‘ಮತ್ತೆ ಕಲ್ಯಾಣ’ ಯಶಸ್ವಿಗೆ ಸಭೆ ತೀರ್ಮಾನ

ಕಲಬುರಗಿ: ಸುಲಫಲ, ಶ್ರೀಶೈಲಂ ಪೀಠದ ಡಾ.ಸಾರಂಗಧರ ದೇಶಿಕೇಂದ್ರ ಸ್ವಾಮೀಜಿ ನೇತೃತ್ವದಲ್ಲಿ ಇಂದು ಸುಲಫಲ‌ಮಠದಲ್ಲಿ ಮತ್ತೆ ಕಲ್ಯಾಣ ಕಾರ್ಯಕ್ರಮದ ಎರಡನೆ ಸಭೆ ನಡೆಯಿತು.

ಮತ್ತೆ ಕಲ್ಯಾಣ ಅದ್ಭುತ ಕಾರ್ಯಕ್ರಮ. ಈ ಕಾರ್ಯಕ್ರಮ ಯಶಸ್ವಿಗೊಳಿಸಲು ಎಲ್ಲರೂ ಕೈಜೋಡಿಸಬೇಕು. ಈಗಿನ ಸಂದರ್ಭದಲ್ಲಿ ಇದು ಅವಶ್ಯವಾಗಿದೆ. ಲಿಬರಲ್ ಆಗಿ ಈ ಕಾರ್ಯಕ್ರಮ ಮುಗಿಸೋಣ ಎಂದು ಮಾಜಿ ಸ್ಪೀಕರ್ ಬಿ.ಆರ್. ಪಾಟೀಲ ಹೇಳಿದರು.

ವಿಧಾನ ಪರಿಷತ್ ಸದಸ್ಯ ತಿಪ್ಪಣ್ಣಪ್ಪ ಕಮಕನೂರ ಮಾತನಾಡಿ, ಹಲವು ಭಿನ್ನಾಭಿಪ್ರಾಯಗಳ ಮಧ್ಯೆ ಸಾಮಾಜಿಕ ನ್ಯಾಯಕ್ಕಾಗಿ ಹೋರಾಡುವವರು ಎಲ್ಲರೂ ಒಂದಾಗಿ ಸಮಾಜ ಅಭಿವೃದ್ಧಿಗೆ ಎಲ್ಲರೂ ಪಣತೊಡಬೇಕು ಎಂದರು.

ಚೌದಾಪುರಿ ಹಿರೇಮಠದ ರಾಜಶೇಖರ ಶಿವಾಚಾರ್ಯ ರು, ಗುರುಬಸವ ಮಠದ ಶಿವಾನಂದ ಸ್ವಾಮೀಜಿ ಸಾನ್ನಿಧ್ಯ ವಹಿಸಿದ್ದರು.

ಬಸವ ಕೇಂದ್ರದ ಸೋಮಣ್ಣ ನಡಕಟ್ಟಿ, ರವೀಂದ್ರ ಶಾಬಾದಿ, ಪ್ರಭುಲಿಂಗ ಮಹಾಗಾಂವಕರ್, ದೇವೆಗೌಡ ತೆಲ್ಲೂರ, ಬಸವರಾಜ ತಡಕಲ್, ಸಿದ್ಧರಾಮ ಪ್ಯಾಟಿ, ಶರಣು ಪಪ್ಪಾ, ಶರಣು ಮೋದಿ, ಆರ್.ಕೆ. ಹುಡಗಿ, ಆರ್.ಜಿ. ಶೆಟಗಾರ, ಮಾಲತಿ ರೇಶ್ಮಿ, ಮಲ್ಲಪ್ಪ ಹೊಸಮನಿ, ಸುನಿಲ ಹುಡಗಿ, ಶಿವರಂಜನ್ ಸತ್ಯಂಪೇಟೆ, ವಿಜಯಕುಮಾರ ತೇಗಲತಿಪ್ಪಿ, ಪರಮೇಶ್ವರ ಶೆಟಕಾರ, ಮಹಾಂತೇಶ ಕಲ್ಬುರ್ಗಿ, ಅಯ್ಯನಗೌಡ ಪಾಟೀಲ, ಬಿ.ಎಂ. ಪಾಟೀಲ ಕಲ್ಲೂರ, ಶಿವಶರಣಪ್ಪ ದೇಗಾಂವ ಇತರರು ಇದ್ದರು.