ಕಲಬುರಗಿ: ಈ ಭಾಗದ ಕಲಾವಿದರನ್ನು ಉಳಿಸಿ ಬೆಳೆಸುವುದು ನಮ್ಮೆಲ್ಲರ ಕರ್ತವ್ಯವಾಗಿದೆ ಎಂದು ರಂಗ ಕಲಾವಿದ ಸಿದ್ದಣ್ಣ ಕೋಲ್ಹಾರ ನುಡಿದರು.
ನಗರದ ನಂದಿ ಕಂಪ್ಯೂಟರ್ ತರಬೇತಿ ಕೇಂದ್ರದಲ್ಲಿ, ಸ್ನೇಹ ಸಂಗಮ ವಿವಿದೊದ್ದೇಶ ಸೇವಾ ಸಂಘ ಹಾಗೂ ಅಮರಪ್ರಿಯ ಕಲಾ ಬಳಗದ ವತಿಯಿಂದ ರಂಗ ಕಲಾವಿದ ದಿ. ಈಶ್ವರಪ್ಪ ಎಸ್. ಪರಹತಾಬಾದ್ ಅವರಿಗೆ ನುಡಿ ನಮನ ಕಾರ್ಯಕ್ರಮದಲ್ಲಿ ಮಾತನಾಡುತ್ತಾ ಈ ಭಾಗದಲ್ಲಿ ಕಲಾವಿದರ ಕೊರತೆಯಿಲ್ಲ ತಮ್ಮ ಹೊಟ್ಟೆಪಾಡಿಗಾಗಿ ಕಲೆಯನ್ನು ಹೊರ ಹಾಕದೆ ಜೀವನಕ್ಕಾಗಿ ತ್ಯಾಗ ಮಾಡುತ್ತಿರುವುದು ವಿಷಾದನಿಯ ಎಂದು ನುಡಿದರು.
ಸಂಘದ ಅಧ್ಯಕ್ಷ ಹಣಮಂತರಾಯ ಅಟ್ಟೂರ ಮಾತನಾಡುತ್ತಾ ಕಲಾವಿದ ಈಶ್ವರಪ್ಪನವರು ದೈಹಿಕವಾಗಿ ನಮ್ಮ ಜೊತೆಯಲ್ಲಿಲ್ಲದ್ದರು ಅವರ ಆಚಾರ ವಿಚಾರಗಳು ಎಂದಿಗೂ ನಮ್ಮ ಜೊತೆಯಾಗಿರುತ್ತವೆ ಎಂದು ನುಡಿದರು.
ಕಾರ್ಯಕ್ರಮದಲ್ಲಿ ಅಮರಪ್ರಿಯ ಹಿರೇಮಠ, ಗುಂಡಣ್ಣ ಡಿಗ್ಗಿ, ರಾಜು ಹೆಬ್ಬಾಳ, ಮಲಕಾರಿ ಪೂಜಾರಿ, ಶ್ರವಣಕುಮಾರ ಮಠ, ಸಾಯಬಣ್ಣ ಬೆಳಮ್, ಬಸವರಾಜ ಜೋಗುರ, ರಾಜಕುಮಾರ ಎಸ್. ಪರಹತಾಬಾದ್, ಪ್ರಾಣೇಶ ಜೋಷಿ, ರಾಜಶೇಖರ ಪಾಟೀಲ, ಮಹೇಶ ತೇಲಕುಣಿ, ಶರಣು ಜೆ. ಪಾಟೀಲ ಉಪಸ್ಥಿತರಿದ್ದರು.