ಶಹಾಬಾದ: ಹೈದರಾಬಾದಿನ ನಾಂಪಲ್ಲಿಯಲ್ಲಿರುವ ಎಕ್ಸಿಬಿಷನ್ ಮೈದಾನದಲ್ಲಿ ನಡೆಯಲಿರುವ ಲಿಂಗಾಯತ ಧರ್ಮದ ಮಹಾರ್ಯಾಲಿಗೆ ಬೆಂಬಲಿಸಿ ರವಿವಾರ ಹಳೆಶಹಾಬಾದನ ಜಾಗತಿಕ ಲಿಂಗಾಯತ ಮಹಾಸಭಾದ ಸದಸ್ಯರು ನಗರದ ರೇಲ್ವೆ ನಿಲ್ದಾಣದಲ್ಲಿ ಜೈಘೋಷ ಕೂಗಿ ಹೈದ್ರಬಾದಗೆ ತೆರಳಿದರು.
ಜಾಗತಿಕ ಲಿಂಗಾಯತ ಮಹಾಸಭಾದ ಶರಣಗೌಡ ಪಾಟೀಲ ಹಾಗೂ ಬಸವರಾಜ ತರನಳ್ಳಿ ಮಾತನಾಡಿ, ಜೈನ, ಸಿಖ್, ಬೌದ್ಧ ಧರ್ಮಗಳಂತೆ ಲಿಂಗಾಯತವು ಒಂದು ಸ್ವತಂತ್ರ ಧರ್ಮ. ಲಿಂಗಾಯತ ಧರ್ಮಕ್ಕೆ ಬಸವಣ್ಣನವರೆ ಧರ್ಮಗುರು, ವಚನ ಸಾಹಿತ್ಯವೇ ಧರ್ಮಗ್ರಂಥ.
ಹೀಗಾಗಿ ಈ ಧರ್ಮಕ್ಕೆ ಸಾಂವಿಧಾನಿಕ ಮಾನ್ಯತೆಗಾಗಿ ಕರ್ನಾಟಕದಲ್ಲಿ 2018 ರಲ್ಲಿ ಅಂದಿನ ಮುಖ್ಯಮಂತ್ರಿ ಸಿದ್ಧರಾಮಯ್ಯನವರು ನ್ಯಾ. ನಾಗಮೋಹನದಾಸ ನೇತೃತ್ವದ ಆಯೋಗ ರಚಿಸಿ, ವರದಿಯನ್ನು ಕೇಂದ್ರಕ್ಕೆ ಶಿಫಾರಸು ಮಾಡಿದ್ದರು. ಇಂದು ಕರ್ನಾಟಕದಲ್ಲಿ ಲಿಂಗಾಯತರನ್ನು ಕಡೆಗಣನೆ ಮಾಡಿದ್ದಕ್ಕೆ ಬಿಜೆಪಿ ಸರ್ಕಾರ ಕೈಸುಟ್ಟುಕೊಂಡಿದೆ. 2024ರ ಲೋಕಸಭಾ ಚುನಾವಣೆ ಒಳಗಾಗಿ ಕೇಂದ್ರ ಸರ್ಕಾರವು ಲಿಂಗಾಯತ ಧರ್ಮಕ್ಕೆ ಮಾನ್ಯತೆ ನೀಡದಿದ್ದರೆ ಕರ್ನಾಟಕದಲ್ಲಾದ ಸ್ಥಿತಿಯೇ ಕೇಂದ್ರದಲ್ಲಾಗುವ ಸಂಭವವಿದೆ.
ಆದ್ದರಿಂದ ಮಾನ್ಯ ಪ್ರಧಾನಮಂತ್ರಿ ನರೇಂದ್ರ ಮೋದಿಯವರು ಹಾಗೂ ಗೃಹಸಚಿವ ಅಮಿತ್ ಶಾ ಅವರು ಈ ಕುರಿತು ಪರಿಶೀಲನೆ ಮಾಡಬೇಕಿದೆ. ಒಟ್ಟಿನಲ್ಲಿ ಯಾವುದೇ ಸರ್ಕಾರವಿರಲಿ. ನಮ್ಮ ಹೋರಾಟ ನಿತ್ಯನಿರಂತರ. ಮಾನ್ಯತೆ ಪಡೆಯುವುದೊಂದೆ ನಮ್ಮ ಧ್ಯೇಯ.ಅದಕ್ಕಾಗಿ ನಾವು ಶಃಆಬಾದ ನಗರದಿಂದ ಹೈದ್ರಬಾದನಲ್ಲಿ ನಡೆಯುತ್ತಿರುವ ರ್ಯಾಲಿಯಲ್ಲಿ ಭಾಗವಹಿಸುವುದರ ಮೂಲಕ ಬೆಂಬಲ ವ್ಯಕ್ತಪಡಿಸುತ್ತಿದ್ದೆವೆ ಎಂದರು.
ಗಿರಿಮಲ್ಲಪ್ಪ ವಳಸಂಗ,ಸುಭಾಷ ತುಪ್ಪದ,ಶರಣಪ್ಪಾ ಬುಗಶಟ್ಟಿ,ಪಿಂಟು ಕುಂಬಾರ,ಶಾಂತಪ್ಪಾ ಹಡಪದ,ನಾಗೇಂದ್ರ ವೀರಶಟ್ಟಿ,ಅರುಣಕುಮಾರ ಜಾಯಿ,ಶರಣಪ್ಪಾ ಸೂರಾ,ಶ್ರವಣ ರಾವೂರ,ಕುಪೇಂದ್ರ ತುಪ್ಪದ,ರಮೇಶ್ ಜೋಗದನಕರ್,ಸುಧೀರ್ ದ್ಯಾಮಗೌಡ, ಸಂತೋμï ಪಾಟೀಲ್ ಇತರರು ಇದ್ದರು.