ಕಲಬುರಗಿ: ಗುಲಬರ್ಗಾ ವಿಶ್ವವಿದ್ಯಾಲಯದ ದೈಹಿಕ ಶಿಕ್ಷಣ ವಿಭಾಗದ ಮಹಿಳೆಯರ ಬ್ಯಾಡ್ಮಿಂಟನ್ ತಂಡವನ್ನು ಆಯ್ಕೆ ಮಾಡಲಾಯಿತು.
ಬೆಳಗಾವಿಯ ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವಾವಿದ್ಯಾಲಯದಲ್ಲಿ ಜ. 2ರಿಂದ 5 ರವರೆಗೆ ನಡೆಯಲಿರುವ ದಕ್ಷಿಣ ವಲಯ ಅಂತರ್ ವಿಶ್ವವಿದ್ಯಾಲಯದ ಬ್ಯಾಡ್ಮಿಟನ್ ಮಹಿಳಾ ಪಂಧ್ಯಾಟದಲ್ಲಿ ಗುಲಬರ್ಗಾ ವಿಶ್ವವಿದ್ಯಾಲಯ ತಂಡ ಭಾಗವಹಿಸಲಿದೆ.
ತಂಡದ ನಾಯಕಿ ರೇಣುಕಾ ಹಾಗೂ ಕ್ರೀಡಾಪಟುಗಳಾದ ಭುವನೇಶ್ವರಿ ಹಾಗೂ ಪೂಜಾ ಪಾಲ್ಗೊಳ್ಳಲಿದ್ದು, ತಂಡದ ವ್ಯವಸ್ಥಾಪಕರಾಗಿ ದೈಹಿಕ ಶಿಕ್ಷಣ ವಿಭಾಗದ ತಾಂತ್ರಿಕ ಸಹಾಯಕ (ಜಿಮ್ನಾಸ್ಟಿಕ್) ಪ್ರಶಾಂತ್ ಕುಮಾರ್ ಡಿ. ತೆರಳಲಿದ್ದಾರೆ.
ದಕ್ಷಿಣ ವಲಯ ಅಂತರ್ ವಿಶ್ವವಿದ್ಯಾಲಯದ ಬ್ಯಾಡ್ಮಿಟನ್ ಮಹಿಳಾ ಪಂಧ್ಯಾಟದಲ್ಲಿ ಭಾಗವಹಿಸುತ್ತಿರುವ ದೈಹಿಕ ಶಿಕ್ಷಣ ವಿಭಾಗದ ಮಹಿಳಾ ಕ್ರೀಡಾಪಟುಗಳಿಗೆ ಕುಲಪತಿ ಪ್ರೊ. ದಯಾನಂದ ಅಗಸರ, ಕುಲಸಚಿವ ಡಾ. ಬಿ. ಶರಣಪ್ಪ, ಮೌಲ್ಯಮಾಪನ ಕುಲಸಚಿವ ಪ್ರೊ. ಜ್ಯೋತಿ ಧಮ್ಮ ಪ್ರಕಾಶ್, ವಿತ್ತಾಧಿಕಾರಿ ಪ್ರೊ. ರಾಜಾನಳ್ಕರ್ ಲಕ್ಷ್ಮಣ, ದೈಹಿಕ ಶಿಕ್ಷಣ ನಿರ್ದೇಶಕ. ಡಾ. ಎನ್. ಜಿ. ಕಣ್ಣೂರು, ಡಾ. ಹನುಮಂತ ಜಂಗೆ, ಡಾ. ಚಂದ್ರಕಾಂತ್ ಬಿರಾದಾರ, ಅರುಣ್ ಕುಮಾರ್ ಹೆಚ್. ಶುಭ ಹಾರೈಸಿದ್ದಾರೆ.