ಸುರಪುರ: ತಾಲೂಕಿನ ಮಂಗಿಹಾಳ ಗ್ರಾಮದಲ್ಲಿನ ಹನುಮಂತ ದೇವರ ದೇವಸ್ಥಾನಕ್ಕಾಗಿ ಮೀಸಲಿಟ್ಟಿರುವ ಜಮೀನನ್ನು ಒಂದು ವರ್ಷದ ಮಟ್ಟಿಗೆ ವ್ಯವಸಾಯದ ಭೋಗ್ಯಕ್ಕಾಗಿ ಹರಾಜು ನಡೆಸಲಾಯಿತು.ತಹಸೀಲ್ದಾರ್ ನಿಂಗಣ್ಣ ಬಿರಾದಾರ್ ನೇತೃತ್ವದಲ್ಲಿ ಹರಾಜು ನಡೆಸಲಾಯಿತು.
ಸೋಮವಾರ ಬೆಳಿಗ್ಗೆ ನಡೆದ ಹರಾಜು ಪ್ರಕ್ರೀಯೆಯಲ್ಲಿ ಗ್ರಾಮದ ನೂರಾರು ಜನ ಭಾಗವಹಿಸಿದ್ದರು.ಒಟ್ಟು 54 ಎಕರೆ ಜಮೀನಿಗೆ ನಡೆದ ಹರಾಜುವಿನ ಸರಕಾರಿ ಸವಾಲು 50 ಸಾವಿರ ರೂಪಾಯಿಗಳಿಂದ ಆರಂಭಿಸಲಾಯಿತು.ನಂತರ ಗ್ರಾಮದ ಅನೇಕರು ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದರು.ಕೊನೆಯದಾಗಿ ಯಲ್ಲಪ್ಪ ಮಡಿವಾಳಪ್ಪ ಎಂಬುವವರು 24 ಎಕರೆ 2 ಗುಂಟೆ ಜಮೀನನ್ನು 1,29,600 ರೂಪಾಯಿಗಳಿಗೆ ಪಡೆದುಕೊಂಡರು.
ಅದೇರೀತಿಯಾಗಿ 13 ಎಕರೆ 7 ಗುಂಟೆ ಜಮೀನನ್ನು ಸಿದ್ದಪ್ಪ ನಾಗಪ್ಪ ಗಿರಣಿ ಎಂಬುವವರು 59,800 ರುಪಾಯಿಗೆ ಪಡೆದುಕೊಂಡರೆ ಇನ್ನುಳಿದ 17 ಎಕರೆ 1 ಗುಂಟೆ ಜಮೀನನ್ನು ರಾಘವೇಂದ್ರ ತಮ್ಮಣ್ಣ ಎಂಬುವವರು 74,800 ರೂಪಾಯಿಗಳಿಗೆ ಎಲ್ಲರು ಒಂದು ವರ್ಷದ ಭೋಗ್ಯಕ್ಕೆ ಪಡೆದುಕೊಂಡರು.ಈ ಸಂದರ್ಭದಲ್ಲಿ ಆರ್.ಐ ವಿಠ್ಠಲ್ , ಸಿರಸ್ತೆದಾರ ವಿನೋದಕುಮಾರ,ಗ್ರಾಮಲೆಕ್ಕಿಗ ಮುಬಾರಕ್, ಗ್ರಾಮಶೋಕ ಹುಸನಪ್ಪ ಇತರರಿದ್ದರು.