ಕಲಬುರಗಿ: ದಲಿತರಿಗೆ ಮೂರು ಬಾರಿ ಮುಖ್ಯಮಂತ್ರಿಯಾಗುವ ಅವಕಾಶ ಇತ್ತು. ಅದನ್ನು ವ್ಯವಸ್ಥಿತವಾಗಿ ತಪ್ಪಿಸಲಾಗಿದೆ ಎಂದು ದಲಿತ ಸಂಘರ್ಷ ಸಮಿತಿಯ ರಾಜ್ಯ ಸಂಚಾಲಕ ಹೆಣ್ಣೂರು ಶ್ರೀನಿವಾಸ ಆರೋಪಿಸಿದರು.
ಕಲಬುರಗಿ ನಗರದ ಐವಾನ್ ಇ ಶಾಹಿಯಲ್ಲಿ ದಲಿತ ಚಳವಳಿ ಪುನರುತ್ಥಾನ, ಮುಂದಿನ ಸವಾಲುಗಳು, ಅವಲೋಕನ ಮತ್ತು ಕಾರ್ಯಕರ್ತರ ಸಮಾಲೋಚನಾ ಸಭೆಯಲ್ಲಿ ಮಾತನಾಡಿದರು.
ಸಭೆಯಲ್ಲಿ ಕರ್ನಾಟಕದಲ್ಲಿ ದಲಿತರು ಸಿಎಂ ಆಗಿಲ್ಲ. ದಲಿತರು ಅಳುವವರಾಗಬೇಕು ಎನ್ನುವ ಡಾ.ಬಿ.ಆರ್.ಅಂಬೇಡ್ಕರ್ ಅವರ ಕನಸು ನನಸು ಮಾಡಬೇಕಿದೆ. ಅದಕ್ಕಾಗಿ ಎಲ್ಲರೂ ಶ್ರಮಿಸಬೇಕು. ದಲಿತ ಸಿಎಂ ಕೂಗು ಬಲಗೊಳ್ಳಬೇಕು’ ಎಂದರು.
ದಲಿತರಿಗೆ ಅವರದೇ ಆದ ಪಕ್ಷವಿಲ್ಲ. ಆದ ಕಾರಣ ಕಾಂಗ್ರೆಸ್ ಅನಿವಾರ್ಯ. ಈಗ ರಾಜ್ಯದಲ್ಲಿ ದಲಿತರಿಗೆ ಸಿಎಂ ಆಗುವ ಅವಕಾಶ ಇದೆ. ರಾಜ್ಯದಲ್ಲಿ 1 ಕೋಟಿಗೂ ಹೆಚ್ಚು ದಲಿತರಿದ್ದಾರೆ. ಅದರಲ್ಲಿ ಶೇ 90ರಷ್ಟು ಜನ ಅಸ್ಪೃಶ್ಯ ಜಾತಿಗಳಿಗೆ ಸೇರಿದವರಾಗಿದ್ದಾರೆ. ನಮ್ಮ ಪಾಲಿನ ಹಕ್ಕು ಕೇಳಬೇಕು’ ಎಂದರು. ದಲಿತರು ಆರ್‍ಎಸ್‍ಎಸ್‍ನ್ ಗುಪ್ತ ಕಾರ್ಯಸೂಚಿ ಜಾಗೃತರಾಗಬೇಕು’ ಎಂದು ಹೇಳಿದರು.
ರಾಜ್ಯ ಸಂಘಟನಾ ಸಂಚಾಲಕ ವಿಜಯ ನರಸಿಂಹ ಮಾತನಾಡಿ, ‘ಸಂಘ ಪರಿವಾರ ದೇಶದಲ್ಲಿ ಸಂಘಟನೆಗಳನ್ನು ಹುಟ್ಟು ಹಾಕಿ ಅಂಬೇಡ್ಕರ್ ಅವರ ವಿಚಾರಗಳನ್ನು ಅಳಿಸಿ ಹಾಕುವ ಹುನ್ನಾರ ಮಾಡುತ್ತಿದೆ. ಶೋಷಿತರು ಒಂದಾಗದಿದ್ದರೆ ಉಳಿಗಾಲವಿಲ್ಲ. ‘ತುಳಿತಕ್ಕೊಳಗಾದ ಸಮುದಾಯ ಗಳನ್ನು ಜಾಗೃತಗೊಳಿಸುವಲ್ಲಿ ದಲಿತ ಸಂಘರ್ಷ ಸಮಿತಿ ಪಾತ್ರ ದೊಡ್ಡದು’ ಎಂದು ಹೇಳಿದರು.
ರಾಜ್ಯ ಸಂಘಟನಾ ಸಂಚಾಲಕ ಭೀಮಜ್ಯೋತಿ ಶ್ರೀನಿವಾಸ, ಬೇಗೂರು ಮುನಿರಾಜು, ಎಚ್.ವಿ.ವೆಂಕಟೇಶ, ಷಣ್ಮುಖಪ್ಪ ಘಂಟೆ, ಸುರೇಶ ಮಂಗನ್, ಭರತ ಧನ್ನಾ, ಶಿವಕುಮಾರ ಅಜಾದಪುರ, ಬಸವರಾಜ ಅಷ್ಟಗಿ, ಭೀಮಶಾ ಖನ್ನಾ, ದವಲಪ್ಪ ಮದನ, ಭಾಗಪ್ಪ ಕೋಳಕೂರ, ಮಡಿವಾಳಪ್ಪ ಮಲ್ಲಾಬಾದಿ, ಯಲ್ಲಾಲಿಂಗ ದೊಡ್ಡಮನಿ ಸೇರಿ ಹಲವರು ಭಾಗವಹಿಸಿದ್ದರು.
ದಸಂಸಗೆ ಪದಾಧಿಕಾರಿಗಳ ಆಯ್ಕೆ; ದಲಿತ ಸಂಘರ್ಷ ಸಮಿತಿಯ ವಿವಿಧ ಘಟಕಗಳಿಗೆ ಪದಾಧಿಕಾರಿಗಳನ್ನು ಆಯ್ಕೆ ಮಾಡಲಾಯಿತು.
ದಸಂಸ ಜಿಲ್ಲಾ ಸಮಿತಿ: ಭೀಮಶಾ ಖನ್ನಾ, ದವಲಪ್ಪ, ವಿಜಯಕುಮಾರ ಟೈಗರ್ (ಸಂಘಟನಾ ಸಂಚಾಲಕರು), ದಸಂಸ ನಗರ ಘಟಕ: ಅಭಿಷೇಕ ಉಪಾಧ್ಯಾಯ, ಅರುಣಕುಮಾರ ಇನಾಂದಾರ, ಗೌತಮ ಉಪಾಧ್ಯಾಯ (ಸಂಘಟನಾ ಸಂಚಾಲಕರು), ಅಂಬಾರಾಯ ದರ್ಗಿ (ಖಜಾಂಚಿ), ದಲಿತ ವಿದ್ಯಾರ್ಥಿ ಒಕ್ಕೂಟ: ಮಡಿವಾಳಪ್ಪ ಮಲ್ಲಾಬಾದಿ, ಯಲ್ಲಾಲಿಂಗ ದೊಡ್ಡಮನಿ, ಅರುಣಕುಮಾರ ಶಿಂಧೆ (ಸಂಘಟನಾ ಸಂಚಾಲಕರು), ದಸಂಸ ಮಹಿಳಾ ಒಕ್ಕೂಟ: ಉಷಾ ಎಂ.ಗಾಯಧನಕರ (ಸಂಚಾಲಕಿ), ಸಂಗೀತಾ ಕಲ್ಲೂರ, ಶಶಿಕಲಾ ಜೇವರ್ಗಿ (ಸಂಘಟನಾ ಸಂಚಾಲಕರು), ಕಲಾ ಮಂಡಳಿ: ಭಾಗಣ್ಣ ಕಟ್ಟಿ ಕೋಳಕೂರ (ಜಿಲ್ಲಾ ಸಂಚಾಲಕ),