ಸುರಪುರ: ನಟ ಚಿರಂಜೀವಿ ಸರ್ಜಾ ಒಬ್ಬ ಪ್ರತಿಭಾನ್ವಿತ ನಟ,ಅಲ್ಲದೆ ಅವರ ವ್ಯಕ್ತಿತ್ವ ಇಡೀ ಚಿತ್ರರಂಗದ ಎಲ್ಲರ ಮೆಚ್ಚುಗೆಗಳಿಸಿತ್ತು.ಅಂತಹ ಒಬ್ಬ ನಟನ ನಿಧನದಿಂದ ಕನ್ನಡ ಚಿತ್ರರಂಗ ಬಡವಾಗಿದೆ ಎಂದು ಯುವ ನಟ ರಾಘವೇಂದ್ರ ಮಾಚಗುಂಡಾಳ ಮಾತನಾಡಿದರು.
ತಾಲೂಕಿನ ಮಾಚಗುಂಡಾಳ ಗ್ರಾಮದಲ್ಲಿ ಚಿ.ಸೌ.ಕನ್ಯಾಕುಮಾರಿ ಸಿನೆಮಾ ತಂಡದಿಂದ ಹಮ್ಮಿಕೊಂಡಿದ್ದ ಶ್ರಧ್ಧಾಂಜಲಿ ಸಭೆಯಲ್ಲಿ ಮಾತನಾಡಿ,ನಮ್ಮ ಅನೇಕ ಜನ ಯುವ ನಟರಿಗೆ ಚಿರಂಜೀವಿ ಸರ್ಜಾ ಒಬ್ಬ ಸ್ಪೂರ್ಥಿದಾಯಕ ನಟರಾಗಿದ್ದರು.ಅವರು ಕೇವಲ ಇಪ್ಪತ್ತು ಸಿನೆಮಾ ಮಾಡಿದರು ಅವರ ನಟನೆ ನಾಡಿನ ಲಕ್ಷಾಂತರ ಜನ ಅಭಿಮಾನಿಗಳ ಮನ ಗೆದ್ದಿತ್ತು.ಅವರ ಅಗಲಿಕೆ ತುಂಬಾ ದುಃಖ ಮೂಡಿಸಿದೆ.ಭಗವಂತ ಅವರ ಕುಟುಂಬಕ್ಕೆ ನೋವು ಭರಿಸುವ ಶಕ್ತಿ ಕರುಣಿಸಲಿ ಎಂದು ಭಾವುಕರಾಗಿ ನುಡಿದರು.
ಸಭೆಯ ಆರಂಭದಲ್ಲಿ ಚಿರಂಜೀವಿ ಸರ್ಜಾರ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸಿ ಮಾಲಾರ್ಪಣೆ ಮಾಡಲಾಯಿತು.ನಂತರ ಎರಡು ನಿಮಿಷಗಳ ಮೌನಾಚರಣೆ ಮೂಲಕ ಶ್ರದ್ಧಾಂಜಲಿ ಅರ್ಪಿಸಿದರು.
ಈ ಸಂದರ್ಭದಲ್ಲಿ ಡಾ: ಶರಣು ವನದುರ್ಗ,ಅಯ್ಯಣ್ಣ ಬೆಲ್ಲದ್ ಸಂತೋಷ ಸಾಹುಕಾರ ದೇವು ಪೂಜಾರಿ ಶಿವು ಪ್ಯಾಟಿ ದೇವು ಕೊಳೂರ ಮಲ್ಲು ಕಾಡಮ್‍ಗೇರಾ ರಾಜು ಪೂಜಾರಿ ಸೇರಿದಂತೆ ಅನೇಕ ಜನ ಗ್ರಾಮಸ್ಥರು ಹಾಗು ಚಿರಂಜೀವಿ ಸರ್ಜಾರ ಅಭಿಮಾನಿಗಳಿದ್ದರು.