ಸುರಪುರ: ಪಿಆರ್ಓ ಹಾಗೂ ಎಪಿಆರ್ಓಗಳು ಇಲ್ಲಿ ನೀಡುವ ತರಬೇತಿಯನ್ನ ಸರಿಯಾಗಿ ಪಡೆದುಕೊಂಡು ಚುನಾವಣೆಯಲ್ಲಿ ಯಾವದೇ ಲೋಪವಾಗದಂತೆ ಎಲ್ಲರು ಕರ್ತವ್ಯ ನಿರ್ವಹಿಸಿ ಎಂದು ಜಿಲ್ಲಾಧಿಕಾರಿಗಳು ಹಾಗು ಜಿಲ್ಲಾ ಚುನಾವಣಾಧಿಕಾರಿಗಳಾದ ಡಾ:ಸುಶೀಲಾ ಬಿ ಅವರು ತಿಳಿಸಿದರು.
ಸುರಪುರ ನಗರದ ಕುಂಬಾರಪೇಟದಲ್ಲಿನ ಪ್ರೇರಣಾ ಪ್ರೌಢಶಾಲೆಯಲ್ಲಿ ನಡೆದ ಮತಗಟ್ಟೆ ಅಧಿಕಾರಿಗಳಾದ ಪಿಆರ್ಓ ಹಾಗೂ ಎಪಿಆರ್ಓ ಗಳಿಗೆ ಏರ್ಪಡಿಸಿದ್ದ ಚುನಾವಣೆ ತರಬೇತಿ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು
ಮೇ 7 ರಂದು ನಡೆಯುವ ಲೋಕಸಭೆ ಸಾರ್ವತ್ರಿಕ ಚುನಾವಣೆ ಹಾಗೂ ಸುರಪುರ ವಿಧಾನಸಭಾ ಕ್ಷೇತ್ರದ ಉಪ ಚುನಾವಣೆ ಅಂಗವಾಗಿ ಇಂದು ಸುರಪುರ ವಿಧಾನಸಭಾ ಕ್ಷೇತ್ರದ ವ್ಯಾಪ್ತಿಯ ಎಲ್ಲಾ ಮತಗಟ್ಟೆಗಳ ಪಿಆರ್ಒ ಹಾಗೂ ಎಪಿಆರ್ಓ ಗಳು ತರಬೇತಿಯಲ್ಲಿ ಭಾಗವಹಿಸಿದ್ದಾರೆ,ಮಾಸ್ಟರ್ ಟ್ರೈನರ್ಳ ಮೂಲಕ ತರಬೇತಿ ಕೊಡಿಸಲಾಗುತ್ತಿದೆ ಎಂದು ತಿಳಿಸಿದರು.
ತರಬೇತಿಯಲ್ಲಿ ಸುರಪುರ ವಿಧಾನಸಭಾ ಕ್ಷೇತ್ರದ 317 ಮತದಾನ ಕೇಂದ್ರಗಳಿಂದ ಒಟ್ಟು 821 ಜನರು ತರಬೇತಿಗೆ ಹಾಜರಾಗಿದ್ದರು.
ಈ ಸಂದರ್ಭದಲ್ಲಿ ಲೋಕಸಭೆ ಚುನಾವಣೆ ಎಆರ್ಒ ಹಾಗೂ ಸುರಪುರ ವಿಧಾನಸಭಾ ಚುನಾವಣೆ ಆರ್ಒ ಕಾವ್ಯರಾಣಿ, ಸುರಪುರ ತಹಶಿಲ್ದಾರರು ಹಾಗೂ ಸುರಪುರ ವಿಧಾನಸಭಾ ಉಪ ಚುನಾವಣೆಯ ಎಆರ್ಓ ನಾಗಮ್ಮ ಕಟ್ಟಿಮನಿ,ಹುಣಸಗಿ ತಹಸಿಲ್ದಾರ್ ಬಸಲಿಂಗಪ್ಪ ನಾಯ್ಕೊಡಿ,ಬಿಇಓ ಯಲ್ಲಪ್ಪ ಕಾಡ್ಲೂರ,ಚುನಾವಣಾ ಶಾಖೆ ಸಿರಸ್ತೆದಾರ ಅವಿನಾಶ್ ಪಡಶೆಟ್ಟಿ,ತಾ.ಪಂ ಇಓ ಬಸವರಾಜ ಸಜ್ಜನ್ ,ನಗರಸಭೆ ಪೌರಾಯಕ್ತ ಮಂಜುನಾಥ ಸೇರಿದಂತೆ ಮಾಸ್ಟರ್ ಟ್ರೈನರ್ಗಳು ಇನ್ನಿತರರು ಉಪಸ್ಥಿತರಿದ್ದರು.