ಕಲಬುರಗಿ: ಲೋಕಸಭಾ ಚುನಾವಣೆ ಹಿನ್ನೆಲೆ ಪ್ರಹಾರ ಜನಶಕ್ತ ಪಾರ್ಟಿಯಿಂದ ಕಲಬುರಗಿ ಲೋಕಸಭಾ ಕ್ಷೇತ್ರಕ್ಕೆ ವಿಜಯಕುಮಾರ ಚಿಂಚನಸೂರಕರ್ ಅವರನ್ನು ಕಣಕ್ಕೆ ನಿಲ್ಲಿಸಲಾಗಿದೆ ಎಂದು ಪಿಜೆಪಿ ರಾಜ್ಯ ಘಟಕದ ಅಧ್ಯಕ್ಷ ಪ್ರವೀಣ ಎಸ್.ಚೌಧರಿ ತಿಳಿಸಿದರು.
ಪಕ್ಷದ ವತಿಯಿಂದ ಒಟ್ಟು ರಾಜ್ಯದ್ಯಂತ ಒಟ್ಟು 12 ಕ್ಷೇತ್ರಗಳಲ್ಲಿ ಪಿಜೆಪಿಯಿಂದ ಅಭ್ಯರ್ಥಿಗಳನ್ನು ಕಣಕ್ಕೆ ನಿಲ್ಲಿಸಲಾಗಿದೆ ಎಂದು ಸೋಮವಾರ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.
ಕಲ್ಯಾಣ ಕರ್ನಾಟಕ ಪ್ರದೇಶದಲ್ಲಿ ಅಲೆಮಾರಿ ಅರೆ-ಅಲೆಮಾರಿ ಮತ್ತು ಎಲ್ಲ ಧರ್ಮದ ಜನರು ಹಿಂದು ಮುಸ್ಲಿಂ ಶಿಖ್ ರು, ಜೈನರು, ಬೌದ್ಧರು ಹಾಗು ಹಿಂದುಳಿದ ವರ್ಗದ ಜನರ ಬೆಂಬಲದೊಂದಿಗೆ ಲೋಕಸಭಾ ಚುನಾವಣೆ ಎದುರಿಸಲಿದ್ದೆವೆ ಎಂದು ಅವರು ಹೇಳಿದರು.
ಬಿಜೆಪಿ, ಕಾಂಗ್ರೆಸ್ ಪಕ್ಷಗಳ ಆಡಳಿತವನ್ನು ಕಂಡ ಈ ನಾಡಿನ ಜನರು ಬೇಸತ್ತಿದ್ದಾರೆ. ಜನಪರ ಆಡಳಿತ ಮಾಡುವಂತಹ ಹಾಗೂ ಜನರ ತೆರಿಗೆ ಹಣ ಜನಗಳ ಅಭಿವೃದ್ಧಿಗೆ ಮೀಸಲಾಗಿಡುವ ಉದ್ದೇಶಕ್ಕಾಗಿ ಪ್ರಹಾರ ಜನಶಕ್ತಿ ಪಾರ್ಟಿ ಈ ಬಾರಿ ಚುನಾವಣೆಗೆ ಅಭ್ಯರ್ಥಿಗಳನ್ನು ನಿಲ್ಲಿಸಲಾಗಿದೆ. ಗೆದ್ದೇ ಗೆಲ್ಲತ್ತೇವೆ ಎನ್ನುವ ವಿಶ್ವಾಸಕೂಡ ಇದೆ ಎಂದು ಹೇಳಿದರು.
ಶೇಖರ ಸಿಂಗ್, ಶರಣಬಸವ ಹಿರೇಮಠ, ಗುಡುಸಾಬ ಮುತ್ತುವಲ್ಲಿ ಸಂತೋಷ ಸಿಂಧೆ, ಅಂತಿತಾ ಹೆಳವರ, ಜಗತ್ ಸಿಂಗ್, ಜಗದೀಶ ಗಾರಂಪಳ್ಳಿ ಇದ್ದರು.