ಕಲಬುರಗಿ: ಅಮೇರಿಕ ದೇಶದ ಏಶಿಯಾ ವೇದಿಕ್ ಕಲ್ಚರಲ್ ವಿಶ್ವ ವಿದ್ಯಾಲಯದ ವತಿಯಿಂದ ಪೂಜ್ಯ ಶ್ರೀ ಮಂತ್ರ ಮಹರ್ಷಿ ಡಾ.ಎನ್.ಬಿ.ರೆಡ್ಡಿ ಸದ್ಗುರುಜಿ ರವರಿಗೆ ಲಭಿಸಿರುವ ಗೌರವ ಡಾಕ್ಟರೇಟ್ ಪ್ರದಾನ ಸಮಾರಂಭದ ಅಂಗವಾಗಿ ಬೆಂಗಳೂರಿನ ಗಾಂಧಿ ಭವನದಲ್ಲಿ ನಮ್ಮ ಕನ್ನಡ ಟಿವಿ ಮಿಡಿಯಾ ಪ್ರಾವೆಟ್ ಲಿಮಿಟೆಡ್ ಬೆಂಗಳೂರು ಹಾಗೂ ಕಮಲಾಪುರ ಮಾಜಿ ತಾಲೂಕಾ ಪಂಚಾಯತ್ ಉಪಾಧ್ಯಕ್ಷ ದೀಪಕ ಸಲಗರ ಇವರ ಅಧ್ಯಕ್ಷತೆಯಲ್ಲಿ ಪೂಜ್ಯಶ್ರೀ ಮಂತ್ರ ಮಹರ್ಷಿ ಡಾ.ಎನ್.ಬಿ.ರೆಡ್ಡಿ ಸದ್ಗುರುಜಿ ಅವರಿಗೆ ಅಭಿನಂದಿಸಲಾಯಿತು.
ಈ ಕಾರ್ಯಕ್ರಮವನ್ನು ಹಿರಿಯ ಚಲನಚಿತ್ರ ನಟ ವೈಜಿನಾಥ ಬಿರಾದಾರ ಅವರು ಉದ್ಘಾಟಿಸಿ ಮಾತನಾಡುತ್ತಾ ಸದ್ಗುರುಜಿ ರವರ ದಿವ್ಯ ದೃಷ್ಟಿಯು ನಮ್ಮಂತ ಭಕ್ತ ಸಮೂಹದ ಮೇಲೆ ಬಿದ್ದರೆ ಸಾಕು ಜೀವನ ಪಾವನ ಆಗುತ್ತದೆ ಮನುಷ್ಯನ ಜೀವನಕ್ಕೆ ಸದ್ಗುರುವಿನ ಆಶೀರ್ವಾದ ಬೇಕೇ ಬೇಕು ಅಂದಾಗ ಜೀವನದಲ್ಲಿ ಸಾರ್ಥಕತೆ ಕಾಣಲು ಸಾಧ್ಯ ಎಂದು ಅವರು ಹೇಳಿದರು.
ಜೀವನದಲ್ಲಿ ಗುರುವೆಂಬ ಪದ ಬಹಳ ಅರ್ಥಗರ್ಭಿತವಾದದ್ದು. ಹಿಂದೆ ಗುರು ಮುಂದೆ ಗುರಿ ಅಂದಾಗ ಜೀವನದಲ್ಲಿ ಸ್ವಾರ್ಥಕತೆ ಕಾಣಲು ಸಾಧ್ಯ ಎಂದರು.
ಈ ಸಂದರ್ಭದಲ್ಲಿ ಹಿರಿಯ ಸಾಹಿತಿ ಗೋವಿಂದ ರಾಜು, ಉದ್ಯಮಿ ಜಯರಾಜ, ಬಸವರಾಜ ಆರ್. ಆರ್ಯ ಹುಮನಾಬಾದ, ನಿವೃತ್ತ ಶಿಕ್ಷಕ ದಾನಪ್ಪ ಸಲಗರ ಸಂತೋಷ ಖೇಡ್ ಮತ್ತು ಶಂಭುಲಿಂಗ ಗೊಳೆ ಉಪಸ್ಥಿತರಿದ್ದರು, ಧಮೇಂದ್ರ ಪೂಜಾರಿ ಸ್ವಾಗತಿಸಿದರು ನಮ್ಮ ಕನ್ನಡ ಟಿವಿಯ ಖ್ಯಾತ ನಿರೂಪಕ ಎಸ್.ಎಮ್.ಭಕ್ತ ಕುಂಬಾರ ರವರು ಕಾರ್ಯಕ್ರಮವನ್ನು ನಿರೂಪಿಸಿ ವಂದಿಸಿದರು.