ಸುರಪುರ: ಈ ತಿಂಗಳ 20ನೇ ತಾರೀಖಿನಂದು ಸುರಪುರದಲ್ಲಿ ಹಮ್ಮಿಕೊಳ್ಳಲಾದ ಬುದ್ಧ ಬಸವಣ್ಣನವರ ಸ್ಮರಣೆಯಲ್ಲಿ ಡಾ: ಬಾಬಾ ಸಾಹೇಬ್ ಅಂಬೇಡ್ಕರರ 128 ನೇಯ ಜಯಂತೋತ್ಸವ ಆಚರಣೆಯ ಕಾರ್ಯಕ್ರಮದ ಭಿತ್ತಿ ಪತ್ರಗಳನ್ನು ಹಸೆಮಣೆ ಏರಿದ ನವದಂಪತಿಗಳಿಂದ ವಿಶೇಷವಾಗಿ ಬಿಡುಗಡೆ ಗೊಳಿಸಿದರು.
ಇಂದು ಬೆಳಿಗ್ಗೆ ಕಾರ್ಯಕ್ರಮ ಪ್ರಚಾರ ಸಮಿತಿಯೂ ತಾಲೂಕಿನಲ್ಲಿ ಪ್ರತಿಯೊಂದು ಹಳ್ಳಿಗಳಲ್ಲಿ ಜಯಂತೋತ್ಸವಕ್ಕೆ ಜನತೆಯ ಆಹ್ವಾನಕ್ಕಾಗಿ ಜಯಂತ್ಯೊತ್ಸವ ಸಮಿತಿ ಅಧ್ಯಕ್ಷ ವೆಂಕಟೇಶ ಹೊಸ್ಮನಿ ನೇತೃತ್ವದಲ್ಲಿ ಅನೇಕ ಮುಖಂಡರು ವಿವಿಧ ಗ್ರಾಮಗಳಿಗೆ ತೆರಳಿದಾಗ ಕೊಡೇಕಲ್ ಸಮೀಪದ ಹುಲಕೇರಿ ಗ್ರಾಮದಲ್ಲಿ ನಡೆದ ಮದುವೆ ಸಮಾರಂಭದಲ್ಲಿ ಹಸೆಮಣೆ ಏರಿದ್ದ ನವಜೋಡಿಗಳು ವಿಶೇಷವಾಗಿ ಕಾರ್ಯಕ್ರಮದ ಭಿತ್ತಿಪತ್ರಗಳ ಬಿಡುಗಡೆ ಮಾಡಿ ಅಂಬೇಡ್ಕರರ ಕುರಿತ ಅಭಿಮಾನ ಮೆರೆದರು.
ಈ ಸಂದರ್ಭದಲ್ಲಿ ಅಧ್ಯಕ್ಷ ವೆಂಕಟೇಶ ಹೊಸಮನಿ, ಪ್ರಚಾರ ಸಮಿತಿ ಅಧ್ಯಕ್ಷ ಭೀಮರಾಯ ಸಿಂಧಗೇರಿ, ಉಪಾಧ್ಯಕ್ಷ ನಾಗಣ್ಣ ಕಲ್ಲದೇವನಹಳ್ಳಿ,ನಿಂಗಣ್ಣ ದೇವರಗೋನಾಲ,ವೀರಭದ್ರಪ್ಪ ತಳವರಗೇರಾ,ಮಾನಪ್ಪ ಕಟ್ಟಿಮನಿ,ಅಂಬ್ರೇಶ ಶೆಳ್ಳಿಗಿ,ಶಿವುಕುಮಾರ ಬೊಮ್ಮನಹಳ್ಳಿ, ಗೌತಮ್ ಬಡಿಗೇರ,ಆಕಾಶ ಕಟ್ಟಮನಿ,ಶೇಖರ ಜೀವಣಗಿ,ಅಮ್ಮಪ್ಪ ಬಿಜಾಸ್ಪೂರ,ಆನಂದ ಅರಕೇರಿ, ಭೀಮಣ್ಣ ಪಾಳದಕೇರಾ,ರಮೇಶ ಬಡಿಗೇರ್ ಸೇರಿದಂತೆ ಅನೇಕರಿದ್ದರು.