ ಕೈಗೊಳ್ಳಲಾಗುವುದು ಎಂದು ತಾಪಂ ಇಒ ಅವರು ನೀಡಿದ ಭರವಸೆಯಂತೆ ನಡೆದುಕೊಂಡಿಲ್ಲ. ಈಗ ಮತ್ತೊಮ್ಮೆ ಇವರ ಮಾತಿಗೆ ಹೇಗೆ ನಂಬಬೇಕು ಎಂದು ಸತ್ಯಾಗ್ರಹಿಗಳು ಪ್ರಶ್ನಿಸಿದರು.

ಕೃಷಿಗೆ ಕಾಯುಕಲ್ಪ ನಿಡುವ ಆಗ್ರೋ-ರೋಬೋಟ್ಸಗಳು

ಮನವಿ ಸ್ವೀಕರಿಸಿದ ಇಒ ನಾಗಮೂರ್ತಿ ಶೀಲವಂತ ಅವರು, ಈ ಹಿಂದೆ ನೀಡಿದ ಬೇಡಿಕೆಗಳ ಕುರಿತು ಮೇಲಾಧಿಕಾರಿಗಳಿಗೆ ಸಲ್ಲಿಸಲು ವರದಿ ಸಿದ್ದಪಡಿಸಲಾಗಿದೆ. ಆದರೆ ಈಗ ಸಮಗ್ರವಾಗಿ ಮತ್ತೊಮ್ಮೆ ವರದಿ ಸಿದ್ಧಪಡಿಸಲಾಗುವುದು. ಫೆ.೧೫ಕ್ಕೆ ಗ್ರಾಪಂ ಕಚೇರಿಯಲ್ಲೇ ಖುದ್ದಾಗಿ ಕುಳಿತು ಕಡಿತಗಳನ್ನು ಪರಿಶೀಲಿಸಿ ಕ್ರಮಕ್ಕೆ ಜಿಪಂ ಕಾರ್ಯನಿರ್ವಾಹಕ ಅಧಿಕಾರಿಗಳಿಗೆ ವರದಿ ಸಲ್ಲಿಸಲಾಗುವುದು. ಧರಣಿ ವಾಪಸ್ ಪಡೆಯಬೇಕು ಎಂದು ಭರವಸೆ ನೀಡಿದ ಮೇಲೆ ಸತ್ಯಾಗ್ರಹ ವಾಪಸ್ ಪಡೆಯಲಾಯಿತು.

ಇದೇ ವೇಳೆ ಕಾರ್ಯನಿರ್ವಾಹಕ ಅಧಿಕಾರಿಗಳಿಗೆ ಗ್ರಾಮದಲ್ಲಿ ಮೂಲಸೌಲಭ್ಯಗಳ ಕೊರತೆ ಇರುವ ಕುರಿತು ಸತ್ಯಾಗ್ರಹಿಗಳು ಪ್ರಮುಖ ಸ್ಥಳಗಳಿಗೆ ಕರೆದ್ಯೊಯಿದು ಸಮಸ್ಯೆ ಕುರಿತು ತೋರಿಸಿದರು. ಗ್ರಾಪಂ ಅಧಿಕಾರಿ ವಿದ್ಯಾರಾಣಿ ಹಾಗೂ ನಿಂಬರಗಾ ಪೊಲೀಸ್ ಸಿಬ್ಬಂದಿಗಳು ಹಾಜರಿದ್ದರು. ಸಂಘಟನೆಯ ಜಿಲ್ಲಾ ಅಧ್ಯಕ್ಷ ಮಲ್ಲಿಕಾರ್ಜುನ ಸಾರವಾಡ, ಗ್ರಾಮ ಶಾಖೆಯ ಗೌರವ ಅಧ್ಯಕ್ಷ ಜನಾರ್ಧನ ದೇಶಪಾಂಡೆ, ಶರಣು ಕುಲಕರ್ಣಿ, ನಾಗರಾಜ ಘೋಡಕೆ, ಗ್ರಾಮ ಘಟಕದ ಅಧ್ಯಕ್ಷ ಅಮರೇಶ ಕುಂಬಾರ, ರಾಮ ಪಾಟೀಲ ಆಲೂರ, ಸಂಬಾಜಿ ಪಿಸೆ, ಮಲ್ಲಿಕಾರ್ಜುನ ಕೊರಳ್ಳಿ ಮತ್ತಿತರು ಉಪಸ್ಥಿತರಿದ್ದರು.