ಸುರಪುರ: ನಗರದ ಸ್ವಚ್ಛತೆ ಕಾಪಾಡುವಲ್ಲಿ ಕರ್ಮಚಾರಿಗಳು ತಮ್ಮ ಶ್ರಮವಹಿಸಿ ದುಡಿಯುತ್ತಾರೆ ಇತಂಹ ಕರ್ಮಚಾರಿಗಳಿಗೆ ಎರಡು ತಿಂಗಳಾದರು ನಗರಸಭೆ ಅಧಿಕಾರಿಗಳು ವೇತನ ನೀಡದೆ ಸತಾಯಿಸುತ್ತಿರುವುದು ಯಾವ ನ್ಯಾಯ ಎಂದು ಸಫಾಯಿ ಕರ್ಮಚಾರಿಗಳ ಕಾವಲು ಸಮಿತಿ ತಾಲೂಕು ಪ್ರಧಾನ ಕಾರ್ಯದರ್ಶಿ ಜಗದೀಶ ಶಾಖನವರ ಬೇಸರ ವ್ಯಕ್ತಪಡಿಸಿದರು.
ನಗರದ ನಗರಸಭೆ ಕಛೇರಿ ಆವರಣದಲ್ಲಿ ಸಫಾಯಿ ಕರ್ಮಚಾರಿಗಳ ಕಾವಲು ಸಮಿತಿ ತಾಲೂಕು ಶಾಖೆಯಿಂದ ಹಮ್ಮಿಕೊಂಡಿದ್ದ ಧರಣಿ ಸತ್ಯಾಗ್ರಹದ ನೇತೃತ್ವ ವಹಿಸಿ ಮಾತನಾಡಿದ ಅವರು, ದಿನಗೂಲಿ ಮತ್ತು ಕೈ ರಶೀಧಿ ಆಧಾರದ ಮೇಲೆ ಪೌರಕಾರ್ಮಿಕರು ಮತ್ತು ವಾಹನ ಚಾಲಕರಾಗಿ ಸೇವೆ ಸಲ್ಲಿಸುತ್ತಿದ್ದೇವೆ ಕಳೆದ ಮೂರು ತಿಂಗಳಿನಿಂದ ನಮಗೆ ನೀಡಬೇಕಾದ ವೇತನವನ್ನು ನೀಡದೆ ನಮ್ಮನ್ನು ಸತಾಯಿಸುತ್ತಿದ್ದಾರೆ.ಇಷ್ಟಲ್ಲದೆ ನಮಗೆ ಸಿಗಬೇಕಾದ ಸಮವಸ್ತ್ರ ಹಾಗೂ ಕೇಲಸದ ಸಮಯದಲ್ಲಾಗುವ ಅಪಘಾತ ಹಾಗೂ ಅಹಿತಕರ ಘಟನೆಗಳು ಸಂಭವಿಸಿದರೆ ನಮಗೆ ಒಂದು ಈ.ಎಸ್.ಐ ಮತ್ತು ಪಿ.ಎಫ್ ಸೌಲಭ್ಯಗಳ ದೊರಕಿಸಿಕೊಡುವಂತೆ ಹಲವು ಬಾರಿ ಮನವಿ ಮಾಡಿಕೊಂಡರು ಸಹ ಏನು ಪ್ರಯೋಜನವಾಗಿಲ್ಲ. ವೇತನವಿಲ್ಲದೆ ಎರಡು ತಿಂಗಳು ನಮ್ಮ ಬದುಕು ಹೀನಾಯವಾಗಿದೆ, ತಕ್ಷಣವೆ ನಮ್ಮ ವೇತನವನ್ನು ಬಿಡುಗಡೆಗೊಳಿಸಿ ನಮಗೆ ಸಿಗಬೇಕಾದ ಸೌಲಭ್ಯವನ್ನು ಒದಗಿಸುವಂತೆ ಒತ್ತಾಯಿಸಿದರು.
ಧರಣಿ ಸ್ಥಳಕ್ಕೆ ಪೌರಯುಕ್ತ ಜೀವನ ಕುಮಾರ ಆಗಮಿಸಿ ಬೇಡಿಕೆ ಈಡೇರಿಸುವ ಭರವಸೆ ನೀಡಿದ ನಂತರ ಧರಣಿ ನಿಲ್ಲಿಸಿ ಮನವಿ ಸಲ್ಲಿಸಲಾಯಿತು.ಈ ಸಂದಂರ್ಭದಲ್ಲಿ ನಗರಸಭೆ ಸದಸ್ಯರಾದ ವೇಣುಮಾಧವ ನಾಯಕ, ರಾಜಾ ಪಿಡ್ಡನಾಯಕ ತಾತಾ, ನರಸಿಂಹ ಪಂಚಮಗಿರಿ, ಮಹ್ಮದ್ ಗೌಸ,ನೈರ್ಮಲ್ಯ ನಿರೀಕ್ಷಕ ಸುನೀಲ ನಾಯಕ,ಲಕ್ಷ್ಮಣ ಕಟ್ಟಿಮನಿ ಹಾಗು ಮುಖಂಡರಾದ ವೆಂಕಟೇಶ ಹೊಸಮನಿ, ಅಯ್ಯಪ್ಪ ಅಕ್ಕಿ, ಹಣಮಂತ ತೇಲ್ಕರ್, ಮಹದೇವಪ್ಪಾ ಸತ್ಯಂಪೇಟ, ವೆಂಕಟೇಶ ಹುಲಿಕಲ್, ಬಸವರಾಜ ಉಲ್ಪೇನವರ, ಮಾನಪ್ಪ ಸುರಪುರಕರ್, ಗೌತಮ್ ತೇಲ್ಕರ್, ಜಿರಂಜೀವಿ ಹುಣಸಿಹೊಳೆ,ಮರೆಪ್ಪ ಚಲುವಾದಿ,ಮರೆಮ್ಮ ಶಾಖನವರ,ದುರ್ಗಮ್ಮ ಚಿಂಚೋಡಿ,ಯಲ್ಲಮ್ಮ ಸುರಪುರಕರ್,ಪಾರ್ವತಿ ಹುಲಿಕರ್,ಲಕ್ಷ್ಮೀ ದೇಸಾಯಿ,ನೀಲಮ್ಮ ಉಲ್ಪೇನವರ್,ಯಲ್ಲಮ್ಮ ಹಣಮಂತ,ಲಕ್ಷ್ಮೀ ಚಲುವಾದಿ,ಮಲ್ಲಮ್ಮ ತೇಲ್ಕರ್,ರೇಣುಕಾ ಚಲುವಾದಿ,ಶಂಕರ ಉಲ್ಪೇನವರ್,ಗೌತಮ್ ಉಲ್ಪೇನವರ್,ಯಲ್ಲಪ್ಪ ತೇಲ್ಕರ್,ಶರಣು ಚಲುವಾದಿ ಸೇರಿದಂತೆ ಅನೇಕರಿದ್ದರು.