ಸುರಪುರ: ನಾಗರ ಪಂಚಮಿ ಬಂದರೆ ನಾಡಿನ ಗ್ರಾಮೀಣ ಭಾಗದಲ್ಲಿ ಜನರ ಪಂದ್ಯಾಟಗಳು ಆರಂಭಗೊಳ್ಳುತ್ತವೆ.ಗುಂಡು ಎಸೆಯುವ ಕಲ್ಲು ತೂರುವ ನಿಂಬೆ ಹಣ್ಣು ಚಿಮ್ಮುವ ಕಬ್ಬಿಣದ ಆರೆಗಳ ಎಸೆಯುವ ಭಾರ ಎಲೆಯುವ ಹೀಗೆ ಅನೇಕ ವಿಧದ ಪಂದ್ಯಗಳು ಆಡುವ ಮೂಲಕ ಅದಕ್ಕೆ ಹಣ ಮತ್ತು ಪಡಿ ಪದಾರ್ಥಗಳನ್ನು ಕಟ್ಟಿ ಪಂದ್ಯಗಳ ಆಚರಿಸುವುದು ಬಹುಕಾಲ ದಿಂದ ನಡೆದು ಕೊಂಡು ಬರುತ್ತಿರುವ ರೂಢಿಯಾಗಿದೆ.
ಅದರಂತೆ ನಾಗರ ಪಂಚಮಿ ಅಂಗವಾಗಿ ಪಂದ್ಯ ಕಟ್ಟಿ ೧೨೦ ಕಿಲೋ ಮೀಟರ್ ನಡೆಯಲು ಮುಂದಾಗಿದ್ದಾನೆ ಇಲ್ಲೊಬ್ಬ ಭೂಪ.ಶಹಾಪುರ ತಾಲೂಕಿನ ಇಟಗಿ ಗ್ರಾಮದಿಂದ ಸುರಪುರ ನಗರದ ಶ್ರೀ ವೇಣುಗೋಪಾಲ ಸ್ವಾಮಿ ದೇವಸ್ಥಾನಕ್ಕೆ ೧೬ ಗಂಟೆಗಳಲ್ಲಿ ಕಾಲ್ನಡಿಗೆಯಲ್ಲಿ ಬಂದು ದರುಶನ ಮಾಡಿ ಮರಳಿ ಇಟಗಿ ಗ್ರಾಮಕ್ಕೆ ತಲಪುವ ಪಂದ್ಯವನ್ನು ಕಟ್ಟಿ,ಇದಕ್ಕೆ ೧ ಲಕ್ಷ ರೂಪಾಯಿ ಬಾಜಿ ಕಟ್ಟಲಾಗಿದೆ.
ಪಂದ್ಯ ಕಟ್ಟಿದಂತೆ ಮಲ್ಲಣ್ಣ ಮದರಿ ಬೆಳಿಗ್ಗೆ ೬ ಗಂಟೆಗೆ ಇಟಗಿ ಗ್ರಾಮದಿಂದ ಹೊರಟು ಮದ್ಹ್ಯಾನ ೧ ಗಂಟೆಗೆ ಶ್ರೀ ವೇಣುಗೋಪಾಲ ಸ್ವಾಮಿ ದೇವರ ದರುಶನ ಪಡೆದು ಮರಳಿದ.ಈ ಸಂದರ್ಭದಲ್ಲಿ ಪಂದ್ಯ ಕಟ್ಟಿದವರ ತಂಡದಲ್ಲಿದ್ದ ಮಲ್ಲಯ್ಯ ಸ್ವಾಮಿ ಇಟಗಿ ಮಾತನಾಡಿ,ನಾಗರ ಪಂಚಮಿ ಅಂಗವಾಗಿ ಪಂದ್ಯವನ್ನು ಕಟ್ಟಲಾಗಿದ್ದು ಇಟಗಿ ಗ್ರಾಮದ ಹನುಮಾನ ಮಂದಿರದಿಂದ ಬೆಳಿಗ್ಗೆ ಬಿಟ್ಟಿದ್ದು ರಾತ್ರಿ ೧೦ ಗಂಟೆಯ ವರೆಗೆ ಸಮಯವಿದ್ದು ಆ ಹೊತ್ತಿನೊಳಗೆ ಗ್ರಾಮ ತಲಪುವನೆ ಎಂಬುದನ್ನು ಕಾದು ನೋಡಬೇಕೆದಿ. ಊಟ ನೀರು ಏನು ಬೇಕಾದರು ಸಮಯ ಮಾಡಿಕೊಳ್ಳುವುದು ಬಿಡುವುದು ಆತನಿಗೆ ಬಿಟ್ಟಿದ್ದು,ಆದರೆ ಈ ವರೆಗೆ ನೀರು ಊಟ ಕೂಡ ನಡೆಯುತ್ತಲೆ ಮಾಡಿದ್ದಾನೆ ಎಂದು ವಿವರಿಸಿದರು. ಈ ಸಂದರ್ಭದಲ್ಲಿ ಬಾಜಿ ಕಟ್ಟಿದ ಶಿವಶರಣ ಮಾಗಾ ಮತ್ತಿತರರು ಈ ಸಂದರ್ಭದಲ್ಲಿ ಜೊತೆಯಿದ್ದರು.