ಸುರಪುರ: ಸಗರನಾಡಿನ ನಗರ ಮತ್ತು ಗ್ರಾಮೀಣಾಭಿವೃಧ್ಧಿ ಸಂಸ್ಥೆಯಿಂದ ಛತ್ರಪತಿ ಶಿವಾಜಿಮ ಮಹಾರಾಜರ ಜಯಂತ್ಯೋತ್ಸವದ ಅಂಗವಾಗಿ ತಾಲೂಕಿನ ಹಾವಿನಾಳ ಗ್ರಾಮದಲ್ಲಿ ಉಚಿತ ಆರೋಗ್ಯ ತಪಾಸಣಾ ಕಾರ್ಯಕ್ರಮ ನಡೆಸಲಾಯಿತು. ತಾಲೂಕು ಪಂಚಾಯತಿ ಸದಸ್ಯ ನಂದನಗೌಡ ಪಾಟೀಲ ಜ್ಯೋತಿ ಬೆಳಗಿಸುವ ಮೂಲಕ ಕಾರ್ಯಕ್ರಮ ಉದ್ಘಾಟಿಸಿದರು.
ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ್ದ್ ಭೀಮಣ್ಣ ಮಾಸ್ತರ ಸಿಆರ್‌ಪಿ ಮಾತನಾಡಿ,ಛತ್ರಪತಿ ಶಿವಾಜಿ ಮಹಾರಾಜರು ಭಾರತೀಯ ಇತಿಹಾಸದಲ್ಲಿ ಅಚ್ಚಾಗಿರುವ ಕೆಚ್ಚೆದಯ ಅರಸನಾಗಿದ್ದು,ತನ್ನ ಆಡಳಿತದ ಸಂದರ್ಭದಲ್ಲಿ ಬ್ರಿಟೀಷರು ಮತ್ತಿತರೆ ಅರಸರುಗಳಿಗೆ ಸಿಂಹ ಸ್ವಪ್ನವಾಗಿದ್ದರು.ಅಲ್ಲದೆ ಭಾರತೀಯ ಸಂಸ್ಕೃತಿಯನ್ನು ಎತ್ತಿ ಹಿಡಿದು ಇಂದಿಗೂ ಎಲ್ಲರಿಗೂ ದೇಶಪ್ರೇಮದಲ್ಲಿ ಆದರ್ಶರಾಗಿದ್ದಾರೆ ಎಂದರು.ಅಲ್ಲದೆ ಶಿವಾಜಿ ಮಹಾರಾಜರ ಜಯಂತಿ ಅಂಗವಾಗಿ ಇಂದು ಯುವಕರು ಉಚಿತ ಆರೋಗ್ಯ ತಪಾಸಣಾ ಶಿಬಿರ ಹಮ್ಮಿಕೊಂಡಿದ್ದು ಸಂತೋಷದ ಸಂಗತಿಯಾಗಿದೆ ಎಂದರು.
ಶಿಬಿರದಲ್ಲಿ ಭಾಗವಹಿಸಿದ್ದ ವೈದ್ಯರಾದ ಎನ್.ಎಂ.ರಾಯಲ್ ಮತ್ತು ಡಾ: ಅಂಬ್ರೇಶ ಮಾತನಾಡಿ,ಇಂದು ಅನೇಕ ಜನರು ನಿತ್ಯವು ಒಂದಿಲ್ಲೊಂದು ಕಾಯಿಲೆಗಳಿಂದ ಬಳಲುತ್ತಿರುತ್ತಾರೆ.ಇದನ್ನು ಮನಗಂಡಿರುವ ಸಗರನಾಡು ನಗರ ಮತ್ತು ಗ್ರಾಮೀಣಾಭಿವೃಧ್ಧಿ ಸಂಸ್ಥೆಯವರು ಆರೋಗ್ಯ ತಪಾಸಣಾ ಶಿಬಿರ ಹಮ್ಮಿಕೊಳ್ಳುವ ಮೂಲಕ ಉತ್ತಮವಾದ ಸೇವೆಗೆ ಮುಂದಾಗಿದ್ದಾರೆ ಎಂದರು.ಇಂತಹ ತಪಾಸಣೆಗಳ ಮೂಲಕ ಗ್ರಾಮೀಣ ಭಾಗದ ಜನರಲ್ಲಿ ಆರೋಗ್ಯ ರಕ್ಷಣೆಯ ಬಗ್ಗೆ ಜಾಗೃತಿ ಮೂಡಿಸಬಹುದು ಮತ್ತು ಕಾಯಿಲೆಗಳಿಗೂ ಪರಿಹಾರ ದೊರಕಿಸಿದಂತಾಗಲಿದೆ.ಸಂಸ್ಥೆಯ ಕಾರ್ಯ ಇತರೆ ಸಂಘ ಸಂಸ್ಥೆಗಳಿಗೆ ಮಾದರಿಯಾಗಿದೆ ಎಂದರು.ಇದೇ ಸಂದರ್ಭದಲ್ಲಿ ಮುಖಂಡ ದುರ್ಗಪ್ಪ ಮಾಸ್ತರ ಮಾತನಾಡಿದರು.ನಂತರ ನಡೆದ ಆರೋಗ್ಯ ತಪಾಸಣಾ ಶಿಬಿರದಲ್ಲಿ ಎರಡು ನೂರಕ್ಕು ಹೆಚ್ಚು ಜನರು ಆರೋಗ್ಯ ತಪಾಸಣೆ ಮಾಡಿ ಚಿಕಿತ್ಸೆ ನೀಡಲಾಯಿತು.
ಕಾರ್ಯಕ್ರಮದಲ್ಲಿ ಸ್ಥಳಿಯ ಗ್ರಾ.ಪಂ ಅಧ್ಯಕ್ಷ ವೈಜನಾಥ ಸಾಹುಕಾರ,ಯಂಕಣ್ಣ ಮಾಸ್ತಾರ,ಕರಿಯಪ್ಪ ಅಂಬಿಗ,ಬಲಭೀಮ ಸಾಳುಂಕೆ,ದುರ್ಗಪ್ಪ ಪೂಜಾರಿ,ಮಲ್ಲಣ್ಣ ಕಲ್ಮನಿ,ಲಕ್ಷ್ಮೀಕಾಂತ ಸಾಳುಂಕೆ,ವೀರೇಶ ಬಾಗಲಿ,ಆನಂದ ಮಡ್ಡಿ,ಆನಂದರಾವ್,ಶರಣಬಸವ ಸೇರಿದಂತೆ ಇನ್ನಿತರರಿದ್ದರು.