ಅಂಬೇಡ್ಕರ್ ಪೀಪಲ್ ಪಾರ್ಟಿ ತಾಲೂಕು ಘಟಕದ ಪದಾಧಿಕಾರಿಗಳ ನೇಮಕ

ಸುರಪುರ: ಭಾರತದಲ್ಲಿನ ಡಾ: ಬಾಬಾ ಸಾಹೇಬ್ ಅಂಬೇಡ್ಕರರು ಬರೆದ ಸಂವಿಧಾನವನ್ನು ಮತ್ತು ಸಂವಿಧಾನದ ಆಶಯಗಳನ್ನು ಜನರಿಗೆ ತಿಳಿಸುವುದು ಮತ್ತು ಜನರಲ್ಲಿ ಅಂಬೇಡ್ಕರರ ವಿಚಾರಧಾರೆಯನ್ನು ಬಿತ್ತುವ ಉದ್ದೇಶದಿಂದ ಅಂಬೇಡ್ಕರ್ ಪೀಪಲ್ ಪಾರ್ಟಿ ಹುಟ್ಟುಹಾಕಲಾಗಿದೆ ಎಂದು ಅಂಬೇಡ್ಕರ್ ಪೀಪಲ್ ಪಾರ್ಟಿ ಸಂಸ್ಥಾಪಕ ಅಧ್ಯಕ್ಷ ಮಾರುತಿರಾವ್ ಜಂಬಗಾ ತಿಳಿಸಿದರು.

ನಗರದ ಖಾಸಗಿ ಹೋಟೆಲ್‌ನಲ್ಲಿ ಹಮ್ಮಿಕೊಂಡಿದ್ದ ಪಾರ್ಟಿಯ ತಾಲೂಕು ಘಟಕಕ್ಕೆ ವಿವಿಧ ಪದಾಧಿಕಾರಿಗಳ ನೇಮಕಕ್ಕೆ ನಡೆದ ಸಭೆಯಲ್ಲಿ ಭಾಗವಹಿಸಿ ಮಾತನಾಡಿದ ಅವರು,ಎಲ್ಲರುಕೂಡ ಭಾರತದ ಸಂವಿಧಾನವನ್ನು ಓದಬೇಕು ಮತ್ತು ಅಂಬೇಡ್ಕರ್ ಜೀವನ ಸಿದ್ಧಾಂತವನ್ನು ತಿಳಿದುಕೊಂಡು ಬದುಕಿನಲ್ಲಿ ಅಳವಡಿಸಿಕೊಂಡು ನಡೆದಾಗ ಸ್ವಚ್ಛಂದ ಸಮಾಜ ನಿರ್ಮಾಣ ಸಾಧ್ಯವಿದೆ.ಅಂಬೇಡ್ಕರರ ವಿಚಾರಧಾರೆಯನ್ನು ಅಂಬೇಡ್ಕರ ಪೀಪಲ್ ಪಾರ್ಟಿ ಪಾಲಿಸುವುದು ಮತ್ತು ಅವುಗಳನ್ನು ಜನರಿಗೆ ತಿಳಿಸುವ ಕೆಲಸ ಮಾಡುತ್ತಿದ್ದು ಇಂದು ನೇಮಕಗೊಳ್ಳುವ ಎಲ್ಲಾ ಪದಾಧಿಕಾರಿಗಳು ಅಂಬೇಡ್ಕರರ ವಿಚಾರಗಳನ್ನು ಅರಿತು ಸಮಾಜಕ್ಕೆ ತಿಳಿಸುವ ಮೂಲಕ ಪಾರ್ಟಿಯನ್ನು ಬೆಳೆಸುವಂತೆ ಕರೆ ನೀಡಿದರು.

ಇದೇ ಸಂದರ್ಭದಲ್ಲಿ ಅಂಬೇಡ್ಕರ ಪೀಪಲ್ ಪಾರ್ಟಿಗೆ ತಾಲೂಕು ಘಟಕಕ್ಕೆ ಪದಾಧಿಕಾರಿಗಳನ್ನು ನೇಮಕಗೊಳಿಸಿದರು.ಸಭೆಯಲ್ಲಿ ಪಾರ್ಟಿಯ ತಾಲೂಕು ಅಧ್ಯಕ್ಷ ಶೇಖಪ್ಪ ಭಂಡಾರಿ,ಗುರುನಾಥರಡ್ಡಿ,ಮೌನೇಶ ರಡ್ಡಿ,ವಿಶ್ವನಾಥ ಅಂಗಡಿ,ಬಂದೇನವಾಜ್ ಅಂಗಡಿ,ಬಂದೇನವಾಜ್ ಶೇಖಸಿಂದಿ ಇದ್ದರು.

ಪಾರ್ಟಿಯ ತಾಲೂಕು ಪದಾಧಿಕಾರಿಗಳು: ತಾಲೂಕು ಉಪಾಧ್ಯಕ್ಷರನ್ನಾಗಿ ಬಸವರಾಜ ಬಡಿಗೇರ ಮಂಗಳೂರು,ಮರೆಪ್ಪ ಕಲಾಲ ಸತ್ಯಂಪೇಟೆ, ಪ್ರಧಾನ ಕಾರ್ಯದರ್ಶಿಯನ್ನಾಗಿ ಮರೆಪ್ಪ ಬಿ.ಕಾಂಗ್ರೆಸ್ ಕಕ್ಕೇರಿ, ಸಂಘಟನಾ ಕಾರ್ಯದರ್ಶಿಯನ್ನಾಗಿ ಬಂದಗೀಸಾಬ ಶೇಖಸಿಂದಿ, ನಾಗರಾಜ ಚೆನ್ನಪಟ್ಟಣ ಕಕ್ಕೇರಿ,ಭೀಮಣ್ಣ ಮ್ಯಾಗೇರಿ ಕಕ್ಕೇರಿ,ಚಂದ್ರಶೇಖರ ಹೆಗ್ಗಣದೊಡ್ಡಿ,ಮಂಜು ಬಡಿಗೇರ ಹೂವಿನಹಳ್ಳಿ,ಮಾನಪ್ಪ ಉಲ್ಪೇನವರ್,ರಾಜು ಹೊಸ್ಮನಿ ದೇವಿಕೇರಾ ಅವರನ್ನು ನೇಮಕಗೊಳಿಸಲಾಯಿತು,ಖಜಾಂಚಿಯನ್ನಾಗಿ ನಾಗರಾಜ ಚನ್ನಪಟ್ಟಣ ಕಕ್ಕೇರಿಯವರನ್ನು ನೇಮಕಗೊಳಿಸಲಾಯಿತು.