ಬೆಂಗಳೂರು: ಮಹೀಂದ್ರಾ ಸಮೂಹ ಕಂಪನಿಯ ರಿಯಲ್ ಎಸ್ಟೇಟ್ ಮತ್ತು ಮೂಲಸೌಕರ್ಯ ಅಭಿವೃದ್ಧಿ ಅಂಗಸಂಸ್ಥೆ ಮಹೀಂದ್ರಾ ಲೈಫ್ಸ್ಪೇಸ್ ಡೆವಲಪರ್ಸ್ ಲಿಮಿಟೆಡ್, ಭಾರತದ ಮೊದಲ ನೆಟ್ ಜೀರೊ ಎನರ್ಜಿ ವಸತಿ ಯೋಜನೆ ‘ಮಹೀಂದ್ರ ಈಡನ್’ ಅನ್ನು ಬೆಂಗಳೂರಿನಲ್ಲಿ ಪ್ರಾರಂಭಿಸುವ ಮೂಲಕ ಸುಸ್ಥಿರ ರಿಯಲ್ ಎಸ್ಟೇಟ್ ಅಭಿವೃದ್ಧಿ ಕ್ಷೇತ್ರದಲ್ಲಿ ಹೊಸ ಮಾನದಂಡ ಸ್ಥಾಪಿಸಿದೆ. ಈ ಯೋಜನೆಯನ್ನು ಇಂಡಿಯನ್ ಗ್ರೀನ್ ಬಿಲ್ಡಿಂಗ್ ಕೌನ್ಸಿಲ್(ಐಜಿಬಿಸಿ) ಪ್ರಮಾಣೀಕರಿಸಿದೆ.
ಈ ಈ ವಸತಿ ಅಭಿವೃದ್ಧಿಯ ಅನನ್ಯ ವಿನ್ಯಾಸ ವೈಶಿಷ್ಟ್ಯಗಳು 15 ಲಕ್ಷ ಕಿಲೋ ವ್ಯಾಟ್ ಹವರ್ ವಿದ್ಯುಚ್ಛಕ್ತಿ ಉಳಿಸುವ ನಿರೀಕ್ಷೆ ಇದೆ. ಇದು 800 ಮನೆಗಳಿಗೆ ಒದಗಿಸುವ ವಿದ್ಯುತ್ ಗೆ ಸಮಾನವಾಗಿದೆ. ಯೋಜನೆಗೆ ಉಳಿದಿರುವ ಇಂಧನ ಬೇಡಿಕೆಯನ್ನು ನವೀಕರಿಸಬಹುದಾದ ಮೂಲಗಳಿಂದ ಆನ್-ಸೈಟ್ ಸೌರಶಕ್ತಿ ಮತ್ತು ಪವನಶಕ್ತಿ ವ್ಯವಸ್ಥೆಗಳ ಮೂಲಕ ಮತ್ತು ಗ್ರಿಡ್‌ನಿಂದ ಹಸಿರು ಶಕ್ತಿ ಖರೀದಿಸಿ ಪೂರೈಸಲಾಗುತ್ತದೆ.
ಇದನ್ನೂ ಓದಿ: 50 LPM ಸಾಮರ್ಥ್ಯದ ಆಮ್ಲಜನಕ ಸ್ಥಾವರ, ಮೂರು ಟೆಲಿಮೆಡಿಸಿನ್ ಕೇಂದ್ರಗಳ ಆರಂಭ
2030ರಿಂದ ನೆಟ್ ಜೀರೊ ಕಟ್ಟಡಗಳನ್ನು ಮಾತ್ರ ನಿರ್ಮಿಸುವ ಮಹೀಂದ್ರಾ ಲೈಫ್‌ಸ್ಪೇಸ್‌ನ ಸುದೀರ್ಘ ಪಯಣದಲ್ಲಿ ಈ ಘೋಷಣೆಯು ಮಹತ್ವದ ಮೈಲಿಗಲ್ಲು ಆಗಲಿದೆ. ಮಹೀಂದ್ರಾ ಲೈಫ್ಸ್ಪೇಸ್ ಡೆವಲಪರ್ಸ್ ಲಿಮಿಟೆಡ್‌ನ ವ್ಯವಸ್ಥಾಪಕ ನಿರ್ದೇಶಕ ಮತ್ತು ಸಿಇಒ ಅರವಿಂದ್ ಸುಬ್ರಮಣಿಯನ್ ಮಾತನಾಡಿ, “ಜಾಗತಿಕ ಹವಾಮಾನ ಬದಲಾವಣೆಯು ಇದಿನ ಗಂಭೀರ ಸಮಸ್ಯೆಯಾಗಿದೆ. ಒಟ್ಟು ಇಂಧನ ಬಳಕೆಯಲ್ಲಿ ಕಟ್ಟಡಗಳೇ ಸುಮಾರು 36% ಇಂಧನ ಬಳಕೆ ಮಾಡುತ್ತಿವೆ ಮತ್ತು 40% ಇಂಗಾಲ ಹೊರಸೂಸುವಿಕೆಗೆ ಕಾರಣವಾಗಿವೆ.
ಹಸಿರು ಇಂಧನ ಬಳಕೆಯಲ್ಲಿ 100% ಪ್ರಮಾಣೀಕರಣದೊಂದಿಗೆ, ನಾವು ಸುಸ್ಥಿರ ಅಭಿವೃದ್ಧಿಯ ಪ್ರವರ್ತಕರಾಗಿ, ಸುಸ್ಥಿರ ವಿನ್ಯಾಸ ಮತ್ತು ಅಭಿವೃದ್ಧಿಯನ್ನು ಕೈಗೆತ್ತಿಕೊಳ್ಳಲು ಉತ್ಸುಕರಾಗಿದ್ದೇವೆ. ನೆಟ್ ಜೀರೊ ಮನೆಗಳನ್ನು ನಿರ್ಮಿಸುವುದು ಇಂಗಾಲ ಹೊರಸೂಸುವಿಕೆ ನಿಯಂತ್ರಣದ ಭವಿಷ್ಯದ ಮೂಲಾಧಾರಗಳಲ್ಲಿ ಒಂದಾಗಿದೆ. ಅದು ಹವಾಮಾನ ಬದಲಾವಣೆಗೆ ಪ್ರಮುಖ ಪರಿಹಾರವಾಗಿದೆ. ರಿಯಲ್ ಎಸ್ಟೇಟ್ ಕ್ಷೇತ್ರದ ಇಂಧನ ಪರಿವರ್ತನೆಯಲ್ಲಿ ಪ್ರಮುಖ ಪಾತ್ರ ವಹಿಸಲು ನಾವು ಬದ್ಧರಾಗಿದ್ದೇವೆ ಎಂದರು.
ಇದನ್ನೂ ಓದಿ: ದೇಶದಲ್ಲಿ ಹಿಂದು- ಮುಸ್ಲಿಂ ಸಮುದಾಯದವರು ಒಂದಾಗಿ ಸಹಬಾಳ್ವೆ ನಡೆಸಿ: ಸಾಧ್ವಿ ನಿರಂಜನ ಜ್ಯೋತಿ
ಮಹೀಂದ್ರಾ ಸಮೂಹವು 2040ರ ಹೊತ್ತಿಗೆ ಇಂಗಾಲ ಹೊರಸೂಸುವಿಕೆಯನ್ನು ಶೂನ್ಯ ಮಟ್ಟಕ್ಕೆ ತರುವ ಗುರಿಯ ನಮ್ಮ ಬದ್ಧತೆಯ ಭಾಗವಾಗಿ, ನಾವು 2030ರಿಂದ ನೆಟ್ ಜೀರೊ ಕಟ್ಟಡಗಳನ್ನು ಮಾತ್ರ ನಿರ್ಮಿಸುತ್ತೇವೆ ಎಂದು ನಾವಿಂದು ಸಂಕಲ್ಪ ತೊಡುತ್ತಿದ್ದೇವೆ. ನಾವು ಇದನ್ನು #NetZeroRevolutionನಲ್ಲಿ ಮೊದಲ ಹೆಜ್ಜೆಯಾಗಿ ನೋಡುತ್ತೇವೆ, ಇದು ಸಮಯೋಚಿತ ಮತ್ತು ಕ್ರಾಂತಿಕಾರಿಯಾಗಿದೆ.
ಹೆಚ್ಚಿನ ಶಾಖ ಪ್ರತಿಫಲನಕ್ಕಾಗಿ ಸೌರಶಕ್ತಿ ಪ್ರತಿಫಲನ ಸೂಚ್ಯಂಕ(ಎಸ್ಆರ್ ಐ) ಪೇಯಿಂಟ್ ಪೇಂಟ್‌ ಒಳಗೊಂಡಿರುವ ಹವಾಮಾನಕ್ಕೆ ಸ್ಪಂದಿಸುವ ವಿನ್ಯಾಸ ತಂತ್ರಗಳು ಮತ್ತು ಇಂಧನ ಸಂರಕ್ಷಣಾ ಕ್ರಮಗಳನ್ನು ಅಳವಡಿಸಿಕೊಂಡು ಮಹೀಂದ್ರ ಈಡನ್ ಅನ್ನು ಅಭಿವೃದ್ಧಿಪಡಿಸಲಾಗಿದೆ. ನೈಸರ್ಗಿಕ ಬೆಳಕು ಮತ್ತು ವಾತಾಯನವನ್ನು ಗರಿಷ್ಠಗೊಳಿಸಲು ಸೂಕ್ತ ಕಟ್ಟಡದ ಹೊಸದೃಷ್ಟಿ, ಕಟ್ಟಡಕ್ಕೆ ಶಾಖದ ಪ್ರವೇಶ ಕಡಿಮೆ ಮಾಡಲು ಕಿಟಕಿಗಳ ಮೇಲೆ ಕಡಿಮೆ ಸೌರಶಕ್ತಿ ಶಾಖ ಹೀರುವ ಎಸ್ಎಚ್ ಜಿಸಿ ಗಾಜುಗಳ ಬಳಕೆ ಮಾಡಲಾಗುತ್ತದೆ. ಕಟ್ಟಡವು ಸಮಕಾಲೀನ ವೇರಿಯೇಬಲ್ ವೋಲ್ಟೇಜ್ ವೇರಿಯಬಲ್ ಫ್ರೀಕ್ವೆನ್ಸಿ (VVVF) ಎಲಿವೇಟರ್‌ಗಳನ್ನು ಹೊಂದಿರುತ್ತದೆ, ಇದು ವೇಗವರ್ಧನೆಯ ಸಮಯದಲ್ಲಿ ಕಡಿಮೆ ಶಕ್ತಿಯನ್ನು ಬಳಸುತ್ತದೆ.
ಇದನ್ನೂ ಓದಿ: ಅಂಬೇಡ್ಕರ್ ಸೇನೆ ಕೆಕೆ ಪ್ರಧಾನ ಕಾರ್ಯದರ್ಶಿ ರಾಜು ಕಟ್ಟಿಮನಿ
ಎಲ್ಲಕ್ಕಿಂತ ಮುಖ್ಯವಾಗಿ, ಯೋಜನೆಯು ಮಹೀಂದ್ರಾ ಲೈಫ್ಸ್ಪೇಸ್ ನಲ್ಲಿ ಲಭ್ಯವಿರುವ ಬಹುಸಮರ್ಥನೀಯ ವೈಶಿಷ್ಟ್ಯಗಳನ್ನು ಹೊಂದಿದೆ. ಕಡಿಮೆ ಹರಿವಿನ ನೀರಿನ ಸಮರ್ಥ ನೆಲೆಗಳು, ಮಳೆನೀರು ಕೊಯ್ಲು, ಒಳಚರಂಡಿ ನೀರು ಸಂಸ್ಕರಣಾ ಘಟಕ ಮತ್ತು ಸ್ಮಾರ್ಟ್ ವಾಟರ್ ಮೀಟರ್‌ಗಳನ್ನು ಬಳಸಲಾಗುತ್ತದೆ. ಇದು ಸಾಂಪ್ರದಾಯಿಕ ಕಟ್ಟಡಗಳಿಗೆ ಹೋಲಿಸಿದರೆ ನೀರಿನ ಬೇಡಿಕೆಯನ್ನು 74% ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಹೆಚ್ಚುವರಿಯಾಗಿ, ಈ ಯೋಜನೆಯು ತ್ಯಾಜ್ಯ ವಿಂಗಡಣೆ, ಮಿಶ್ರಗೊಬ್ಬರ, ತ್ಯಾಜ್ಯ ಮರುಬಳಕೆಯಂತಹ ಸಮರ್ಥನೀಯ ಕಾರ್ಯತಂತ್ರಗಳನ್ನು ನಿಯೋಜಿಸುತ್ತದೆ. ಇ-ತ್ಯಾಜ್ಯ ನಿರ್ವಹಣೆಯು ವಾರ್ಷಿಕ ಮಾಮೂಲಿ ತ್ಯಾಜ್ಯದ 100% ಪ್ರಮಾಣದ ನಿರ್ವಹಣೆಯನ್ನು ತನ್ನೆಡೆಗೆ ತಿರುಗಿಸಿ, ಶೂನ್ಯ ಇ-ತ್ಯಾಜ್ಯ ನಿರ್ವಹಣೆ ಯೋಜನೆಯಾಗಿ ಪರಿವರ್ತಿಸುತ್ತದೆ.
ಇಂಧನ, ನೀರು ಮತ್ತು ತ್ಯಾಜ್ಯ ನಿರ್ವಹಣೆ ದಕ್ಷತೆಯ ಜತೆಗೆ, 100ಕ್ಕಿಂತ ಹೆಚ್ಚಿನ ಜಾತಿಯ ಸಸ್ಯಗಳು, 25ಕ್ಕಿಂತ ಹೆಚ್ಚಿನ ಜಾತಿಯ ಪಕ್ಷಿಗಳು ಮತ್ತು 25ಕ್ಕಿಂತ ಹೆಚ್ಚಿನ ಜಾತಿಯ ಚಿಟ್ಟೆಗಳನ್ನು ಸಂರಕ್ಷಿಸಲು ಮತ್ತು ಪೋಷಿಸಲು ಈ ಯೋಜನೆಯನ್ನು ‘ಪ್ರಕೃತಿ ಸಕಾರಾತ್ಮಕ’ವಾಗಿ ವಿನ್ಯಾಸಗೊಳಿಸಲಾಗಿದೆ. ಯೋಜನೆಯೊಳಗೆ ಜಲಮೂಲಗಳ ನೈಸರ್ಗಿಕೀಕರಣ ಮತ್ತು ಸರಳೀಕರಣದ ಉಪಕ್ರಮಗಳನ್ನು ಸಹ ಕೈಗೊಳ್ಳಲಾಗುವುದು. ಈ ಯೋಜನೆಯನ್ನು ‘ನಿಸರ್ಗದ ಸಕಾರಾತ್ಮಕತೆ’ ವಿಷಯದ ಸುತ್ತ ವಿನ್ಯಾಸಗೊಳಿಸಲಾಗಿದೆ. ವಸತಿ ಸಮುಚ್ಚಯದಲ್ಲಿ 85%ಗಿಂತ ಹೆಚ್ಚಿನ ತೆರೆದ ಸ್ಥಳ(ಓಪನ್ ಸ್ಪೇಸ್) ಒದಗಿಸುತ್ತದೆ.
ಇದನ್ನೂ ಓದಿ: ಸಾರ್ವಜನಿಕರ ಸಮಸ್ಯೆಗಳಿಗೆ ಪೊಲೀಸರು ಸಕಾರಾತ್ಮಕವಾಗಿ ಸ್ಪಂದಿಸಬೇಕು: ಡಾ.ವೈಎಸ್. ರವಿಕುಮಾರ್
ಮಹೀಂದ್ರ ಈಡನ್ ವಸತಿ ಯೋಜನೆಯ 7.74 ಎಕರೆ ಪ್ರದೇಶದಲ್ಲಿ ವಿಸ್ತಾರಗೊಂಡಿದೆ. ಇದರ ಪ್ರಕೃತಿ-ಸಕಾರಾತ್ಮಕ ಸೌಕರ್ಯಗಳನ್ನು ನೈಸರ್ಗಿಕ ಪರಿಸರ ವ್ಯವಸ್ಥೆ ಮತ್ತು ಮನೆ ಖರೀದಿದಾರರ ವಿಕಸನದ ಅಗತ್ಯಗಳನ್ನು ಗಮನದಲ್ಲಿಟ್ಟುಕೊಂಡು ಚಿಂತನಶೀಲವಾಗಿ ವಿನ್ಯಾಸಗೊಳಿಸಲಾಗಿದೆ. ಪ್ರಕೃತಿ-ಪ್ರೇರಿತ ಸೌಕರ್ಯಗಳಲ್ಲಿ ಸಸ್ಯಗಳು ಮತ್ತು ಔಷಧೀಯ ಗಿಡಮೂಲಿಕೆಗಳಿರುವ ಉದ್ಯಾನಗಳು, ಯೋಗ ಮತ್ತು ಧ್ಯಾನದ ಸ್ಥಳಗಳು, ಓಪನ್ ಏರ್ ಓದುವ ಕೋಣೆ ಮತ್ತು ಸೌರಶಕ್ತಿ ಚಾಲಿತ ಕೆಲಸದ ಪಾಡ್‌ಗಳು ಸೇರಿವೆ.
ಸಮಗ್ರ ಯೋಗಕ್ಷೇಮಕ್ಕಾಗಿ, ಯೋಜನೆಯು ಸೈಕ್ಲಿಂಗ್ ಮತ್ತು ಜಾಗಿಂಗ್ ಟ್ರ್ಯಾಕ್, ಕ್ಯಾಂಪಿಂಗ್ ಝೋನ್, ಕಿಡ್ಸ್ ಪ್ಲೇ ಏರಿಯಾ, ಅಲ್ ಫ್ರೆಸ್ಕೊ ಜಿಮ್ ಮತ್ತು ಇನ್ನೂ ಅನೇಕ ಸೌಲಭ್ಯಗಳನ್ನು ಒಳಗೊಂಡಿದೆ. ಇತರ ಸೌಕರ್ಯಗಳಲ್ಲಿ ಈಜುಕೊಳ, ವಿವಿಧೋದ್ದೇಶ ಕೋರ್ಟ್, ಏರೋಬಿಕ್ಸ್ ವಲಯದೊಂದಿಗೆ ಜಿಮ್, ಸಮುದಾಯ ಭವನಗಳು ಸೇರಿವೆ. ಮಹೀಂದ್ರ ಈಡನ್‌ನ ಒಳಾಂಗಣದ ಪ್ರಮುಖ ಆಕರ್ಷಣೆ ಎಂದರೆ ಪುಷ್ಕರಣಿ ವಿನ್ಯಾಸದ ಪರಿಸರಾತ್ಮಕ ಕೊಳವು ಪ್ರಾಚೀನ ದೇವಾಲಯಗಳ ಗತವೈಭವವನ್ನು ನೆನಪಿಸುತ್ತದೆ.
ಇದನ್ನೂ ಓದಿ: ಹೈಕೋರ್ಟ್ ಗೆ ಕೆಯುಡಬ್ಲ್ಯೂಜೆ ಚುನಾವಣೆ ಬಗ್ಗೆ ಸಲ್ಲಿಸಿದ್ದ ತಕರಾರು ಅರ್ಜಿ ವಜಾ
ಉತ್ತಮವಾಗಿ ಅಭಿವೃದ್ಧಿ ಹೊಂದಿದ ಸಾಮಾಜಿಕ ಮೂಲಸೌಕರ್ಯಗಳಿರುವ ಕನಕಪುರ ರಸ್ತೆಯ ಆಯಕಟ್ಟಿನ ಸ್ಥಳದಲ್ಲಿ ಈ ಯೋಜನೆಯನ್ನು ಅಭಿವೃದ್ಧಿ ಪಡಿಸಲಾಗುತ್ತಿದೆ. ಯೋಜನೆಯು ರಿಟೇಲ್ ಶಾಪ್ ಗಳು, ಶಿಕ್ಷಣ ಸಂಸ್ಥೆಗಳು, ಆಸ್ಪತ್ರೆಗಳು ಮತ್ತು ಮನರಂಜನೆ ಮತ್ತು ಮನರಂಜನಾ ಆಯ್ಕೆಗಳಿಗೆ ಸಮೀಪದಲ್ಲಿದೆ. ವಾಜರಹಳ್ಳಿ ಮೆಟ್ರೋ ನಿಲ್ದಾಣ (1 ಕಿಮೀ), ಮತ್ತು ನೈಸ್ ರಸ್ತೆ ಜಂಕ್ಷನ್ (3 ಕಿಮೀ)ನಂತಹ ಪ್ರಮುಖ ಸಾರಿಗೆ ಕೇಂದ್ರಗಳಿಗೆ ಸಮೀಪದಲ್ಲಿದ್ದು, ನಿವಾಸಿಗಳು ಈ ಎಲ್ಲಾ ಅನುಕೂಲಗಳನ್ನು ಆನಂದಿಸುತ್ತಾರೆ. ಕನಕಪುರ ರಸ್ತೆಯು ಬೆಂಗಳೂರಿನ ಎಲ್ಲಾ ಪ್ರಮುಖ ಉದ್ಯೋಗ ಕೇಂದ್ರಗಳಾದ ಬನ್ನೇರುಘಟ್ಟ, ಸಿಲ್ಕ್ ಬೋರ್ಡ್ ಮತ್ತು ಎಲೆಕ್ಟ್ರಾನಿಕ್ ಸಿಟಿಗೆ ಉತ್ತಮ ಸಂಪರ್ಕ ಕಲ್ಪಿಸುತ್ತದೆ.
ಮಹೀಂದ್ರ ಈಡನ್ ವಸತಿ ಯೋಜನೆಯು ಬೆಂಗಳೂರಿನಲ್ಲಿ ಮಹೀಂದ್ರಾ ಲೈಫ್ಸ್ಪೇಸ್ ಅಭಿವೃದ್ಧಿ ಪಡಿಸುತ್ತಿರುವ 2ನೇ ಯೋಜನೆಯಾಗಿದೆ. ಬನ್ನೇರುಘಟ್ಟ ರಸ್ತೆಯಲ್ಲಿರುವ ಇದರ ಮೊದಲ ವಸತಿ ಯೋಜನೆಯಾದ ಮಹೀಂದ್ರಾ ವಿಂಡ್‌ಚೈಮ್ಸ್ ಪೂರ್ಣಗೊಂಡು, ಮಾರಾಟವಾಗಿದೆ.
ಇದನ್ನೂ ಓದಿ: ತಾಂಡಾಗಳಲ್ಲಿ ನನಗೆ ಮತ ಹಾಕಿಲ್ಲˌ ಆದ್ರೂ ಕೆಲ್ಸ ನಿಲ್ಸಿಲ್ಲ: ಪ್ರಿಯಾಂಕ್ ಖರ್ಗೆ
ಕಲಬುರಗಿ: ಕಲಬುರಗಿ ದಕ್ಷಿಣ ಮತಕ್ಷೇತ್ರದ ಶಾಸಕ ಅಲ್ಲಮಪ್ರಭು ಪಾಟೀಲ ಅವರು ಶನಿವಾರ ಸಂಜೆ ಕ್ಷೇತ್ರದ ಭೀಮಳ್ಳಿ ಗ್ರಾಮದ ರೈತರ ಹೊಲಗಳಿಗೆ…
ಕಲಬುರಗಿ: ಕಷ್ಟಗಳು ಬಂದಾಗ ಕುಗ್ಗದೆ, ಆ ಕಷ್ಟಗಳನ್ನು ಸವಾಲಾಗಿ ಸ್ವೀಕರಿಸಿ ಮೇಲೇಳಬೇಕು ಎಂದು ತಾಜ್ ನಗರದ ಆರೋಗ್ಯ ಕೇಂದ್ರದ ಹಿರಿಯ…
ಪರೋಪಕಾರ ಸೇವೆಯಿಂದ ಆತ್ಮತೃಪ್ತಿ: ಹಿರೇಮಠ ಕಲಬುರಗಿ: ನಗರ ಹೊರವಲಯದ ಸೈಯದ್ ಚಿಂಚೋಳಿ ರಸ್ತೆಯ ಬಳಿ ಇರುವ ಕೆವಿಪಿ ದಣ್ಣೂರ ಪಿಯು…
ವಾಡಿ (ಕಲಬುರಗಿ): ಪುರಸಭೆ ಮಾಜಿ ಸದಸ್ಯ ಹಾಗೂ ಕಾಂಗ್ರೆಸ್ ಪಕ್ಷದ ಯುವ ಮುಖಂಡ ಸೂರ್ಯಕಾಂತ ರದ್ದೇವಾಡಿ ಅವರು ಶುಕ್ರವಾರ…
ಕಲಬುರಗಿ: ಸಂಡೂರ, ಶಿಗ್ಗಾವಿ ಹಾಗೂ ಚನ್ನಪಟ್ಟಣ ಸೇರಿದಂತೆ ಮೂರು ವಿಧಾಸಭಾ ಕ್ಷೇತ್ರದ ಉಪ ಚುನಾವಣೆಯಲ್ಲಿ ಕಾಂಗ್ರೆಸ್ ಪಕ್ಷದ ಅಭ್ಯರ್ಥಿಗಳು ಭರ್ಜರಿ…
ಚಿಂಚೋಳಿ: ಕಾನೂನು ತೊಡಕಿನಿಂದ ಸ್ಥಗಿತಗೊಂಡ ಸಿದ್ದಸಿರಿ ಎಥೆನಾಲ್ ಕಾರ್ಖಾನೆ ಪ್ರಾರಂಭಕ್ಕೆ ಕರ್ನಾಟಕ ಮಾಲಿನ್ಯ ನಿಯಂತ್ರಣ ಮಂಡಳಿ ಅನುಮತಿ ನೀಡಬೇಕೆಂದು ಒತ್ತಾಯಿಸಿ…