ಸುರಪುರ:ನಗರದ ರಂಗಂಪೇಟೆಯಲ್ಲಿ ಮಾಜಿ ಶಾಸಕ ರಾಜಾ ವೆಂಕಟಪ್ಪ ನಾಯಕ ಭರ್ಜರಿ ರೋಡ ಶೋ ನಡೆಸಿದರು.ರಂಗಂಪೇಟೆಯ ಹನುಮಾನ ದೇವಸ್ಥಾನದ ಬಳಿಯಲ್ಲಿ ರಾಜಾ ವೆಂಕಟಪ್ಪ ನಾಯಕ ಆಗಮನಕ್ಕಾಗಿ ಒಂದು ಗಂಟೆಗೂ ಹೆಚ್ಚು ಕಾಲದಿಂದ ಕಾಯುತ್ತಿದ್ದ ಅನೇಕ ಮುಖಂಡರು ಹಾಗೂ ಕಾರ್ಯಕರ್ತರು,ಆರ್.ವಿ.ನಾಯಕ ಆಗಮಿಸುತ್ತಿದ್ದಂತೆ ಪಟಾಕಿ ಸಿಡಿಸಿ ಘೋಷಣೆಗಳನ್ನು ಕೂಗಿ ಹರ್ಷ ವ್ಯಕ್ತಪಡಿಸಿದರು.
ಹನುಮಾನ ದೇವಸ್ಥಾನ ದಿಂದ ಆರಂಭಗೊಂಡ ರೋಡ ಶೋ ದೊಡ್ಡ ಬಜಾರ ಮಾರ್ಗವಾಗಿ,ಮಂಗಲ ಬಜಾರ ಮೂಲಕ ತಿಮ್ಮಾಪುರ ವರೆಗೂ ನಡೆಸಲಾಯಿತು.ಪ್ರಚಾರದ ಸಂದರ್ಭದಲ್ಲಿ ಅನೇಕ ಕಡೆಗಳಲ್ಲಿ ರಾಜಾ ವೆಂಕಟಪ್ಪ ನಾಯಕ ಅವರಿಗೆ ಅನೇಕ ಜನರು ಶಾಲು ಹಾಕಿ ಸನ್ಮಾನಿಸಿ ಶುಭ ಹಾರೈಸಿದರು.
ಅನೇಕ ಮುಖಂಡು,ಕಾರ್ಯಕರ್ತರು ಹಾಗೂ ಮಹಿಳಾ ಕಾರ್ಯಕರ್ತರ ಘೋಷಣೆಗಳು ಮುಗಿಲು ಮುಟ್ಟಿದ್ದವು.ಯಾತ್ರೆಯಲ್ಲಿ ಪ್ರಮುಖವಾಗಿ ರಾಜಾ ಲಕ್ಷ್ಮೀನಾರಾಯಣ ನಾಯಕ ಯೂತ್ ಕಾಂಗ್ರೆಸ್ ಜಿಲ್ಲಾಧ್ಯಕ್ಷ ರಾಜಾ ಕುಮಾರ ನಾಯಕ,ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ನಿಂಗರಾಜ ಬಾಚಿಮಟ್ಟಿ,ಅಬ್ದುಲಗಫೂರ ನಗನೂರಿ,ಸೂಗುರೇಶ ವಾರದ್,ಶೇಖಮಹಿಬೂಬ ಒಂಟಿ,ವೆಂಕಟೇಶ ಹೊಸ್ಮನಿ,ಮಹ್ಮದ್ ಮೌಲಾ ಸೌದಾಗರ್,ನಾಸಿರ್ ಕುಂಡಾಲೆ,ಮಂಜುನಾಥ ಸಪ್ಪಂಡಿ,ಮಲ್ಲು ನಾಯಕ ಕಬಾಡಗೇರ,ಪ್ರಕಾಶ ಯಾದವ್,ಖಾಲಿದ್ ಅಹ್ಮದ್ ತಾಳಿಕೋಟಿ,ಮಹೇಶ ಹಸನಾಪುರ ಸೇರಿದಂತೆ ರಂಗಂಪೇಟೆ,ಹಸನಾಪುರ,ತಿಮ್ಮಾಪುರ,ದೀವಳಗುಡ್ಡ ಸೇರಿದಂತೆ ವಿವಿಧ ಕಡೆಗಳಿಂದ ಸಾವಿರಾರು ಕಾರ್ಯಕರ್ತರು ಭಾಗವಹಿಸಿದ್ದರು.