ಯಾದಗಿರಿ,ಸುರಪುರ: ತಾಲೂಕಿನ ಕವಡಿಮಟ್ಟಿ ಗ್ರಾಮದ ಹತ್ತಿರ ಹೊರವಲಯದ ಹೊಲದಲ್ಲಿ ಆರರಿಂದ ಏಳು ಬಣಿವೆಗಳಿಗೆ ಬೆಂಕಿ ಬಿದ್ದು ಭಾಗಶಃ ಭಸ್ಮವಾಗಿದೆ ಎಂದು ಅಗ್ನಿ ಶಾಮಕ ಠಾಣೆಯ ಠಾಣಾಧಿಕಾರಿ ಪ್ರಮೋದ್ ವಾಲಿ ತಿಳಿಸಿದರು.
ಕವಡಿಮಟ್ಟಿ ಗ್ರಾಮದ ಬಾಲಯ್ಯ ಎನ್ನುವವರಿಗೆ ಸೇರಿದ ಈ ಬಣಿವೆಗಳು. ಬಣಿವೆಯ ಮೇಲ್ಭಾಗದಲ್ಲಿ ಹಾದು ಹೋಗಿರುವ ವಿದ್ಯುತ್ ತಂತಿಗಳ ಸ್ಪರ್ಷದಿಂದ ಕಿಡಿ ಹೊತ್ತಿ ಬೆಂಕಿ ತಗುಲಿದ್ದು, ಇದರಿಂದ ಜಾನುವಾರುಗಳಿಗಾಗಿ ಸಂಗ್ರಹಿಸಿದ ಹುಲ್ಲು ಸುಟ್ಟು ಹೋಗಿದೆ. ಸುಮಾರು ಸಾವಿರಾರು ರೂಪಾಯಿಗಳ ಮೌಲ್ಯದ ಹುಲ್ಲು ಬೆಂಕಿಗೆ ಆಹುತಿಯಾಗಿದೆ.
Contact Your\'s Advertisement; 9902492681
ಗುರುವಾರ ಸಂಜೆ ಘಟನೆ ನಡೆದಿದ್ದು. ಮಾಹಿತಿ ತಿಳಿದ ತಕ್ಷಣವೇ ಅಗ್ನಿ ಶಾಮಕ ದಳದ ಸಿಬ್ಬಂದಿಗಳು ಸ್ಥಳಕ್ಕೆ ಹೋಗಿ ಬೆಂಕಿ ನಂದಿಸಿದ್ದರಿಂದ ಯಾವುದೇ ಅಹಿತಕರ ಘಟನೆ ನಡೆದಿಲ್ಲ ಎಂದು ತಿಳಿಸಿದರು. ಈ ವೇಳೆ ಪ್ರಮುಖ ಅಗ್ನಿ ಶಾಮಕ ದಳದ ಮಲ್ಲಿಕಾರ್ಜುನ, ಚಾಂದಶಾಹ ಮುಜಾವರ್, ಸುಭಾಷ್ ಚಂದ್ರ, ಶಂಕರ ಚವ್ಹಾಣ ಸಿಬ್ಬಂದಿಗಳು ಬೆಂಕಿ ನಂದಿಸುವಲ್ಲಿ ಯಶಸ್ವಿಯಾದರು.