ಶಹಾಬಾದ: ಮಾದಿಗ ಸಮಾಜದ ಯುವ ನಾಯಕ ಪ್ರಮೋದ ಮಲ್ಹಾರ ಅವರನ್ನು ನಗರ ಸಭೆಗೆ ನಾಮನಿರ್ದೇಶನ ಮಾಡಬೇಕೆಂದು ಮಾದಿಗ ಸಮಾಜದ ತಾಲೂಕಾ ಸಮಿತಿ ಅಧ್ಯಕ್ಷ ಡಿ. ಡಿ. ಓಣಿ ಮತ್ತು ಉಪಾಧ್ಯಕ್ಷ ಶರಣು ಬಿ. ಪಗಲಾಪೂರ ನೇತೃತ್ವದ ನಿಯೋಗ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಡಾ.ಎಮ್. ಎ. ರಶೀದ ಮನವಿ ಪತ್ರ ಸಲ್ಲಿಸಿದರು.
ಪ್ರಮೋದ ಲಕ್ಷ್ಮಣ ಮಲ್ಹಾರÀ ಪರಿಶಿಷ್ಟ ಜಾತಿಯ “ಮಾದಿಗ ಸಮುದಾಯ”ದ ಯುವ ನಾಯಕನಾಗಿ ಕಾಂಗ್ರೆಸ್ ಪಕ್ಷದಲ್ಲಿ ಯುವ ಘಟಕದ ಕಾರ್ಯದರ್ಶಿಯಾಗಿ ಕಾರ್ಯ ನಿರ್ವಹಿಸಿದ್ದಾನೆ. ಕಾರ್ಯಕಾರಿಣಿ ಸದಸ್ಯನಾಗಿ ಸುಮಾರು ವರ್ಷಗಳಿಂದ ಪಕ್ಷದ ಸಂಘಟನೆಗಾಗಿ ಹಗಲಿರುಳು ಶ್ರಮಿಸಿದ್ದಾನೆ.
ಲೋಕ ಸಭೆ, ವಿಧಾನ ಸಭೆ ಮತ್ತು ನಗರ ಸಭೆ ಸ್ಥಳೀಯ ಮಟ್ಟದ ಎಲ್ಲಾ ಚುನಾವಣೆಯಲ್ಲಿ ಪಕ್ಷದಉಮೇದುವಾರರಿಗೆ ಪ್ರತ್ಯಕ್ಷ ಹಾಗೂ ಪರೋಕ್ಷವಾಗಿ ಪಕ್ಷದಲ್ಲಿ ನಿμÁ್ಠವಂತ ಕಾರ್ಯಕರ್ತನಾಗಿ ಸೇವೆ ಸಲ್ಲಿಸಿರುತ್ತಾನೆ. ಈ ಭಾಗದಲ್ಲಿ ಮಾದಿಗ ಸಮುದಾಯ ನಾಯಕರಿಗೆ ಪಕ್ಷದ ರಾಜಕೀಯದಲ್ಲಾಗಲಿ ಸರಕಾರದ ನಿಗಮಗಳಿಗೆ ನೇಮಕಾತಿಯಲ್ಲಿ ಕಡೆಗಣಿಸಲಾಗುತ್ತಿದೆ, ಬ್ಲಾಕ್ ಕಾಂಗ್ರೆಸ್ ಪಕ್ಷ ನಮ್ಮ ಸಮುದಾಯದ ಹಿತ ಕಾಯಲು ಪ್ರಮೋದ ಲಕ್ಷ್ಮಣ ಮಲ್ಹಾರ ಅವರನ್ನು ಶಹಾಬಾದ ನಗರ ಸಭೆಗೆ ನಾಮನಿರ್ದೇಶನ ಮಾಡಬೇಕೆಂದು ಮನವಿ ಮಾಡಿದರು.
ಈ ಸಂದರ್ಭದಲ್ಲಿ ಮಾದಿಗ ಸಮಾಜದ ಹಿರಿಯರಾದ ಹಾಜಪ್ಪ ಬಳಿಚಕ್ರ, ಭೀಮರಾಯ ಕನಕನಳ್ಳಿ, ಈಶ್ವರಾಜ ಪಗಲಾಪೂರ,ಶ್ರೀಧರ ಕೊಲ್ಲೂರ, ಮಂಜುನಾಥ ಕೊಡಲಿಕರ, ಗಣೇಶ ಕಾಂಬಳೆ, ಪರಶುರಾಮ ಮಲ್ದಾರ, ಕಾಶಿನಾಥ ಜಿನಕೇರಿ, ಅಜಯ ವನ್ನೇರ್, ಸಂತೋಷ ಕೊಡಲಿಕರ ಇನ್ನಿತರರು ಉಪಸ್ಥಿತರಿದ್ದರು.