ಸುರಪುರ: ಕೃಷ್ಣಾಪುರ ಸರ್ಕಲ್‍ನ ಚಿಕ್ಕಹೊನ್ನಕುಣಿ ಉಪ ವಿಭಾಗದ ಕೆ.ಬಿ.ಜೆ.ಎನ್.ಎಲ್ ಸಹಾಯಕ ಅಭಿಯಂತರ ಗಣೇಶ ಅವರನ್ನು ಅಮಾನತುಗೊಳಿಸುವಂತೆ ಆಗ್ರಹಿಸಿ ಶೋಷಿತರ ಪರ ಹೋರಾಟದ ಸಂಘಟನೆಗಳ ಒಕ್ಕೂಟದ ಮುಖಂಡರು ಆಗ್ರಹಿಸಿದರು.
ನಗರದ ನಾಲ್ವಡಿ ರಾಜಾ ವೆಂಕಟಪ್ಪ ನಾಯಕ ವೃತ್ತದಲ್ಲಿ ಪ್ರತಿಭಟನೆ ನಡೆಸಿ ಮಾತನಾಡಿದ ಒಕ್ಕೂಟದ ರಾಜ್ಯಾಧ್ಯಕ್ಷ ವೆಂಕೋಬ ದೊರೆ,ಕೆಬಿಜೆಎನ್‍ಎಲ್ ಕೃಷ್ಣಾಪುರ ಸರ್ಕಲ್‍ನ ಚಿಕ್ಕಹೊನಕುಣಿ ಉಪ ವಿಭಾದ ಎ.ಯ ಗಣೇಶ ಗುತ್ತೇದಾರರಿಗೆ ಪರ್ಸೆಂಟೇಜ್ ನೀಡುವಂತೆ ಕಿರಕುಳ ನೀಡುತ್ತಿದ್ದಾರೆ,ದೇವದುರ್ಗ ಶಾಸಕರಿಗೆ,ನೀರಾವರಿ ಸಚಿವರಿಗೆ ಹಣ ಕೊಡಬೇಕು,ಆದ್ದರಿಂದ ನಮ್ಮ ಸಾಹೇಬರು ಹೇಳಿದ್ದಾರೆ.ಆದ್ದರಿಂದ ತಾವು ಹಣ ಕೊಡಬೇಕು ಇಲ್ಲದಿದ್ದರೆ ನಿಮ್ಮ ಕೆಲಸ ಮಾಡುವುದಿಲ್ಲ ಎಂದು ರಾಜಾರೋಷವಾಗಿ ಹೇಳುತ್ತಿದ್ದು,ಇದರಿಂದ ಗುತ್ತೇದಾರರು ಆತ್ಮಹತ್ಯೆ ಮಾಡಿಕೊಳ್ಳುವ ಪರಸ್ಥಿತಿ ನಿರ್ಮಾಣವಾಗುತ್ತಿದೆ,ಆದ್ದರಿಂದ ಕೂಡಲೇ ಈ ಎ.ಇ ಗಣೇಶ ಅವರನ್ನು ಅಮಾನತುಗೊಳಿಸಬೇಕು ಇಲ್ಲವಾದಲ್ಲಿ ಕೃಷ್ಣಾಪುರ ಕೆಬಿಜೆಎನ್‍ಎಲ್ ಎಸ್.ಇ ಆಫೀಸ್ ಮುಂದೆ ಉಪವಾಸ ಸತ್ಯಾಗ್ರಹ ಹಮ್ಮಿಕೊಳ್ಳಲಾಗುವುದು ಎಂದು ಎಚ್ಚರಿಸಿದರು.
ನಂತರ ಜಿಲ್ಲಾ ಉಸ್ತುವಾರಿ ಸಚಿವರಿಗೆ ಬರೆದ ಮನವಿಯನ್ನು ಕೃಷ್ಣಾಪುರ ಎಸ್.ಇ ಕಚೇರಿ ಸಿಬ್ಬಂದಿ ಮೂಲಕ ಸಲ್ಲಿಸಿದರು.ಈ ಸಂದರ್ಭದಲ್ಲಿ ಒಕ್ಕೂಟದ ಜಿಲ್ಲಾಧ್ಯಕ್ಷ ರಮೇಶಗೌಡ,ತಾಲೂಕು ಅಧ್ಯಕ್ಷ ದಾವಲಸಾಬ್,ಆಟೋ ಚಾಲಕರ ಸಂಘದ ಅಧ್ಯಕ್ಷ ವೆಂಕಟೇಶ ನಾಯಕ ಸೇರಿದಂತೆ ಇತರರಿದ್ದರು.