ಕಲಬುರಗಿ: ಭಾರತ ಸೌಟ್ಸ್ ಮತ್ತು ಗೈಡ್ಸ್ ಅಂತರಾಷ್ಟ್ರೀಯ ಚಳವಳಿಯಾಗಿದ್ದು, ಈ ಸಂಸ್ಥೆ ಬದುಕಿನ ಶಿಕ್ಷಣ ಮತ್ತು ಪರಿಸರ ರಕ್ಷಣೆ ಸೇರಿದಂತೆ ಸಮಾಜಮುಖಿ ಕೆಲಸ ಮಾಡುತ್ತಿದೆ. ಸಂಸ್ಥೆಯಿಂದ ವಿದ್ಯಾರ್ಥಿಗಳಿಗೆ ತರಬೇತಿ ನೀಡಲು ಸ್ಥಳದ ಅಗತ್ಯ ಇರುತ್ತದೆ, ಹತಗುಂದಿ ಗ್ರಾಮದ ಸರ್ವೆ ನಂ.9 ಖಾತೆ 468 ರಲ್ಲಿರುವ 20 ಎಕರೆಯ ಸರ್ಕಾರಿ ಭೂಮಿಯಲ್ಲಿ ಸಂಸ್ಥೆಗೆ 5 ಎಕರೆ ಜಮೀನು ಮಂಜೂರ ಮಾಡುವಂತೆ ಜಿಲ್ಲಾಧಿಕಾರಿಯನ್ನು ಭೇಟಿ ಮಾಡಿದ ಸಂಸ್ಥೆಯ ನಿಯೋಗ ಮನವಿ ಸಲ್ಲಿಸಿತು. ಸಿ.ಬಿ ಪಾಟೀಲ ಓಕಳಿ, ಎಸ್.ಪಿ ಸುಳ್ಳದ, ಚನ್ನವೀರಯ್ಯ ಸ್ವಾಮಿ, ಸಾವಿತ್ರಿ ಪಾಟೀಲ, ಸುಮಂಗಳ ಕೋರಿ, ರಾಜು ಮರಾಠಿ, ರವಿ ಬರಾಡ ಇದ್ದರು.