ಕಲಬುರಗಿ: ಕಲಬುರಗಿಯ ಸ್ಟೇಷನ ಬಜಾರ ಪೊಲೀಸ್ ಠಾಣೆಯ ವ್ಯಾಪ್ತಿಯಲ್ಲಿ ಬರುವ ಸಿ.ಟಿ. ಬಸ್ ನಿಲ್ದಾಣದ ಎದುರಿಗೆ ೨೦೧೯ರ ಆಗಸ್ಟ್ ೧೮ರಂದು ಅಂದಾಜು ೬೦ರಿಂದ ೬೫ ವರ್ಷದ ಅಪರಿಚಿತ ಮೃತ ವ್ಯಕ್ತಿಯ ಶವ ದೊರಕಿದ್ದು, ಈ ಮೃತ ವ್ಯಕ್ತಿಯ ಹೆಸರು ಹಾಗೂ ವಿಳಾಸ ತಿಳಿದು ಬಂದಿರುವುದಿಲ್ಲ ಎಂದು ಕಲಬುರಗಿ ಸ್ಟೇಷನ ಬಜಾರ ಪೊಲೀಸ್ ಠಾಣೆಯ ಠಾಣಾಧಿಕಾರಿಗಳು ತಿಳಿಸಿದ್ದಾರೆ.
ಈ ಮೃತ ವ್ಯಕ್ತಿಯ ವಾರಸುದಾರರು ಯಾರು ಇರುವುದಿಲ್ಲ. ಮೃತ ವ್ಯಕ್ತಿಯ ಮೈ ಮೇಲೆ ಬಿಳಿಯ ಅಂಗಿ, ಕಪ್ಪು ಬಣ್ಣದ ಪ್ಯಾಂಟ್ ಇರುತ್ತದೆ. ವ್ಯಕ್ತಿಯ ತಲೆಯ ಮೇಲೆ ಕಪ್ಪು ಮತ್ತು ಬಿಳಿ ವಿಶ್ರಿತ ತಲೆಕೂದಲು, ಗಡ್ಡ ಮತ್ತು ಮಿಸೆ ಬಿಳಿ ಮಿಶ್ರಿತ ಕೂದಲು ಇರುತ್ತದೆ. ತೆಳ್ಳನೇಯ ಮೈಕಟ್ಟು, ಕಂದು ಮೈಬಣ್ಣ ಇರುತ್ತದೆ. ಅಂದಾಜು ೫.೩ ಎತ್ತರ ಇರುತ್ತದೆ.
ಈ ಮೃತ ವ್ಯಕ್ತಿಯ ಶವವನ್ನು ಜಿಲ್ಲಾ ಸರ್ಕಾರಿ ಆಸ್ಪತ್ರೆಯ ಮರ್ಚರಿ ಕೋಣೆಯಲ್ಲಿ ಇಡಲಾಗಿದೆ. ಈ ಅಪರಿಚಿತ ವ್ಯಕ್ತಿಯ ಬಗ್ಗೆ ಈವರೆಗೆ ಯಾರೂ ವಾರಸುದಾರರು ಬಂದಿರುವುದಿಲ್ಲ. ಈ ಮೃತ ವ್ಯಕ್ತಿಯ ಯಾರಾದರೂ ಸಂಬಂಧಿಕರು, ವಾರಸುದಾರರು ಇದ್ದಲ್ಲಿ ಹೆಚ್ಚಿನ ಮಾಹಿತಿಗಾಗಿ ಸ್ಟೇಶನ್ ಬಜಾರ ಪೊಲೀಸ್ ಠಾಣೆಯ ದೂರವಾಣಿ ಸಂಖ್ಯೆ 08472-263616 ಅಥವಾ ಆರಕ್ಷಕ ನಿರೀಕ್ಷಕರ ಮೊಬೈಲ್ ಸಂಖ್ಯೆ9480803546ಗೆ ಸಂಪರ್ಕಿಸಲು ಕೊರಲಾಗಿದೆ.
