ಕಲಬುರಗಿ: ಕಾಂಗ್ರೆಸ್ ನಾಯಕ ಡಿ ಕೆ ಶಿವಕುಮಾರ್ ಅವರನ್ನು ಕೇಂದ್ರ ಸರ್ಕಾರ ತನ್ನ ಸರ್ಕಾರಿ ಸಂಸ್ಥೆಗಳನ್ನು ಉಪಯೋಗಿಸಿ ಜೊತೆಗೆ ಅಧಿಕಾರ ದುರುಪಯೋಗ ಮಾಡಿಕೊಂಡು ಬಂಧಿಸಿದರ ಬಗ್ಗೆ ರಾಜ್ಯಾದ್ಯಂತ ಪ್ರತಿಭಟನೆ ನಡೆಯಿತ್ತಿದ್ದೆ. ಇಂದು ಕಲಬುರ್ಗಿ ನಗರದ ವಲ್ಲಭಭಾಯಿ ಪಟೇಲ್ ವೃತ್ತದಲ್ಲಿ ಕರ್ನಾಟಕ ರಕ್ಷಣಾ ವೇದಿಕೆಯ ಕಾರ್ಯಕರ್ತರು ಇಂದು ಕೇಂದ್ರ ಸರ್ಕಾರದ ದ್ವೇಷ ಭಾವನೆ ಹೊಂದಿರುವ ರಾಜಕೀಯ ನಡೆ ಖಂಡಿಸಿ ಪ್ರತಿಭಟನೆ ಮಾಡಿದರು.
ಪ್ರತಿಭಟನೆಯಲ್ಲಿ ವೇದಿಕೆಯ ಕಾರ್ಯಕರ್ತರು ಕೇಂದ್ರ ಸರ್ಕಾರದ ವಿರುದ್ಧ ಹಾಗೂ ಪ್ರಧಾನಿ ಮೋದಿ ವಿರುದ್ಧ ಘೋಷಣೆ ಕೂಗಿದರು. ಈ ವೇಳೆ ಮಾತನಾಡಿದ ವೇದಿಕೆಯ ಜಿಲ್ಲಾಧ್ಯಕ್ಷ ಮಹೇಶ್ ಎಸ್ ಕಾಶಿ ರವರು, ಕೇಂದ್ರ ಸರ್ಕಾರ ವತಿಯಿಂದ ಇಂದು ಧ್ವೇಷ ರಾಜಕಾರಣದ ನಡೆಯುತ್ತಿದೆ. ಈ ಬೆಳವಣಿಗೆ ಪ್ರಜಾಪ್ರಭುತ್ವ ವ್ಯವಸ್ಥೆಗೆ ಮಾರಕವಾಗುವ ಮುನ್ಸೂಚನೆ ನೀಡದೆ ಎಂದು ಕೇಂದ್ರ ವಿರುದ್ಧ ವಾಗ್ದಾಳಿ ನಡೆಸಿದರು.
ಈ ಪ್ರತಿಭಟನೆಯಲ್ಲಿ ವೇದಿಕೆಯ ಚಂದ್ರಕಾಂತ ಗುತ್ತೇದಾರ್, ಸಿದ್ದಣ್ಣ ಪೂಜಾರಿ, ಕಾಶಿನಾಥ ಮುದ್ದೆವಾಳ, ಅಂಬರೀಷ್ ಉಡಗಿ, ಅನಿಲ್ ತಳವಾರ, ಸಿದ್ದಣ್ಣ ಗೌಡ ಹಾಗೂ ಅಶೋಕ್ ಇನ್ನಿತರ ಭಾಗವಹಿಸಿದ್ದರು.